في جحيمهم عالقة

بارت (34)

الكاتبة: - زينب الحربي
حساب الانستكرام.:-1oz_w
………………………………………
من يمته زعلنه يصير إسمة فراگ ؟
و انعاف إعلة شغلة وما مسويها !

………………………………………
ريم: -
عبرت السالفه وغلست مر اسبوع اني والجهال من اسعد حياتنا والشاهد الله  ربيع ماقصر وياهم ابد كلشي يردون يجيب خلص الاسبوع خابرني ابوهم بدلتلهم وحضرتهم واشتريتلهم كم شغلة وانطلقت لابوهم. رجعتهم وبعدها سالفة ربيع تدك براسي كلت خلي هو وحده راح ينكشف اذا عنده شي طبعا حياتنا صارت ملل لان لا شغل ولا شي بس نوم واكل و بوبجي فد يوم متمددة بصف ربيع هو دا يباوع فديوهات يكلب بالتيك توك وريلزات الانستا وصوت المبايل عالي بس كام يتكرر نفس الفيديو اهواي انداريت عليه شفته غافي. الشيطان لعب براسي مدري الله راد يكشفة الي كلت هاي فرصتج ريم والله راح يسلطني عليه سحبت التلفون على كيف سويتة صامت وانطيتة ضهري وبلشت ادور وعساني. لا شفت حرفيا انصدمت صدمة عمري ولو لازم اكون اني متعودة بس مو ربيع ابد مو ربيع شفت اللي ملازم ينشاف لان ينهي اكبر علاقة بالكون شفت انواع واشكال  النسوان كبار وصغار مراهقات وحتئ فوك الاربعين شفت عندة  وشغلات قذرة و صور مقرفة و طلع ممطلك مرتة يجذب علية . والفترة الي اختفه عني. بوقت عمليتي واني بامس الحاجة الة هي جانت يمة من صدمتي ضليت صافنة عليه شلون هيج كدر يسوي و ما بين عليه شي قفلت التلفون ورجعته بمكانه كمت من يمه طلعت جنطتي حضرتي ملابسي و اغراضي كلهم وضليت كاعدة للصبح منمت ب ١٢ ضهر كعد كال

_ صباح الخير. حبيبتي خيرج كاعدة ومكلوب وجهج متعاركة ؟

_ماكو خير اليوم

_ ليش يا ستار شكو صاير شي

_عفتة مارديت عليه لان اعرف كلامي لا راح يقدم ولا راح ياخر  مجرد ما فتح تلفونه عرف اني عرفت كلشي كال

_ اهدي واني افهمج كلشي وانطيج مبررات لكلشي

_على شنو اتفهمني بالضبط على كذبك انو انت مطلك لو على خيانتك لو على الشغلات السخيفة اللي شفتها على منو منهن اسامحك بالضبط

_ ريمي اسمعيني بس  اني مكتلج متزوج لان اعرف متقبلين و زوجتي بعيده عنج ومن اجت للعراق جانت تودعني لان راح اتسافر

_زين اوكي هاي اسامحك عليها لان ببالك انو اني انانية ومراح اقبل بيك واريدك الي وحدي وانت تعرف كولش زين لو ع كص ركبتي ما اكون انانية واخرب بيت اي واحد زين هاي اغلس عليها وممكن اسامحك  والسخافة الي بالتلفون والنسوان اللي تمارس وياهم وحدة اثنين عشرة عشرين اشلون الك نفس فهمني اشلون ما تقرف من نفسك ومنهن اشلون تكون ضعيف كدام شهوتك لك شنو من بشر انت

_  هاي نزوة وشهوة مؤقتة ولعب انتي تعرفين اني احبج وميت بيج مو بس احبج

_اتحبني؟ حبي سمحلك تخوني لو تنام وي البنات ع تلفون وتمارس وياهن وتدزلهن صور مقرفة ويدزلك صور اقرف منهن  اني مقصره وياك ؟ اوكي بالبداية ممكن بس جانت الحالة النفسية الي تعبانة بسبب تجربة فاشلة مريت بيها بس اعتذرت منك وكتلك خايفة كول قصرت وياك؟