وقام نواف يضبط الشاي
وماكان يدري عن عيون بطلتنا الي كانت تتامله وتتامل جماله باللثمه وجاذبيته وكريزمته كانت شي ثااني
خلص الشاي وجابه لهم
محمد : عااااااااش ابو عز عااااش
نواف : تعيييش يالخوي
صب لهم وكان يسمع مدحهم عالشاي وهو واقف ويضحك
طالعت جوري بنواف : نواف
التفت لها : هلا
اشرت له جوري على المكان الي جمبها بمعنى " تعال هنا "
استغرب بس قرب وقعد بدون ما يناقش قدامهم
قربت جوري منه وكانت الفروه على اكتافها وحطت النص الاول عليه والنص الثاني عليها
انصدم نواف من حركتها : ماني بردان تدفي انتي
جوري : انا ابغى احطها عليك طيب "ماتبي توضح له انها مهتمه"
سكت نواف وقامو الي يلعبون كيرم والي شيش والي ورقه
باستثناء ابطالي الي كانو قاعدين بدون حركه
كانت جوري قاعده تطالع بعبدالاله وتضحك وتعزز له
اما نواف كان يطالع فيها بهدوء
حس بمشاعر غرريبه اجتاحته بسبب قربهم لبعض
بس انكر هالشعور ونزل الفروه وقام بسرعه وراح لمكان بعييد عنهم
كانت جوري تطالع فيه وهو يبعد عن انظارها اكثر واكثر وكانت مستغربه من تغيره
" ليه معد يحارشني ؟
ليه مايسوي حركاته الاولى ؟
ليه معد يضحك معاي ؟
ليه معد يمسك يدي حتى قداامهم !
ليه يعاملني كذا ؟
ليه وليه ولييه
كل هالتساؤلات الي كانت تدور براس بطلتنا أدت لنتيجه الهواجيس .
- ملك -
كانت تفكر بسالفه محمد وميهاف
هل فعلا انا ظلمته ؟
هل هو كان يحسبها انا ؟
هل هو يحبها زي ماتحبه ؟
هل هو يلعب علي وماخذني تسليه ؟
وبسبب افكارها دمعت عيونها بس محد لاحظ
الا " محمد "
الي كان ملاحظ سكوتها من بدايه الجلسه وعارف وش فيها ووش تفكر فيه وكان متضايق من شوفتها متضايقه
قامت ملك : انا استئذن
ميهاف بدلع : أذنك معاكِ
ملك : ومين قايل لك اني استئذن منك ؟ استئذن من "البشر" الي حولك مو منك
ميهاف : شقصدك!!
ملك : قصدي وااضح والذكي " بيفهمه " وغمزت
ميهاف : هيييه احترمي نفسسسك مريضه انتي!!!!
ناظرت لها ملك من فوق لتحت : ههههههه ماعندك رد ؟ الله لايبلانا صدز
مُلهم : يابنات هدو شفيكم
طالع نايف بملك : كوكا شفييك هدي
طالعت ملك بعادل : بدال ماتلاحق بنات الناس ربي اختك
عادل : انا شدخلني الحين
ضحكت ملك بسخريه : الحمدالله والشكر وش هالعايله !
سحبت عليهم وراحت تتمشى لحالها عشان تهدي افكارها
اما ميهاف كانت مممعصبه وقامت لحقت ملك
ميهاف بعصبيه : انتي هيييه يامتخلللفه تعالي !!!
ملك دارت عليها باستفزاز : تقصديني بيبي؟
ميهاف : ومين فيه مريض غيرك ؟
ملك : اممم خليني افكر شوي
طالعت فيها واشرت عليها بضحك : انتتتي
عند العسولين
وتين بهمس لجوري : شفتي ملك شلون سوت تحديد الكل اخ هههههههه
ماردت جوري
حركت وتين اصبعها قدام وجه جوري : هيه بنت
صحت جوري من هواجيسها : هلا
وتين : ووووينك عن العالم انتي
جوري : موجوده وشو
وتين : ملك وميهاف تهاوشو وملك سوت تحديد الكل وراحت هههههههه
جوري : وين راحت؟
وتين : شوفيهم هناك هي وميهاف
طالعت جوري فيهم : مبزره انتو ورا مالحقتو المعتوهه ذيك؟!
قامت جوري ومشت لهم
