في جحيمهم عالقة

بارت 15

الكاتبة: - زينب الحربي
حساب الانستكرام:-zienab_alharbi

………………………………

نحنُ الذين نُحاول ڪل يوم بأملٍ جديد ، نبحَث عن أسبابٍ صغيرةٍ لصُنعِ سعادةٍ ،نتمسك بأحلامِنا مهما ڪانت الصعاب✨♥️
……………………
ريم: -
بعد ما كشفو علئ ابني عبالهم بنية واني مزورة الاوراق نزعتة الحفاظة كدام ابو التفتيش من شافة ابتسم واني شياطين الدنيا كلها براسي خزرتة وكتلة هسة تاكدتو مرتاحين من عطلتوني ناقصني اني بحياتي شنو هاي باوعلي بوجه بشوش وابتسامة تخليني اطمان

_هونيها تهون لا تعضمين المشاكل وهي تصغر ذبيها ورة الله وهو يحلها

_هدات اشوية وكتلة ان شاء الله اخذت جهالي واخذنا الجنط وكعدنا اشوية وصاحو علئ اصحاب الطيارة كذا الصعود اخذت جهالي وصعدت جان الوضع جدا عادي ما خفت مثل اول مرة خليت حمودي بصفي وصفاوي بحضني ضميت راسة الصدري وبستة وسكتت طارت الطيارة وطارت روحي وياها ضامة جهالي يمي يا ترئ راح اكدر اغير مصيركم ومصيري راح نكدر نواجه الحياة سوية لو راح اضعف واترككم بالنص لا والف لا ما اعوفكم الكة حل لنفسي والكم الكالكم حل ماماتي علئ هاي كعدتي باوعت حمودي نايم وصفاوي بحضني هم نايم رجعت نفسي ليورة وغفيت بالحلم او الرؤيا مدري شيسموها بس جنت عبالك كاعدة عبالك مريم العذراء لاكتني لكن ما شفت وجهة بس عرفتها هي جنت بمكان صحراء قاحلة وميتة عطش عبالك كادتني من ايدي واخذتني قريت لافتة بغداد السلام ترحب بكم نزلت دموعي بالحلم وارتويت بعد ما جنت عطشانة فزيت واني الهث عرفت تفسير الحلم اخ اتشاقيت البغداد وللعراق دقايق والمضيفة صاحت

_اربطو احزمة الامان رجاءا واستعدو للهبوط

_باوعت من الشباك وبجيت هسة اني بالعراق هسة اني ببغداد مو وعلي ممصدكة بجيت من كل كلبي هذا هوئ بغداد مو هو نفسة هذا عراقي العفتة وعشت بغربة اه يالغربة الماتنحمل دقايق وهبطنا بس هالمرة كلبي يطير اريدها بس تكمل هبوط نزلنا من الطيارة التفتت داير مدايري هذا مطار بغداد هاي بغدادي ايي هسة اني ببغداد بعد ماكو حسين راح بعد ما اشوف شكلة البشع بعد ما اشوف حقارتة ودنائتة كملت الاجراءات اخذت جهالي واخذت الجنط وطلعت لكيت امي وخالاتي وخوالي وحماتي وخالتي ام حسين ومرة حماي عفت جهالي وركضت لامي وكفت كدامها حضنتها حضنتها بتعب يمثل السنة ونص الفاتن حضنتها بعتب وبتعب وبكلشي بروحي بجيت بجيت بصوت عالي ليش يوم ليش جبتيني علئ الدنيا اذا تكطعين بية ليش يمة ردت علية وهي تبجي مثل بجيي واكثر

_مو كطع مو كطع بس ادري بي ما يخاف الله وياخذ الجهال وادري بيج تموتين وراهم كلشي راح يخلص المهم هسة انتي بحضني

_حضنتها اكثر وضميت روحي بحضنها بوست خالاتي وحضنتهم وخالتي ام حسين وحماتي اللي صارتلي ونعم الاخت كالت