جوري بضحك : نوااااف!!!! نزلني
نواف : ياخي خلك عندي من اليوم وانتي عندهم
جوري : نواف عيب ينتظروني!
نواف : طيب تبين تنزلين؟ انزلي انا ماني منزلك
قامت جوري تحاول تتفلّت منه لكن هيّئه جسمه اكبر منها وماقدرت عليه وانهد حيلها : ياخي فكني خلاص
نواف ضحك لانها استسلمت : خلاص خلاص ههههههههههه
نزلها وقبل لاتروح عطاها بوسه على خدها
استحت من حركته وهجت
اليل 12:00
بعد ماراحو كل المعازيم وبقى الاهل بس
كانت جوري بالمطبخ تساعد البنات
دق جوالها الي كان بالصاله
بينما وجدان مرت من جنبه وجذبها أسم "نواف" واسرعت لجوالها واخذته وردت
نواف : حبيبتي
وجدان : انا وجدان
نواف استغرب ورجع شاف الرقم الي داق عليه : طيب انا داق على زوجتي ؟! وينها
وجدان : مادري
نواف : عطيها الجوال
وجدان بغيره: وش تبي فيها
نواف : وانتي شدخلك؟ زوج بيكلم زوجته وش الي شتبي فيها !؟
جت بترد وجدان لكن استوقفتها يد سحبت الجوال منها
جوري : ايش يسوي جوالي معك يامريضه!!
وجدان بتوتر : شفتك مو موجوده وقلت ارد
قربت جوري لوجدان وهمست بأذنها : صدقيني لو شفت انه نواف موّتك على يدي
تقشعرت وجدان من كلام جوري وسكتت
رفعت جوالها تشوف مين داق ومن عرفت بأنه نواف ناظرت لوجدان بنظره ارعبتها : هلا نواف
نواف : جوري لاتسوين لها شيء
جوري : نواف وشبغيت
نواف : متى تبين نرجع
جوري : الحين
نواف : يلا اجل انا بالسياره
جوري : دقيقتين واجي
نواف : ياجوري ياحبيبي يامي انتي اطلعي لي مانبي مشاكل
جوري قفلت بوجهه ولفت ومالقت وجدان ودرت انها هجت لآمها وحلفت انها ماتفكها
راحت عند الحريم وكانت فعلا وجدان عند امها
وقفت قدام ام وجدان : ياعمه
ام وجدان : سمي يابنيتي
جوري : ياعمه انا كنت حالفه ماترك بنتك الا ودمانها ترّشح بهالارض
لكن هالمره بكلمك عنها بدون ماسوي لها شيء والمره الثانيه صدقيني بتلقين بنتك مدفونه بسابع ارض
ام وجدان فّزت : علامتس يابنيتي وش سوت بنتي لك !!!
جوري قالت لها كل الي صار
جوري : ياعمه ترا انا ماينلعب معي ومو غبيه عشان ماشوف توّددها لنواف هذا اول شيء
قطع كلامها مكالمه نواف عطته مشغول وكملت : وثاني شيء اذا بنتك مالزمت حدودها انا اللي بلزمها حدها الولد "متزوج" ليه هل انتي ناقصه لهدرجه عشان تحبين واحد متزوج ومو داري عنك ؟ هالمره ياعمه بسكت عشانك بس ثاني مره والله ثم والله اني مافكها ولا اخليها الا وراسها بمكان وجسمها بمكان وهذاني حذرت واللهم بلغت فاشهد ياعمه خلي بنتك تضبط حالها قبل لاحطها براسي
ام وجدان : وجدان اعتذري لها بسرعه!!!!!
وجدان بعصبيه : يييمه !!!!!
ام وجدان صرخت عليها : اقولك اعتذري لها !!!!!!!!!!!!
وجدان بدون نفس : معليش اسفه
جوري خزت وجدان ولبست عبايتها ومشت
ام وجدان : وجدان انا كم مره اقولك تعدلي كم !!! جننتيني طيحتي وجهي قدام البنت !!!!! والله لاعلم ابوك انتي ماينفع معك الا ابوك يرجع يربيك من اول وجديد
- جوري -
طلعت من البيت وركبت السياره
نواف : ليه طولتي
جوري : ماطولت
نواف : ياجوري لايكون سويتي لها شيء
التفتت عليه جوري بنرفزه : وليه خايف عليها انت !؟
مسك نواف وجهها : يابوي انتي يانور عيوني ماني خايف عليها ولاهمتني انا مابيك تسوين مشاكل يابعد قلبي
جوري : ماسويت لها شيء علمت امها عليها
نواف : ياجوررري!
جوري بعصبيه : نواف تراني كنت حالفه امسكها واربيها من اول وجديد ولكن مسكت نفسي ولا والله كنت حالفه لاطلع روحها من مكانها
فهم نواف سبب عصبيتها وانها غيرانه : واه فديت الي يغاارون يانااس!
جوري بعصبيه : نوااف!
ضحك نواف : خلاص ياحب لاتزعلين انا اسف
التفتت جوري قدام وسكتت
ابتسم نواف على حركتها وحرك لمطعم
جاب لها الوجبه الي تحبها وهو اخذ نفس اكلها
جوري : وش دراك اني احب ذي الوجبه ؟
نواف : اعرفك
ابتسمت جوري برضى
