الساعه 7 بليل
قامت بطلتنا وسوت روتينها اليومي وسوت شاهي لها وله وقومته
جوري : نواف قم
نواف : ههمم شتبغيين
جوري : قوم اشرب شاي سويت لك معي بالغلط
نواف : مابغى اشربيه انتي اتركيني انام
جوري : بتقوم ولا كبيته عليك؟
فتح نواف عيونه واخذ الكوب منها ونزله عالطاوله
جوري : اشربه ترا برد
نواف ناظر لها : تخافين علي ؟
جوري : اولاً تخسي ثانياً اص للحين زعلانه عليك
نواف : ياخي جوري وربي كنت امزح معك
جوري : كل تبن
عدل جلسته : شفيك علي انتي
جوري غطت عيونها : ياكلبب! كم مرره اقولك البس بلووفرك!!
نواف : تراني زوجك عادي
جوري : كل تبن لاتنسى الاتفاق !
نواف : لكن ماتفقنا اني البس بلوفر قدامك
جوري مسكت مخده ورمتها بوجهه : انا قلت تلبسه يعني تلبسه خلصني
نواف وهو يلبس البلوفر : خلاص طييب طيب
جوري : يلا شاطر
نواف : اقول قومي
جوري : وين
نواف : ننزل لهم ياحلوه
جوري : يلا بس ببدل ملابسي
نواف : بسرعه اعجلي
جوري : لاتنفخ
وراحت جوري وحطت مكياج خفييف وبدلت ملابسها ونزلوا
راح نواف وباس راس جدته وجده
نوره : يمرحبا ببنيتي
جوري ببتسامه : مرحبا بك ياخاله
نواف : وانا ؟ نسيتيني يعني ؟!
نوره بضحكه : ياولد اعقل هذي زوجتك
نواف : حتى ولو
جوري بهمس : نواف سدها
كاسر : نواف اترك المحارشه تراها مهي ملك
ملك : افا وصار ينضرب فيني مثل بعد
جوري : عادي خوذيها بالمعنى الايجابي صرتي مشهوره هههههههه
ضحكو كلهم
كاسر : تعالي يابنيتي اقعدي هنا
نواف : عادي ترا مايهمني
ضحكو كلهم عليه
الساعه 9:01
عيسى : شرايكم تبون نرجع اليوم ؟
جوري همست لنواف : نواف احس ابي ابقى هنا اكثر
نواف باستغراب : مو عساس تبين نمشي؟
جوري : مدري احس يونس ابي ابقى بعد اكثر عادي؟
نواف : افا لعيونك تكرّم مو مدينه الا مدااين ابشري
جوري : عساس بتصيدني وارضى يعني؟
نواف : اها قفطتيني؟
ضحكو مع بعض
نواف تكلم بصوت عالي : اقول يابوي نبي نقعد اكثر حنا
عيسى : اجل شرايكم تقعدون انتم وحنا نمشي
نواف : الشور شورك يابعد حيي
عيسى : اجل بنمشي بعد العشاء من بيسري ومن بيبقى ؟
الكل يبون يمشون ماعادا البنات والعيال اتفقو يبقون
بعد العشاء
نواف : يبه حنا بنقعد انتم اسرو
عيسى : خلاص يابوي انت اقعدوا وانبسطوا حنا بنمشي
نواف : بحفظ الرحمن من توصل طمني
عيسى : أبشر
مشوا العايله ورجعو بيتهم
الساعه 4:21 بليل
كانوا قاعدين عند المسبح يسولفون ومحمد وملك يتراسلون
كانوا مبتسمين والضحكه شاقه وجيههم وجوري ونواف كانوا ملاحظين ونواف مو فاهم شسالفه اما جوري كانت تضحك
وتين : انا بقوم انام وانتو ادخلو ترا برد
ناصر : اي اي حتنا بنام
شمقت له وتين وقامت دخلت داخل
لحقها ناصر ودخلو الباقي بعده معدا الرباعي
نواف : هيه انتم شبلاكم تتضحوكون !
جوري بضحك : نواف انطم
محمد ارتبك : هاه وشتبي انت
لفت ملك ببرود عشان ماتبين توترها : تسولفون عن مين
نواف : شفيكم انتم تعرفون بشيء انا ماعرفه خلصوني اعترفوا
جوري هنا حست الوضع خطير مسكت وجهه ولفته لها : نواف
نواف : سمي
جوري : منت جوعان ؟
نواف : الا والله جوعان
جوري التفتت لمحمد وملك : هيه انتم جوعانين؟
ملك ومحمد : ايه
جوري : تبون نطلب ولا نسوي اكل ؟
ملك بتعب : لا جوري تعبانه مالي نفّس اقوم اسوي
جوري : طيب من وين تبون نطلب؟
ملك : تكفون ابغا ماك من اول مشتهيته
نواف : مقفل ذلحين بعدين وش ماك هالحين وقت فطور
جوري : طيب كلم العيال
طالع نواف فيها
جوري : لاتطالع كذا اسالهم اذا احد يبي فطور ولا لا
ابتسم نواف بخفه ومسك جواله ودق على حمد
نواف : حمد مين من العيال صاحي ؟
حمد : كلهم ليه ؟
نواف : طيب والبنات
قرصته جوري
وخر نواف الجوال : ابي اسالهم اذا احد يبي فطور ولا لا
جوري : لاتقلدني!
