بعد ثلاث شهور
بالاربع شهور الي قضاها بدونها تعب كثير
رجع يدخن وترك شغله ومن يوم الحادث ما دخل بيته وماياكل ولا يشرب وطول يومه بالمستشفى وحالته تتدهور اكثر يوم بعد يوم
والكل حوله كان خايف عليه وينصحه لكن ؟ لا حياه لمن تنادي
الظهر 12:00
دق جواله وكان المتصل امه
تنهد وهو يقفل القران ويحطه عالطاوله
اخذ جواله ورد بصوت مبحوح : هلا يمه
ساره : هلابك يامي وينك
نواف : عند جوري
ساره : كيفها ؟
تنهد وهموم الدنيا كلها على راسه : على حالها
ساره : الله يقومها بالسلامه ويفرح قلبك بقومتها يامي
نواف : اللهم امين
ساره : تعال تغدا عندنا
نواف : ماني مشتهي والله ياحبيبتي
تنهدت ساره بضيق : مايصير كذا يانواف صارلك اربع شهور لا تنام زين ولا تاكل ولا تشرب حرام الي تسويه بنفسك يامي انت وبعدين انا مشتاقه لك يانواف صارلي اربع شهور لا بغيت اشوفك اجي المستشفى حرام الي تسويه بنفسك وبنا ياولدي
نواف : ابشري ياميمتي ابجيك لكن مهو الحين شوي لا جو العيال وتطمنت على جوري جيتك ياحبيبتي وعالغداء والله مالي نفس يابعدي
تنهدت ساره : احتريك ياحبيبي
قفل نواف ونزل جواله يطالع بحبيبته وماسك دموعه بالغصب
1:45
فتحت عيونها بتعب وطالعت فيه
ناضر لها ورفع راسه لورا وتكلم بتعب : وصلنا لانك تتخيل بعد
تكلمت بصوت مبحوح : نواف
فز من سمع صوتها : جوري!
قام بسرعه وحضنها بكل قوته ونزلت دموعه : اشتقت لك اشتقت لك اشتقت لك!
جوري : نواف بشويش كسرتني
ضحك نواف بوسط دموعه وابعد عنها ومسك وجهها : وحشتيني
وقبل ما ترد حتى قرب منها وباسها
بعدته جوري عنها : ياخي نواف وش تسوي انت متفضي عيب حنا بالمستشفى مب هنا تزيل شوقك
نواف : صح مب هنا بالبيت بزيله
قعدت ثواني تفكر وش قصده وبعدها استوعبت وشهقت وضربته على كتفه : ياوصخ!
ضحك نواف وطلع من الغرفه مسرع متجه للدكتور
2:11
جوري بملل : نواف
نواف وهو يتاملها : ياعيونه وقلبه ودنياه سمي ياعروق قلبي
ابتسمت جوري بخفه والتفت عليه : متى يجون
نواف : شوي
رجعت راسها لورا وهي تفكر
ابتسمت بوسع من طرت على بالها فكره وطالعت فيه : نونيي
نواف : من نوني اعرف انك تبغين شيء وش بغيتي
جوري : ابغا اسوي بهم مقلب
نواف باستغراب : وش مقلبه
جوري : كأني فاقده الذاكره
نواف : انتي هبله صح ؟ لايكون زلق عقلك بس مع الحادث!
جوري : نووني بلييز
نواف : جوري لا تحاولين حتى
قربت جوري منه وجلست تلعب بشعره : نوني بليز ياخي
غمض عيونه وهو يحاول مايغير قراره : لا
ابتسمت جوري بلعانه وقربت منه وباسته على طرف شفته وابعدت
وماهي الا ثواني ودخلو اهل جوري ووراهم اهل نواف
بكت عنود من شافت بنتها مفتحه عيونها وقربت منها وحضنتها بقوه
وبعدها ابوها واخوانها وجدها وجدتها والبنات وساره
بعد ما تطمنو عليها وسلمو كلهم قعدو حواليها
جوري : معليش بس مين انتو
طالعو ببعض وهم مصدومين
عبدالاله : كيف ؟
جوري : انتو مين ؟
مُلهم : جوري حبيبي انتي احنا اهلك وشفيك!
جوري : انا ماعرفكم
التفت وتين على نواف : نواف! نواف وش صاير!!
طالع نواف بجوري والتفت عليهم : تكذب عليكم
تنهد سعود براحه ومسك قلبه : وش هالحركات يامي انتي!
طالعت جوري بنواف وضربته بخفه : ليه تخرب ياخي وجيههم كانت تضحك
نواف : عقولهم زلقت
الجابر : وش هالهبل هذا يابنيتي خوفتينا
جوري : اسفه خلاص
ناصر : هالخبله ذي ماتترك حركاتها
جوري : افا ياذا العلم يانويصر الحين انا خبله ؟
محمد : ومهبوله بعد ! عقلك وينه ؟
جوري ببتسامه : بجيبي
ضحك محمد من غبائها وقام وحضنها : ياربي قد ايش اشتقت لك ياحيوانه
جوري : ادري ماتقدر تعيش بدوني
محمد : منتي ناويه تصمينها ؟
جوري : No
عبدالاله : يليل انهبلت البنت
