ركبو الطياره وحط نواف الشنط وقعدو بكراسيهم
اقلعت الطياره بعد عشر دقايق تقريبا
جوري بتوتر وهي متمسكه بنواف : ن نن نواف انا مو متطمنه خل خلاص خل ننزل
" جوري عندها فوبيا من الطيارات"
نواف : ياجوري ماهو صاير الا كل خير! بعدين انتي الي قعدتيني تقولين تاخرنا على الطياره
جوري : افف خلاص مابغاا مابغا اسافر رجعنني
نواف : اهدي شبلاك مهو صاير شي
ظلت جوري ماسكته وخايفه الين مانامت على كتفه
حس نواف بثقل خفيف على كتفه
التفت عليها ولقاها نايمه
ابتسم على شكلها وعدل جلسته عشان ترتاح بالنومه
بعدها بكم ساعه وصلو
نواف وهو ماسك جوري: جوري قومي
جوري بتأفف : هههمم شتبيي
نواف : قوممي وصلنا ولا تبين اشيلك
جوري فزت : صدق قليل حياء تدور الفرصه!
ضحك نواف واخذ الشناط ومشى وهي لحقته
طلعو برا المطار ووقف تكسي وراحو لشقتهم
وصلوا للشقه وهم تعبانين ومرهقين جداً
وطاحت جوري بعبايتها على الكنبه ونامت
اما نواف بدّل ملابسه وغسل وجهه وطلع للغرفه
شافها وهي نايمه بعبايتها وضحك على شكلها وشال عبايتها وشالها وحطها عالسرير وغطاها
وانسدح جنبها وغلبه النوم معها..
4:32 العصر
قامت جوري وراحت تاخذ شور ولبست خلصت وقومت نواف وتجهزوا وطلعوا يتغدون
عدت ثلاث اسابيع وعلى الرغم من انهم كانو دايم يتهاشون الا انهم كانو مستانسين
السعوديه تحديدا الشرقيه
بيت ابو نايف
1:32 الضهر
دقت ام نايف على ام مُلهم وجلست تسالها عن حالها ويسولفون
ام نايف : ياعنود انتي بكرا معزومه انتي ورجلك وعيالك عندنا عالعشاء
ام مُلهم : ماله داعي الكلافه ياساره
ام نايف : لا والله انتي وعيالك عزيزين وغالين وهذا شي قليل
ام مُلهم : الله يسعدك وان شاءالله اننا بنجي توصين شي؟
ام نايف : سلامتك يالغاليه
ماليزيا
١:٢٢ اليل
نواف بتنهد : ياجوري جننتيني قوومي نتعشى جوعان
جوري : اقسم بالله يانواف لو ماتنقلع اني لادفنك وانت حيّ !
نواف : جوري قومي قووومي
جوري : انت ياتبن مين مسلطك علي ! غثيتني وخر بنام
نواف شاف ان مافيه فايده واخذ مويه كبها عليها
جوري فزّت : انت حمار ؟ لا جد جد اتكلم معتوه ؟ ياااابببزر!!!!
نواف بضحك : قومي خلصيني اقول
جوري تنهدت وقامت وصفقته باقرب مخده عندها وراحت تغسل وسوت روتينها اليومي وطلعوا يتعشون
نواف : وين تبين نتعشى
جوري بعصبيه : مادري
نواف التفت لها وشاف انها معصبه فعلاً وابتسم ابتسامه خفيفه
توجه لمطعم ايطالي
دخلو وقعدو على وحده من الطوايل وكان المطعم شبه فاضي
قربت منهم نادله : ?Apa yang anda ingin pesan
* ماذا تريد ان تطلب *
نواف : Dua pasta, dua pizza, dua cola
راحت النادله وبعد عشر دقايق جابت طلبهم
اكلو وخلصو ونادا نواف النادله تجيب الحساب
جات النادله وعطته الحساب وهي تبتسم له وجوري ملاحضه
حاسب نواف
وقربت منه النادله وحطت يدها على كتفه وهي مبتسمه : Awak sangat cantik
* انت جميل جدا *
انصدم نواف من حركتها وابعدها عنه : Dan awak sangat menjijikkan
* وانتي مقرفه جدا *
قامت جوري عليها ومسكت شعرها : Macam mana awak boleh cakap macam tu kat suami saya!!!!!
* كيف يمكنك ان تقولي لزوجي هكذا!!!!! *
ابتسم نواف من سمع جملتها
قرب ومسك جوري وابعدها عنها
نواف : خلااص شفييك أههدي اشوووي
جوري : فكني لاتتكفخ انت معها!
مسكها وطلعها برا وجلس يهديها : ليكون غرتي علي منها ؟
جوري : نعم! تخسي وتعقب دز بس
ضحك نواف : اصبري هنا بروح اغسل يدي وارجع
جوري : طيب
جاء بيرجع يدخل المطعم بس مسكته : لاتروح لها
ضحك نواف وهز راسه ودخل
راح نواف وبعدها بدقيقتين لاحظت ان فيه واحد يقرب منها
ارتبكت جوري لما انتبهت انه سكران
قرب منها : !Wanita yang cantik
* يالك من امراه جميله! *
بعدت جوري عنه : Apa yang awak buat! saya dah kahwin!
*ماذا تفعل! انني امراه متزوجه!*
مسك يدها بقوه : Saya akan berseronok dan kemudian kami akan pulangkan awak kepada suami awak
* سنستمتع ثم اعيدك لزوجك *
دمعت جوري : Jauhi saya, tolong
*ابتعد عني ارجوك *
بذي اللحظه انلكم الرجل على وجهه وطاح بالارض
لفت جوري ولقت نواف قاعد فوقه ويضربه بكل قوته
رجعت جوري على ورا وهي تمسح دموعها
ونواف ماترك فيه عظمه الا كسرها
جو الي يشتغلون بالمطعم وفكو نواف عنه واتصلو عالشرطه عشان يمسكون الرجال
وفعلياً الشرطه جت ومسكوه
سحب نواف جوري مع يدها وكان معصب وركبو السياره وهو واصله معه وجوري تبكي
وقف نواف على جنب وصرخ عليها : ليه تبكين!!!!!
جوري : لاتصاااارخ!!!!!
فك نواف باب السياره وطلع يحاول يهدي نفسه ويمسك نفسه عنها
رجع لما هدى وركب السياره وكانت لسى تبكي
حط راسه عالدركسون : اسف
مالقى اي رد من جوري : اسف ماكان قصدي اصارخ عليك كنت معصب
تكلمت جوري وكل مافيها يرجف : ر رجعني ال الشق الشقه
مسح نواف على وجهه وحرك متوجه للشقه
وصلو ونزل نواف فك لها الباب وشالها بدون تفاهم
اما جوري ماكان فيها حيل حتى تكلمه او تتناقش معه
حطت راسها على كتفه وغمضت عيونها
دخل نواف الشقه ووداها للغرفه ونزلها عالسرير وغطاها
فتح المكيف وانسدح جمبها وغمض عيونه
