فتح الدرج وطلع مسدسه ونزل من السياره
دخل المبنى بهدوء عشان مايحس عليه
تفحص المبنى غرفه غرفه لكن للاسف ماحصل اي احد ولا حتى زياد
قعد نواف على الدرج بضيقه كبيره وندم لأنه أبعد عنها وندم على كل أذى شافته منه
مسك راسه بصداع : الشي الي شفته قبل شوي كان خيال ؟ لا لا مو معقول انا كنت واقف عند بابه من ثلاثه الفجر مستحيل خيال ! يالله ياجوري وش سوييييتي فيييني
بالقسم
دخل نواف على مهند : مهنند
مهند : وعليكم السلام وشبك انت
نواف : انا جايك وانا مو بس شاك الا متاكد مليون بالميه
مهند : شاك بوش ووش متاكد منه وشتقول
نواف : زياد هو الي خطف زوجتي
مهند : وكيف عرفت
نواف : انا راقبته
مهند : وووشسووويت وووشسووويت!!!!
نواف : ر ا ق ب ت ه
مهند بعصبيه : انت تبغى تجنني؟! متى تهجد كم مره قلت لك لاتسوي شي من راسك!!
نواف : مهند المخطوفه زوجتي وزياد ابن السته وستين كلب هو الي خطفها وانا مارح ارتاح الا لما اشوف راسه طايح بجهه وجسمه بجهه
تنهد مهند : كيف عرفت
قاله نواف سالفه زياد كلها : ابن الكلب كان يدق على زوجتي ويهددها وانا من وقتها كنت ابغى اتصرف بس هي منعنتي
ضرب الطاوله بغضب : وربي ما اخليه ابن الكلب
مهند : اهدا يانواف ااهدا ! الحين انت دخلت المكان فتشت زين ؟
نواف : غرفه غرفه مالقيته تقول الارض انشقت وبلعته!!
بنص كلامهم دخل خالد ودق التحيه : سيدي حددنا مكان المخطوفه
طالع نواف فيه : جججيبه ججيبه!
عطاه خالد اللابتوب وطلع وسكر الباب
وطالع نواف بالموقع وضرب الطاوله : ششفت!!! انا قايلك انه الملعون ذاك!!! وربي ماخليه
قام نواف بيطلع بس مهند مسكه : اررركد يااابني ادددم! كيف عرفت انه هو
نواف : ممهند نفس الممكان الي راااح له!!!! اكيد انه كان فيه باب خلفي وهرب منه
- زياد -
خلونا نرجع ساعه ونص لورا
طلع زياد من بيته وكان يلعب بمفتاحه
قرب من سيارته ودخل المفتاح بالباب وركب طالع بالمرايه ولاحظ سياره تشبه لسياره نواف ركز شوي بالي داخلها وابتسم وحرك السياره
بعد ساعه وصل عند جوري ونزل من السياره وطلع للغرفه الي حاط جوري بها
فك الباب وكانت نايمه ابتسم على شكلها وشالها وطلعو
طلع من الباب الخلفي ووقف عند الجدار وطالع بسياره نواف الي كانت موقفه جمب سيارته وفاضيه واخذ جوري لسيارته وركبها وحرك
وداها لمكان يبعد عن المبنى الي كانو فيه ساعه
وكان برضو مبنى مهجور دخلها لوحده من الغرف وقعد عندها
- نواف -
كان حاط اللابتوب عالطاوله ويطالع فيه ويحاول يتذكر هل هو نفس الموقع او لا
مسك راسه بتعب : تذكر يانواف تتذكر!
طالع مهند فيه ملاحظ حالته الكسيفه الي هو فيها
ماقد شاف خويه بهالحاله دايم صلب وماقد ضعف
ولو انه مايبين حتى
بس اول مره يشوفه تعبان ومرهق كذا
حط يده على كتفه : نواف
رفع نواف عيونه لمهند : روح نام وانا اخوك واوعدك اني بلاقي لك زوجتك
نواف : ماني قادر يامهند ماذقت النوم من اختفت
مهند : والله ياخوك اني بلاقيها لك والله عطني ساعه ساعتين بالكثير وبحدد الموقع واليوم بليل بنروح لهم ونداهمهم ونطلع لك زوجتك سالمه
نواف : خلني معك خلني اشتغل معك واساعدك
مهند : لا انت ماتشوف نفسك كيف تعبان ونحفان شوف وجهك كيف ذبلان يانواف روح نام اوعدك ساعتين وموقعها يكون عندك
تنهد نواف وقام من عنده وراح لمكتبه
حط راسه على الطاوله سامح للهواجيس تداهم عقله
