صحت بطلتنا على صوت عاملتهم وهي تصحيها ، جوري بـ نوم : شتبين
سيتي : مدام قوم هذا ماما يبي انتا
جوري : طيب طيب قولي لهم عشر دقايق بس
هزت راسها وطلعت وقفلت الباب ، قامت جوري وهي نعسانه ودخلت الحمام ' يكرم القارئ ' تروشت وغسلت وجهها وفرشت اسنانها ولبست بنطلون وبلوزه وحطت ميكب خفيف ونزلت ، شافت امها وابوها واخوانها
جوري : صباح الخييرر
الكل : صباح النوور
مُلهم : حيييي جت حبيبه اخوووها
ابتسمت جوري ، باست راس امها وابوها وقعدت جمب مُلهم
محمد : ورا ما بستي راسي ؟
جوري : احلف ؟
ضحكو مُلهم ووتين
جوري : ماما سيتي قالت انك تبيني
عنود : ايه عرس ولد ام خالد بكرا وعزمتنا
سعود : ايه يعيال ترا حتى انتو بتروحون
مُلهم : خلاص ابشر بس بطلع بدري من الزواج لاني بمسك خط بجيب زوجتي من بيت اهلها
سعود : خلص عادي اهم شي انك توجبهم
وتين : ويت الحين ام خالد ذيك الي بنتها هذيك النشببه ؟
جوري : وووع ذييك الكرييهه
عنود : عيب تتكلمون على بنت الناس كذا
وتين رفعت كتوفها : ماقلنا شي غلط
عنود : عندكم فساتين ولا تشرون ؟
جوري : بنروح مع نورا العصر ندور
عنود : كويس
سعود : يلا يعيال قومو لانتاخر على الصلاه
بيت ابو نايف
دخل ابو نايف ونايف ونواف بعد مارجعو من صلاه الجمعه
عيسى : السلام عليكم
الكل : عليكم السلام
ساره : يلا يبنات خلوهم يحطو الفطور
اشجان : ابشري
حطو الفطور وتجمعو على طاوله الطعام
ساره : يبنات بكرا زواج ولد ام خالد ولازم نروح
دينا : مين ام خالد ذي
ملك : الي كل مازانت الجلسه لبست عبايتها وفرت على بيوت الحاره حشى ام زكي !
ضحكو كلهم على كلامها
اشجان : قسم بالله ههههههههه
دينا : ياخي ماعرفتها
ملك : الي بنتها ذيك الكريهه
دينا : اهااا ذيييك
عيسى : حتى انتو يانواف ونايف لازم تروحون
نايف : ابشر بودي زوجتي بيت اهلها واجيكم
دينا : وزوجتك ذي ليه ماتجي معنا
ساره : كيفها يادينا لاتتدخلين
دينا بهمس للبنات : وقسم بالله حنان ذي كريهه حلات من فك وجهها
اشجان : اسكتو وجع تراها زوجه اخوكم
ملك : زوجه اخونا طل كل الساعات بـ بيت اهلها خير
دينا : اي وربي ويوم تجي ماتحرك شي عمى!
اشجان بهمس : اسكتو بس لايسمعكم نايف ويزعل
طالعت اشجان بـ امها و نطقت : ماما نبي نروح نجيب فساتين
ساره : متى تبون تروحون
اشجان : عالعصر
ساره : خلاص نايف يوديكم
نايف : مقدر يبعدي عندي كم ورقه بالشركه لارم اخلصها
نواف : خلاص انا اوديكم
دينا : اوووه السيد نواف تواضع ونزل لمستوانا وبيودينا السوق !
ضحك نواف : شفتو اني متواضع حيل ؟
اشجان : حيل حيل ههههههههه
ضحكو كلهم وقام نواف
نواف : يلا انا بقوم اخلص كم شغله واجيكم عالعصر
باس راس امه وطلع
وصل المركز ونزل بـ هيبته المعتاده ، توجه لـ مكتبه بعد ما نادا صديقه صقر، قعد و جلس يقلب بـ الاوراق ، دخل صقر و نطق : ما يحتاج تسال ما حصلناه
ضرب الطاوله و نطق بـ قهر : كيف كيف ما لقيتو شي !! انا متاكد انه بـ ذاك المستودع !
صقر : هرب
نزل راسه على الطاوله وهو مغبوون ، نطق صقر : لا تنقهر وانا اخوك بـ نمسكه باذن الله بـ نمسكه
نواف : ما حصلتو ولا شي !
ابتسم صقر ينطق : واحد من رجاله
طالع فيه و ابتسم بـ وسع ينطق : وينه !
غمز صقر ونطق بضحكه : بـ الزنزانه
قام بسرعه وهو يضحك على صقر و طلع متوجه لـ الزنزانه
