في جحيمهم عالقة

بارت 20

الكاتبة: -زينب الحربي
حساب الانستكرام: - zienab_algarbi

……………………………………
علىٰ الخَطّ الفاصِل مابَين الوجُودِ والعَدم، مابينَ الحُبِّ والكراهية، مابَين الاستِمرار والتّراجع، مابَين الشيءِ وضدّه، أقِفُ على قدمٍ واحدة، يهتَزّ توازنِي، أكادُ أسْقط، دائماً "أكادُ" أسقُط، وأظلّ أكافح حتّى أبقىٰ صامِدة .
…………………………………
ريم: -
نهاية ال2017 جانت سنة عبارة عن حفلات موت وعياط وبجي وصريخ مات بايدي مات وعينة عليه اول مرة اصير بهيج موقف عطت صوت عالي وبجيت وسكتت بعدها اباوع لامي اللي خبصت الدنيا خبص واني ساكتة كام خالي غطاه وسبل اديه. وكوم امي حضنها اللي بجت وانهد حيلها وهي حامل اشوية وامي كامت خابرت علئ اهلة خاطر يجون ويانة للدفنة لان زحمة وحدنا واكثرنا بنات صافنة علئ الحايط اريد اصدة اللي اني بي واقع مو حلم هذا الموقف اللي صرت بي واقع اشوية اني كاعدة دافكر وسمعت العياط والصايح دخلو اهلة يبجون مجنت اتذكر شنو هوساتهم وشنو عياطهم طبو الزلم شالو وطلعو وراحت امي وياهم واني صافنة عليهم كمت علئ حيلي مجاي اكدر ابجي والله الكريم يارب منك الصبر كلبي حيوكف كمت نضفت البيت وفرشتة اجو الناس وبدت الفاتحة
اول شي اخذو للمستشفئ والنوب اخذو دفنوه امي اللي حالتها يرثئ لها واني ايد علئ الجهال وايد للبيت وايد لامي اوف يا يمة
بيوم الثالث مال الفاتحة لمن كملت ختمة نعت علئ الاب فتحت كل مواجع روحي اتذكرت الرجال اللي مشفتة بعيني ولا حسيت بحنيتة بجيت ولطمت مدري علئ ابوي لو علئ رجل امي بجيت ولطمت وملخت روحي وجسمي صار ازرك لحظة اتذكرت اني ما عندي اب وبجيت بالزايد ملخت شعري وما اشوف الا امي متكومة بنص النسوان عفت اللطم وركضت علها كومتها وخليتها علئ الكرسي لليل الكل راحو وفضت بقينا اني وامي كاعدين. امي تبجي ولادتها قريبة والطفل راح يولد يتيم مثلي بجيت علئ الطفل بس لحظة عندة صورة احنا كبار نكدر نحجيلة اني حتئ مشفت صورة الة ولا واحد حجالي عليه يعني هو احسن حالا مني الله يطلعة بخير وسلامة من كد الحالة النفسية اللي اني بيها صرت اقارن طفل لسة ما انولد بحالتي لمن انولدت استغفرت الله وكمت سويتلنا اكل عشيت امي والجهال وفرشتلهم وغطيتهم وفرشت بصف امي ونمت امي حالتها كلش صايرة بين الكاعدة بين الغافية شفت زوج امي واكف يمي عبالك اريد اروحلة فرحانة هو ما ميت كالي بناتي امانة بركبتج وراح فزيت من الحلم بجيت عبالي صدك باوعت علئ الساعة الاذان مخلص كمت توضيت وصليت صلاة الصبح ورجعت نمت من التعب للضهر الا كعدت لكيت امي والجهال كاعدين بالصالة وامي ايدها علئ خدها وتبجي تقربت عليهم كلت صباح الخير باوعتلي وهي العبرة شاكة كلبها وتبجي

_شراح نسوي كليلي اشلون نخلصها

_ربج يحلها يمة لتهتمين اكو الله ووراج ولادة

_ها يمة تذكرت اهلي ابوج اقصد عيالي انطوني مبلغ زين بس بعدة عدهم مال ابوج موصي بينا العصر نروح نجيبة ونجي