ماما انا فترت... خلاص ي انس قربنا... نحنا ماشين وين... محل حلو... الشمس حاره، م ماشي م ماشي😭... خلاص خلاص م تبكي. شالتو وبقت ماشه قريب ساعه وبدون وجهه. لقت دكان قدامو شجر، المحل بارد شويه قعدت ولدها وقعدت جنبو. أنس؛ ماما حنقعد هنا لمتين...؛ لمن نلقى محل تاني عجبك المحل . كانت بتعاين ليهو بتمعن، خايفه المحل م يعجبو. أنس؛ هنا حلو...؛ بجد... أنس؛ اي مافي شمس، ماما عايز مويه.... ؛طيب انت انتظرني هنا انا بمشي اجيب ليك من الزير الجنب الجامع داك تمام. أنس؛ تمام. جو ولدين قعدو جنبو. جاء راجل كبير بقى يكورك؛ قومو ي بهايم ي م عندكم أهل، دا محل ترقدو فيهو، فاتح ليكم ملجأ انا. يلا يلا من هنا م عايز اشوف لي اي ولد لافي قدامي.انس؛ بس ي عمو م عندنا محل نمشي ليهو هنا في ضل. من قلت كدا الراجل جاء غضبان اداني كف...ي عديم التربية بترد على انا ولا اههه نسيت، حتلقو التربيه وين انتو.
نور؛ م تمد يدك عليهو ومافي داعي للكلام دا ولدي مربه احسن تربيه، وزاتنا خلاص ماشين. أمي مسكتني من يدي واتحركنا الراجل مسك يدها؛وين ي حلوه انتي معاهو.معليش م كنت قايلك امو، رايك شنو اديكم غرفه تنومو فيها من الحر دا، ومدام م عندكم محل اقعدو عندي لمن تلقو محل.نور؛ لا شكراً م عايزين منك حاجة. ارح ي أنس. والراجل مصر م يفك يدها والزمن داك كان النهار والشمس حاره الشارع فاضي، الناس كلهم خايفين من ضربة الشمس. قال ليها؛ وين ماشه خليك معاي حبه😏، اطمني م بعمل ليكم حاجه اقعدي انتي وولدك . وكان بعاين ليها بنظرة م حلوه. أنس؛ ماما ارح من هنا. نور عاينت لي ولدها كدا وعاينت للجو استسلمت للأمر الواقع وهي عارفه انو ولدها تعب من المشي. نور؛ طيب يوم واحد بس. الراجل ابتسم ابتسامه ماكره؛ ليله وحده 😏.....
فلاش باك **
امي اسمها أفراح سمتني نور فتحت على الدنيا وعشت طفولتي من شارع لي شارع، من زقاق لي زقاق. ومن تحت حيطة لتحت حيطه تانية. كلو عشان نلقي لينا محل يأوينا ما من حر الصيف لا من الشمس، م كنت فاهمة حاجه.
أمي كانت بتشيلني وبتلف بي في المحلات وبين الناس. بتقول ليهم بتي عيانه عايزه حق العلاج. في البحنو على حالنا وبدوها وفي البطلبو مقابل وفي البشتموها وبقولو علينا اسوء ألفاظ وبطردونا. كبرت شويه كنت بشوف الشفع مع ابهاتهم. كنت بسأل امي؛ بابا وين. بتقول لي؛ انتي م عندك ابو، نحنا برانا. بفكر كيف م عندي ابوي وديل عندهم. بقول يمكن ماما تعبانه عشان كدا قالت لي ما عندك ابو. عشت طفوله مؤلمه، انحرمت من أي حاجه بتمناها طفل. لا مدرسه لا ملابس لا العاب لا حلويات.
في يوم امي وزي كل يوم رسلتني عشان اتسول، في البدي وفي البعاين لي. جيت جنب بنات في سني ما شاء الله لابسين احلى الملابس وانا الهدومي مقطعة ووسخانه. سألت بتاع المحل انو انظف ليهو والم ليهو أكياس الملابس ويديني حق وجبه. شايفه البت بتضحك على منظري قالت لي امها؛ ماما دي ليه عامله كدا. امها قالت ليها؛ ديل أطفال الشوارع، أطفال السلسيون. قلت ليها؛ سلسيون يعني شنو. عاينت لي من فوق لي تحت وساقت بناتها ومشت. نظفت لبتاع المحل ورجعت لأمي اديتها القروش. أكلنا قدر القسمو لينا ربنا.
في ولد جاء ادا امي حاجه في قطعة. وهي دخلتها في خشما. كنت شايفه اغلب الاولاد والبنات المعانا بعملو نفس الحركه. بس م كنت فاهمه هم بعملو كدا ليه. بس قلبي م اطمئن للحاجة دي. تميت 10 سنه وانا لافه من حته لحته. لمن في يوم وانا ماشه في الشارع لقيت مبنى كبير. دخلت لقيت مره سألتها دا شنو. قالت لي؛ دي الكنيسة.؛ وبتعملو شنو هنا. قالت لي؛ بنعبد الله. عاينت لي كدا. وواصلت؛ ممكن نستضيفك عندنا ونديك ماؤي بس تصلي معانا وتتبعي ديانتنا.؛ حتدوني اكل. قالت لي؛ اكل وملابس وكمان حندخلك المدرسه. ؛بجد. قالت لي؛ ايوه.؛ طيب اذا جبت امي حتخلوها تقعد برضو. قالت لي؛ ايوه. ربنا قال ساعدو كل من يحتاج إلى مساعده.
كنت مبسوطه وأخيراً حنلقي محل نستقر فيهو أن شاء الله ليومين. مشيت عايزه اكلم امي لقيت البنات متلمين فيها. في وحده مسكتني عشان م امشي. بس انا زفيتها ومشيت، شفتها كانت بحاله سيئه ملابسها مشرطه والدم نازل من خشمها. بقيت اكورك زحو منها انتو قتلتو امي 😭💔. كانو بعاينو لي بس. انا قعدت ابكي جنبها م عارفه اعمل شنو ولا أقبل وين. رفعت راسي كل الناس الكانو واقفين مشو. عاينت ليها كدا م كانت بتتنفس. جريت اشوف لي زول يساعدني عشان اوديها المستشفى م لقيت كل حد أقرب منو بعاين لي بخوف، بشفقه، بكره. كانو بلوموني على حالتي بس انا م اخترت حياتي م اخترت افتح القى روحي في الشارع 💔....
"لما ي امي تركتيني في عالم لا يعرف الرحمه 💔".
أنت تقرأ
سلسيون
Mistério / Suspenseتحكي عن طفله من أطفال الشوارع تمر بتجارب مريرة، وتفقد والدتها، وعلى مشارف البقاء وحيده تجد من يأويها
