بعد اسبوع ونص
يوم خطبه نواف وجوري
دخل عبدالاله على جوري : ياحلو خلصتي ؟
طالعت جوري ب عبدالاله ودمعت
مسكها عبدالاله وحضنها : شفيك يابعد روحي!
جوري : عبود متوتره متوترره!
عبدالاله : ليه متوتررره يابوي انتي
جوري : مدري خاييفه حيل
باسها عبود على راسها
عبدالاله : مافيه شيء ان شاء الله وبتنحل الامور بسرعه لاتخافين
جوري بتوتر : تمام
عبدالاله : تبين تنزلين معي ولا تنتضرين حمود ؟
جوري : بنزل معاك
نزلو مع بعض للصاله
عبدالاله : ها جو ؟
وتين : اي اي جو شوف بابا وميمي وحمود عندهم روح لهم
عبدالاله : يلا
راح عبدالاله
جوري : وتين امي عند المره ؟
وتين : اي اي يلا امشي وبناتها جايين بعد
ومرت نص ساعه
بعدها طلعو العيال ونادو خواتهم
وتين : ها شصار
طالع محمد بجوري
محمد : يبي يشوفك
جوري بربكه : الحين ؟؟
عبدالاله : ايه الحين ومايحتاج كل هالربكه ياعيني ترا كلها نص ساعه تكلمو فيها وتعرفو على بعض
جوري : ومن قالك اني اربكتبت اركبتب اااااف ! اااقصد اربكيت
محمد وعبود انكتموا من الضحك
محمد بضحك: درينا درينا واسمها ارتبكت هههههههههههههه
جوري بتوتر : احر ماعندي ابرد ماعندك!
محمد : اقول ادخلي لاكسرك هالحين
جوري : عبودي شف وش يقول ذا !
عبدالاله : يكلب سد حلقك لاتوترها زيااااده!
مُلهم : خلاص يمبزره خلوها تدخل !!!!
طلعو سعود وعيسى ونايف وبعدها بشوي دخلت جوري
دخلت وهي متوتره مره
لكن ماتدري عن حال القاعد بوسط المجلس
الي سلبت عقله بطلتها وجمالها
ابتسم بخفيف وهمس : لا اله الا الله يتبارك الرحمن!
بعدها استوعب شقال واستغفر ربه
جوري بتوتر : السلام عليكم
نواف : وعليكم السلام
وظلوا ساكتين الين ما واحد منهم كسر الصّمت .
نواف : آييه قولي لي عن الي تحبينه والي ماتحبينه ؟
جوري : ماحب الي يزرف موقفي
نواف : هاذا نظامك ؟
جوري : اي
نواف : طيب حكيني عنك
جوري : اسمي تعرفه عمري ٢٢ وباقي ادرس
نواف : بس ؟
جوري : ايش تبيني اقول بعد
نواف : جوري ترانا بنتزوج تقبلي
جوري : طيب انا عارفه لاتسوي جايب شي جديد
نواف : ممكن سوال ؟
جوري : ايش ؟
نواف : انتي اهلك غاصبينك علي ولا كيف ؟
جوري : اهلي مايغصبوني على شيء!
نواف : اجل شعندك ماتبيني
جوري : ما اعرفك شي طبيعي لا واول مره اشوفك فيها تهاوشنا !
نواف حزت بخاطره منها على انه لسى مانسى حبيبته ( القديمه ) لكنه تضايق
نواف : براحتك
طالعت جوري فيه ورجعت ارتبكت لانها ماتحب تزعل احد
حتى لو ماتحبه
جوري : ليكون زعلت ؟
نواف : لا لا
جوري زل لسانها وبلغلط قالت : امزح معك ياحب
نواف بصدمه : هاه وش قلتي ؟
جوري : اقولك امزح معك
نواف : لا قصدي الكلمه الثانيه
جوري باستغراب : ياحب ؟
طالع نواف فيها وصغر عيونه
استوعبت جوري وحطت يدها على فمها : اسفه ماكان قصدي انا متعوده اقولها للبنات عشان كذا !
نواف : عادي
جوري تنهدت بضيق : طيب تكلم عنك
نواف : ماعرف اوصف نف
فجاه درعم محمد
محمد : افتح الطريق يبني عشان ابو محمد داخل
جوري : شتبي انت
نواف : يويلي خويي خبل
محمد : اقطع واخّس ما الخبل الا انت واكبر دليل تزوجت جوري🥱
جوري اخذت المخده وسددتها بوجهه : محححمممد!!!!!!!!!!!!!
محمد بألم: امزح معك نواف تراك محظوظ فيها
اما نواف كان بعالم ثاني
نواف بعدم انتباه : هاه وش قلتوا ؟
جوري طالعت فيه : ولاشيء
محمد : خلاص دزوا عطيتكم وجه بطلع للحديقه بتنفس جوري كتمتني
جوري : تقلع لاشوف رقعه وجهك
محمد : أفا ياجوري الللي لقى احبباابه! نسى اصحاببه
جوري بضحك واستهزاء : ومين احبابي ؟
محمد : نويفو
جوري : محمممممدد!!! وقسم لا اعلم عبود اوريك
محمد شمق لها وطير شعره عليهم يعنني وطلع للحديقه ...