حمد : كلنا قاعدين داخل وراك تسال ؟
نواف : بنطلب فطور
ناصر : اصبر بنجيكم برا
نواف : لحول لاتجي شتبي
ناصر : سدها بس
ضحك نواف وقفل
جو البنات والعيال ورجعو قعدو معهم
محمد : وتين مب عساس بتنامين
وتين وهي تخز ناصر : طار النوم!
نواف : يلا وش تبون اكل
اختلفت آراءهم وسكتهم نواف : بطلبكم على ذوقي لايكثر هرجكم صدعتو بي
وجدان : انا معك بذي اعرف ذوقك حلو
طالعت فيها جوري وهي مصدومه
ملك : اكيد حلو دامه اختار جويرتي زوجته طبعا بيكون حلو
ابتسمو جوري ونواف
طلب نواف الاكل وقعدو ينتضرونه وماسكين جوالاتهم
نزلت وتين جوالها : يبوي وش ذا الفكك خلونا نلعب لعبه
اشجان : صدق فكك
نايف : وشتبون نلعب
وتين : صراحه جراءه
حطت علبه المويا الي كانت جمبها بالنص : ندورها واذا وقفت واحد منكم يسال الاثنين الي وقفت بجهتهم
نواف بحماس : يلا
دورها نواف وجت على وجدان ونايف : صراحه ولا جراءه؟
وجدان : صراحه
نواف : هل انتي شخص يحقد ؟
ملك باستهزاء : وتعطي دورات لو تبغا
لفت وجدان عليها : قلتي شي ؟
ملك ببتسامه شماته : سلامتك
نواف : يلا وجدان جاوبي
وجدان : لا
ملك بهمس للبنات : تتمسكن الحيه وجع يقطع هالوجه
نواف : نفس السوال لنايف
نايف : انا اقول بخلي الي يعرفوني يجاوبون عني
حنان : لا نايف ابدا مايحقد
اشجان : من سابع المستحيلات
دينا : نايف اصلا انت تعرف وش يعني حقد ؟
ضحك نايف عليها
ملك : نايف جد جد اطيب قلب
نواف : اتوقع اجوبتهم كافيه مايحتاج اجاوب
نايف : حبايبي الله يسعدكم هههههههههههههههه
فر نايف العلبه وطلعت على حنان ودينا
نايف : ايش اكثر شي يخليك تستحقر الشخص ؟
دينا : الخيانه
حنان : الكذب
فرت دينا العلبه وطلعت على نواف وجوري
دينا : هل ندمت على حب شخص ؟
دمعت جوري من سمعت السوال : جدا
نواف : لا
طالعت جوري بعيونه وهي ساكته
كان بينهم حديث رغم انهم كانو صامتين
الا ان عيونهم كانت تتكلم
كانت جوري تطالع فيه وكانها تساله " مين الي بقلبك يانواف"
ونواف يطالع فيها ويتسأل نفس تساؤلها " لسى تحبينه ياجوري"
فر نواف العلبه وطلعت على وتين وناصر
نواف : هل قد حبيت؟ ولو ايه هل الي تحبه يحبك ؟
وتين : ماحب الا نفسي 🫳🏻
ناصر : ايه
ريوف : طيب تحبك ؟
ناصر بضحكه عشان ماتبان دموعه : لا
حطت جوري يدها على كتفه : لاتزعل يانويصر هي الخسرانه
* محد يدري عن حبه الا حمد *
طالعت وتين فيه وحست بشعور غريب داخلها
شعور انها تعرف انه يقصدها
تعرف انه يحبها
بس مو قادره تحبه ابدا
فر ناصر العلبه وطلعت على محمد وملك
ناصر : قد عشتو شعور الحب الحقيقي؟
محمد : طبببعا
نواف : يقطع شكلك يالسلوقي! تحب من ورااي!
قطع كلامهم دقه الجرس
قام نواف : بروح اجيب الاكل بس مارح انسى بتعلمني ترا
محمد : خير ان شاءالله
قامت جوري : تبغا اساعدك؟
نواف : مايحتاج
جوري : الا يحتاج امش
مشت جوري ولحقها نواف : شفيك ؟
جوري : وشفيني؟
نواف : احسك معصبه
جوري : لا ماني معصبه
سحب نواف يدها : الا معصبه شفيك علميني
جوري : مين كنت تقصد؟
نواف : بأيش؟
جوري : وقت سالتنا د
قاطعها نواف : تحبينه؟
جوري : نواف لاترد على السؤال بسؤال!
نواف : جاوبيني وبجاوبك عاللي تبينه
جوري : صدق النقاش معك عقيم
سحبت يدها ومشت
-
انتهى
نضامنا الجديد كل يومين بارت❤️
