صحى وهو يحس بصداع فضيييع
فتح عيونه يتفحص المكان باستغراب
وماهي الا ثواني وتذكر كل الي حصل
قام من مكانه بسرعه وطلع من الغرفه وهو يركض
وقف لما شاف اهله واهل حبيبه قلبه واقفين قدام باب العمليات
رجف قلبه وحس ان الشيء الي بيسمعه مهو هين ابداً
: جوري وين
التفتوا الكل عليه
قامو نايف وملك ودينا بسرعه وراحو لاخوهم ومسكوه وقعدوه عالكراسي
نايف : اهدا وانا اخوك زوجتك بالعمليات
نواف : نايف لا لا تكفى تكفى قل غيرها
حضنه نايف : اهدا يانواف مو صاير بها شيء باذن الله
انهار بحضن نايف
لو راحت جوري
بيكون خسران كل شيء
هو بدونها ولا شيء
لو راحت مستحيل يقدر يعيش بدونها ولو لثواني
مايقدر يجابه اي شيء بدون دعمها وحبها له
يتعب ويضعف وينهار كثيير بدونها
بعد سااعات من الانتظار
انفتح باب للعمليات وطلع الدكتور
فزو كلهم
سعود : بشر وش صار على بنتي
نواف : زوجتي زوجتي وين وش صار تكلم!
الدكتور : لما وصلت سياره الاسعاف قلبها كان متوقف لكن سوينا انعاش والحمدالله رجع لنبضه الطبيعي والحمدالله بنتكم نجت بكسور باماكن متفرقه
مسكت عنود قلبها وبدت تبكي
حضنها سعود وجو العيال ووتين يحاولون يهدونها
نواف : ابغا اشوفها
الدكتور : حالياً هي بغيبوبه
لما سمعت عنود هالكلمه بكت اكثر واكثر
نواف معد قدر يتحمل
كل شيء جاء فجاه
سرعه الموضوع صدمته
ماخلته يقدر يستوعب الشيء الي صار
قعد عالارض يطالع بغرفه العمليات بصمت
الدكتور : لوسمحت انت كنت مع المريضه بنفس الحادث وانت ماطلعت سالم فيك كسور واشياء كثيره لازم ترتاح
مارد نواف وضل ساكت
تنهد نايف وقعد على ركبته قدام نواف : قوم ياخوك قوم ارجع لغرفتك ارتاح فيها
طالع بنايف وعيونه مليانه دموع : نايف تكفى ابغا اشوفها
مسح نايف دموعه ومسك وجهه : الا دموعك يانواف دموعك غاليه علي وزوجتك بتشوفها اوعدك بتشوفها بس تنتقل للغرفه انت اول واحد بتدخل عليها
وقف نواف بمساعده اخوه بيرجعون للغرفه
وقف لما سمع صوت محمد من وراه
قرب محمد ومسك نواف مع ياقته : والي رفع سابع سماء ان صار باختي شيء لا اجرم بك ياكلب!!!!!
نايف وهو يبعده عن اخوه : محمد اهدا !!! اهدا حنا بمستشفى
عبدالاله : علم اخوك والي خلقني ان صار بجوري شيء لا يتمنى الموت مايحصله
قام مُلهم وسحب اخوانه وابعدهم عنه : نايف خذه للغرفه خلاص
نواف كان يطالع فيهم بصمت ولا نطق ولا كلمه
مسك نايف اخوه ووداه للغرفه وقعد عنده
8:07
دخل نايف الغرفه وفز نواف : بشر وش صار
نايف : نقلوها للغرفه العاديه
قام نواف بسرعه بيطلع بس مسكه نايف : نواف
طالع نواف فيه : نايف اتركني بروح لها
نايف : لو رحت الحين بيسببون مشكله انتظر لين تهدا النفوس وبعدها تروح
ساره : اخوك صادق ياحبيبي اقعد وبعدين مايصير كل شوي فاز وانت سمعت الدكتور وش قال
نواف : ماقدر! ماقدر لو ماشفتها رح اموت!! كم رقم الغرفه ؟
تنهد نايف : الغرفه الي جمبنا
طلع نواف ودخل عالغرفه الثانيه
طالع بالسرير الي بوسط الغرفه وشاف حبيبه قلبه عليه
نزف قلبه بألم من منظرها
قرب منها وقعد جمبها ومسك يدها
طالع سعود بعياله واشر لهم يطلعون
بالبدايه ماكانو راح يطلعون ابداً
لكن مُلهم قومهم وطلعو الكل
ومابقى الا سعود ونواف
قرب سعود وحط يده على كتفه : انا مقدر موقفك ومقدر الشيء الصعب الي انت تمر فيه وعارف وش هي جوري بالنسبه لك ، اقعد معها حنا بنرجع للبيت
نزل نواف راسه بدون رد
طلع سعود وسكر الباب
رفع راسه وطالع فيها : انا للان ماني مستوعب كيف سويت هالشيء كيف سمحت لنفسي اصرخ واعصب عليك للان مو عارف
مسك يدها وكمل : انا اسف اسف مره بس تكفين ياجوري خليك معي والله اني ما اقدر اعيش من غيرك انا بدونك ولا شيء !
