سوف يأتي يوم تدرك فيه أن طي صفحة هو أفضل شعور في العالم ، لأنك ستدرك أن هناك بالكتاب ما هو أكثر بكثير من تلك الصفحة التي كنت عالقا بها
.
تدخل سمية إلى أبيها وهي تصيح وتنوح وتقول بصوت عالٍ: يا بابا شوف ابنك الكبير العاقل اللي ماشي يقول قال الله وقال الرسول عمل اي.
شاكر بغضب من صوتها العالي: وطي صوتك ده وتعالي قولي اللي عندك.
سمية وقد تحولت نبرتها الى أخرى رقيقة ضعيفة: يرضيك يا بابا أشوفه واقف مع واحدة ومقربة منه جاامد وهو واقف عادي كده بتاع الصلاة والصوم ده.
انهت جملتها أثناء دخول سلوى والدة بدر وهي تقول : قطع لسانك يا بايرة ياللي ماشوفتيش ربع ساعة تربية ده انا ابني مايطلعش منه العيبة انتي فاهمة يا بنت سلوى وحسك عينك اسمعك بتهلفطي بالكلام ده تاني.
اشتعلت سمية من الداخل وقالت مالم يكن على بالهم: طيب بقا معايا صورة ليهم تحبي أوريهالك.
إبتسمت بتشفٍ وأخرجت هاتفها تعبث به ثوان و أدارت الهاتف اتجاه هدى وهي تقول : ابنك ده ولا مش ابنك ها روحي شوفي بقا متجوزها من وراكم ولا مصاحبها بكرة يجيلك وهي في ايده ومعاهم حتة عيل.
صمت كلا من سلوى و شاكر ورؤوسهم تكاد تشتعل مما سمعوه من تلك الحية .
دقائق ودخل بدر: السلام عليكم ورحمة الله وبركاته.
لم يجبه أحد وهذا ما استرعى قلقه فقال: خير يا حج في اي مالك يا أمي واقفة كده ليه.
لا يوجد رد انظارهما معلقة به ثوان ولاحظ هو وجود سمية فاستبشر أنه وبالتأكيد لم تأتِ بالخير.
أشار له والده أن يقترب ويجلس بجانبه فسار وانظاره مثبتة على سمية تكاد تحرقها نظرت هي الى الاسفل خوفا من ان يكشف بدر أمرها ، جلس بجانب والده فأشار والده لسمية بأن تأتِ بالهاتف ففتحته وأعطته الى عمها فتحدث فتحي : تعرف البنت دي.
وجه الى بدر الهاتف فتعجب بدر من الفتاة التي بالصورة وقال: دي بنت وقفتني النهاردة في الشارع ماكنتش عارفة المكان اللي هي رايحاله.
انهى حديثه و توجه ببصره الى سمية يناظرها بشهر وغضب وقال: ومعلش يا سمية الصورة دي على تليفونك ازاي انتي بتراقبيني بقا.
