منال : انا احبك !
حمد : هاا !!
عجست منال تعيد الكلمه ف سكتت وجلست تطالع فيه
حمد : منال انا اعتبرك زي اختي !
طالعت منال فيه ودمعت : زي اختك؟
حمد : يعني مو قصدي اجرحك بس والله اعدك اختي
ماقدرت منال تتحمل ولفت بتطلع بس مسكها حمد : زعلتي؟
منال : حمد وخر وخر خلاص
فكها حمد وطلعت منال بسرعه وراحت للغرفه وهي تبكي
دخلت ولقت البنات مجتمعين هناك
جوري : منال ؟ شفيك
مسحت دموعها بسرعه : وش جابكم انتو ماكنتو تحت ؟
وتين : جينا نرتب الاغراض بنروح لبيت جوري انتي شفيك تبكين!
منال : مافيني شي
ملك : منال كيف مافيك شي شوفي كيف عيونك حمراء ! شبلااك!
منال وهي تبكي : يعتبرني زي اخته!
دينا : منهوو
منال : حمد
قربت جوري وحضنتها : لاتبكين ياميمي وربي هو الخسران!
قعدو البنات يهدونها لين ماهدت وسكتت
جوري : معليك منه ذا الوغد قومي نروح لبيتي ونسهر مع بعض واسحبي عليه هالحمار
ضحكت منال وقامت معهم
رتبو اغراضهم وركبو السيارات وراحو لبيت جوري
الفجر 6:11
مجتمعين البنات بالمجلس
منال : طيب بنات الحين وش اسوي
جوري : ياشيخه اسفهيه قلت لك هو الخسران
ملك : ياخي تدرون ؟ انا احسه يحبك ياميمي
قرصتها وتين وهمست : ياورع لاتعلقينها بامال كاذبه
منال : كيف يعني؟
ملك : ياخي مدري نضراته لك انا دايم الاحظه
منال : بس شوفي اعترفت له وقال اعتبرك زي اختي!
دينا : يمكن يكابر شعرفك ؟
اشجان : انا اقول اصبري شوي
وتين : لا خليه يغار !
منال : شلون؟
وتين غمزت لها : مايبي لها وشلون اسفهيه سوي وكانه مو موجود سولفي مع غيره وهو لاجاء يسولف معاك اعتبريه جدار بتلقينه طايح على وجهه وهو الي يركض وراك
جوري : ايه صح!
منال : ياخي مدري اف
بنص السالفه جات لوتين رساله
مسكت جوالها وكانت من ناصر : " ياحب وينك ؟ "
وتين : " عند البنات هلا شبغيت ؟ "
ناصر : " ابغاك "
وتين : " نويصري لاتحاول مقدر اطلع من عندهم "
ناصر : " خلاص اجل انا بجي اخذك من عندهم "
وتين : " اتحداك هههههههههه "
قفلت وتين جوالها وهي تضحك
بعد دقيقتين دق باب المجلس
جوري : مين ؟
ناصر : انا
جوري : ادخل نويصر
فتح الباب وميل جسمه مستند عالباب : شخباركم
جوري : بخير شبغيت
انخرشت وتين من شافته واقف ويطالع بها
اشرت له وهي منخرشه بمعنى " رووح الحين بجي "
ناصر : لا بس بنطلب فطور وجيت اسالكم تبغون؟
جوري : اي خلاص انا برسل لنواف الي نبغاه
ناصر : تمام
طالع ناصر وهو مبتسم
قعدت وتين دقيقتين بعدين قامت : اء شسمه انا بروح الحمام دقايق واجي
طلعت وتين وارسلت له : " مجنون انت تبغى تفضحني! "
ناصر : " انتي تحديتيني وانا قد التحدي "
وتين : " ياكلمه ارجعي مكاانتس "
ناصر : " ههههههههههه "
وتين : " وينك "
ناصر : " روحي للسطح انا فيه "
نزلت جوالها وصعدت للسطح وقعدت تدوره مالقته
لفت بتمشي بس حست باحد يحضنها من ورا : وحشتيني
ابتسمت وتين من شافته مد لها ورده : تجننن
ضحك ناصر على رده فعلها : ورده ماسكه ورده! اوف
ضحكت وتين على سخافته وقعدو
كانت منسدحه وحاطه راسها على بطنه وهو مركي راسه عالجدار : نويصري
ناصر : عيونه
وتين : تدري ؟ منال اعترفت لحمد
ناصر : اااححح!
وتين : والله وهو قايل لها اعتبرك زي اختي وطلعت من عنده وهي تبكي
ناصر : انا اشوفه من اليوم متكدر ومو على بعضه
وتين : حرام وربي كسرها من اليوم وهي تبكي
ناصر : طيب ياحبيبي وش بيسوي الولد ؟ بيكذب عليها انه يحبها وهو مايحبها ؟
سكتت وتين
ناصر : لنفرض مثال انتي تحبيني وانا احب وحده ثا
قامت وتين وطالعت فيه بحده : تحب وحده ثاانيه؟؟؟ منهي هالوحده ان شاءالله !!!!
ناصر بضحكه : ياحب مثال مثال شفيك انتي
وتين : ناصر تدري لو فكرت حتى تحب وحده غيري وش بسوي فيك؟
ناصر : وش بتسويين
وتين : بامسكك واخنقك واذبحك قبل اذبحها !
ناصر : اجل خليني اروح احب وحده ثانيه ع
دمعت وتين : تدري انه مايضحك صح؟
ضحك ناصر بقوه لما شاف دموعها وحضنها : انتي تغاارين علي!!
ضربته وتين : انقلع عني ما اغار ولا شي وخر بقوم
ناصر : منتي قايمه خلك
وتين : ناصر انقلع لارتكب بك جريمه
ناصر : اممزح معااك ياوتيني
قامت وتين : وش هالمزح الغبي الي انت طايح فيه ترا يع!
مشت مبتعده عن انظار الي كان ميت ضحك على غيرتها
