طالع فيها لثواني وترك يدها ولف بيرجع
لكن استوقفته وهي تمسك يده : عشاني تكفى خلنا نحل الموضوع بهدوء
ناظر لعيونها وارتخى : بنشوف اخرتها
قعدو بعد ماسلمت جوري وردو السلام
تكتفت تطالع فيهم : يلا تفاهمو واتركو زعل المبزره ذا !
محمد : جوري !
التفت عليه : محمد انا قلت تفاهمو بين بعضكم
عبدالاله بسخريه : على اي موضوع نتفاهم ؟ موضوع انه صرخ عليك ولا انه السبب بغيبوبتك اي واحد !
جوري : لا اله الا الله ! اولاً هذا شيء خاص فيني انا ونواف محد له دخل بعلاقتنا ثانياً الحادث قضاء وقدر من رب العالمين ! بعدين انا مامت! اريني قدامكم حيه !!
تنهد محمد بغضب : لا سمح الله كان ممكن تموتين !
جوري : بس ما ممت! اعتذرو من بعض الان
عبدالاله : ماني معتذر
محمد : ولا انا
نواف كان يسمع لحديثهم بصمت وينتظرهم يخلصون عشان يقوم
ماكان وده من اول بهالقعده بس خاطر جوري كبيير عنده ومايبي يردها
جوري : والله العظيم لو ماتراضون الحين لازعل عليكم انتو الثلاثه !
طالع نواف فيها : انا شدخلني ؟
عبدالاله : انتي خبله ؟
جوري : قلت الي عندي اقسم بالله لا ازعل وانتو الثلاثه تعرفون زين اني لو زعلت مستحيل ارضى !
تنهد عبدالاله وهو يطالع بنواف لثواني : والله اني اسف ماكنت اعرف وش اقول من العصبيه والزعل وتعرف كانت فتره صعبه حيل علينا كلنا وحنا بدال مانوقف مع بعض ونساند بعض عمانا الحزن ووقفنا ضدك مع هالدنيا يالخوي ! اسف
نواف : لا تتأسف ياعبود عادي حنا اخوان مو بس اخوياء والاخوان مايزعلون على بعض
قام عبدالاله وحضنه : السموحه يالخوي
ابتسم نواف بخفيف وطالع بمحمد : تعال
ابتسم محمد وقرب منه وحضنه : اسف يالعشير والله اني كنت متضايق وابغا افرغ ضيقتي بأي احد وماكنت قادر افكر بعقل حتى !
نواف : ماصار شيء
ابتسمت جوري بفررحه من شكلهم : ياربي احبكم ياكلاب !
ضحكوا كلهم وقعدو اماكنهم وبدو يسولفون بحمماس وكأنهم ماشافو بعض من سنووات
جوري : هي تراكم طفشتوني يع سولفو عن اشياء ثانيه
عبدالاله : اقول ماشفت لبس هذاك يع
محمد : ياي وهذاك حش فينا
جوري : اقول كل تبن انت وياه !
التفت على نواف : نواف شووفهم !
نواف : هيه ياوغدان لاتطقطقون على زوجتي !
ضحكوا العيال
جوري : دزو بدق عالبنات يجون
اخذت جوالها ودقت على ملك ولا ردت
تأففت ودقت على دينا وحطته سبيكر : الو دينوه
دينا : ها
ابتسم بخفه من سمع صوتها ودنق راسه
وسرعان ماكشر من تذكر زعلها منه
جوري : وجعاه ردي زين
دينا : مضيعه تحسبيني زوجك شكلك
نواف : اعوذ بالله بكل سالفه تدخلون زوجها
جوري : فديتك يازوجي ههههههههههه ، اقول اسمعي ياسلقه
دينا : ما اقول شيء لانك تعبانه بس تشافي انتي وبكسر لك عظمك
جوري : كولي تبن وخوذي السلقه وتعالي للكوفي الي برسله لك
دينا : لا عندي شغل
جوري : دينا ياسلقه عشر دقايق لو ماجيتي بتوطى ببطنك
دينا : اعوذ بالله منك ! زين دزي بنجي
ضحكت جوري وهي تقفل
بعد عشر دقايق
وصلو البنات للكوفي وتوجهو لطاولتهم
تأففت من شافته يطالع فيها
قعدت جمب جوري : سلامو عليكو
ردو السلام
جوري : اخييراً ! مابغيتو تجون بعدين انتي ماقلت لك بتوطى ببطنك
دينا : اعوذ بالله منك
جوري : انقلعي
التفت على ملك : ياسلقه ليه ماتردين انتي بعد
ملك : كنت نايمه
نواف بضحكه : واضح من وجهها
ملك : نواف اسكت لا اطعىْك بذي
ضحك نواف : عوذا هذي ماينمزح معها
قعدو يسولفون شوي وبنص السوالف مسك عبدالاله جواله وارسل لدينا
: " تعالي برا شوي ابغا اكلمك "
: " انا وانت مابيننا كلام "
: " دينا لا تخليني اقوم الحين اسحبك قدامهم الموضوع ضروري ! "
تأففت وهي تنزل جوالها وتقوم : انا بروح الحمام
راحت وبعد دقيقتين قام عبدالاله : بروح اكلم واحد من العيال
طلع من الكوفي وهو يتجه للبحر
وقف قدامها وهي تكتفت تتنظره يتكلم
عبدالاله : اسف
دينا : جايبني عشان تقول هالكلمه ؟
لفت بتمشي لكن مسك يدها : دينا
دينا : عبدالاله خلاص قلت لك مابيننا كلام !
عبدالاله : دينا افهمييني تكفين ! لو انحطيتي بنفس الموقف ماكنتي بتزعلين وتعصبين وتلومين ؟
دينا : لا ! كنت بفكر بعقل وما بلوم ناس متأثره اكثر مني !!
عبدالاله : انا اسف ! والله الحزن طغى علي وقتها وماكنت قادر افكر !
تنهدت وهي تفلت يدها منه ولفت : دينا تكفين !
دينا : عبدالاله خلاص ! اصلاً احنا من البدايه كانت علاقتنا سطحيه ! ماني فاهمه ليه تبغاني ارضى لهدرجه !
عبدالاله : رضاك بالنسبه لي مهم ، وجداً بعد !
دينا : ممكن توضح لي ليه !
تردد عبدالاله وسكت
ابتسمت بسخريه ولفت عنه ولفت عنه ومشت بينما عبدالاله كان متضاايق من رده فعلها ولانه ماقدر يتكلم بمشاعره خوفاً من انها ترفضه
رجعت دينا لجلستهم وبعدها بدقيقتين رجع عبدالاله
محمد : يخوان اسمعوا
نواف : اسلم وش
محمد : في عزيمه ببيت جدي بكرا ترا
جوري : يب نسيت اقول لك
نواف : قهر كنت مخطط نروح للسينما بكرا
جوري : عادي خلها يوم ثاني
نواف : من عيوني انتي اطلبي بس
دينا : عشتو شنو هالقعده الرومانسيه !
طالع فيها نواف : انتي ناشبه لي بكل مكان
دينا : نويف صمها لا اقوم اكسرك
