كنت لي عّدو واصبحت لك ضمّاد جرحك

بارت ( 11 )

بعد مافطرو كانو قاعدين بجلسه الاسطبل
حمد : قومو نتسابق بالخيول
قامو كلهم الا نواف وناصر
عبدالاله : نواف ونويصر ورا ماتقومون معنا ؟
قام ناصر : انا بروح انام مصدع
عبدالاله : سلامتك يالخوي ماتشوف شر
ناصر : مايجيك
راح ودخل داخل
قام نواف : انا بروح ادخن
ابعد نواف عنهم تحت انضار جوري الي كانت مقهوره منه ومن تصرفاته
كل واحد من العيال اخذ خيل وكان لازم يركب بنت من البنات معه
مُلهم ونايف اخذو زوجاتهم
محمد اخذ ملك
عبدالاله اخذ دينا
حمد اخذ منال
فهد اخذ وجدان اخته
ميهاف اخذت حصان لحالها واشجان كذلك
اما وتين وجوري كانو قاعدين يطالعون بهم
وتين كانت تفكر بناصر
وجوري تفكر بتصرفات نواف

مرت اربع ايام على قعدتهم بالاستراحه وباليوم الخامس
الساعه 2:20 بليل
كانو مجتمعين حول شبه النار
عبدالاله : محمد ونواف ماعندكم دوامات انتو؟
نواف : ماخذين اجازه
دينا : متى تبون نرجع
نواف : نفطر ونمشي
قام ناصر : انا بروح انام
الكل : نوم العافيه
ناصر : يعافيكم
ابعد عنهم وقامت وتين لحقته
استغربت لانه ماكان رايح للاستراحه
كان يمشي بطريق الحديقه الخلفيه
يوم ابعدو عنهم نادته وتين : ناصر
مارد عليها ناصر وكمل مشي
ركضت وتين ومسكت يده ولفته لها : شفيك ؟
ناصر : شفيني؟ مافيني الا العافيه
وتين : اقصد انك معد تلاحقني معد تناشبني معد تختار نفس الاكل الي اختاره معد توافقني الراي باي شي اقوله معد سويت اي شي من هالاشياء ! ليه؟
ناصر : يمكن لاني فهمت ان مالي امل فيك
وتين : بس انت دايم تقول مارح اتركك وببقى احبك مهما سويتي
ناصر : وتين انتي تصديني! كل ماتقربت منك تصديني بطريقه تخليني افكر هل انت فعلا شخص يضايقها ؟ ناصر هل انت فعلا ناشب لها بطريقه تخليها تكرهك لهدرجه ؟ ليه تسوي لك كذا ياناصر لييه! بس تدرين وش المضحك ؟ اني مالقيت ولا جواب على تساؤلاتي ومستحيل بلاقي
سحب ناصر يده منها وتركها ولف بيمشي بس وقفته جملتها : فيه شي بداخلي يقولي عطيه فرصه! عقلي يقول عطيه فرصه يبين لك حبه وقلبي يقول هذا الشخص المناسب لك
لف ناصر عليها وقرب منها : وتين انا مستحيل اكرهك لكنك خذلتيني وكسرتيني الف مره لدرجه اني الحين خايف اصدقك ، خايف احضنك او اقرب منك
قربت وتين وحضنته
قعدو دقايق وتين حاضنته وهو حاط راسه على كتفها
ماوخر عنها ولا بادلها الحضن
بعدت وتين عنه : عادي تعلمني كيف احبك؟
طالع ناصر فيها وشد على حضنها ولا قال شي
ظلو حاضنين بعض الين ماسمعوا صوت من بعيد ووخروا عن بعض وكانوا متوترين بينما كان الصوت من جوري وملك
جوري : وتييين وينك كنا ندوررك والتفت على ناصر : وانت شتسوي هنا مو بتنام؟
ناصر توتر : ماجاني نوم وطلعت امشي
وتين : وش بغيتوا؟
ملك : شفيكم توتررتو ههههههههه ، جوري امشي بقولك سالفه ناار
وتين : كوكا قدها؟
ملك : افا يتوتتته! تعالي معنااا
وتين ناظرت لناصر ورجعت ناظرت لملك : اشوي اجيكم ياكوكا
ملك : تم قلبو لاتطولين
وراحوا ويوم تأكدت انهم راحوا ووتين مسكت يد ناصر : مارديت على سوالي , بتعلمني كيف أحبك؟
ظل ناصر يناظر لها ويتأملها وكل شبر منها يحّبه لكن مو قادر يتحمل أكثر
وتين بتنهد : مابتعلمني ؟
برضوا مارد وسحبت يدها وكانت بتمشي لكن ماحست الا وهي بحضنه: الحب يجي فجأه
وتين : بس انا حاولت أحبك
ناصر : الحب مو بس بالمحاوله او بكلمه احبك واعشقك لا ابداً ! الحب بالتصرفات والافعال والمشاعر النظره بس تكفي عن كل شيء !
وتين دمعت لانها مو قادره تحبه حاولت كثيير ومانفع وحس انها ترتجف وابعد اشوي عن حضنه وناظر لوجهها
ناصر بتنهد : يالله ياوتين ييالله !
وتين وهي تشاهق : ناصر انا حاولت احبك يياخي ليه مو فاهمني انت!
ناصر : ياوتين دموعك تغلبني لاتبكيين لااتبكيييين
وتين وهي تضرب مكان قلبها بقوه وتبكي: حاولت احبك حاولت اسوي كل شيء تبيييه ماينفع مع قلبي الملعون
وكان يوقفها وناظرت له ومسكت يده : ناصر المشكله مو مني المشكله من هذا
حطت يده على مكان قلبها : المشكله ببهذذا
ناصر وهو يحاول يمسك دموعه : وتيني انا اكثر شي حبيته فيك هذا لاتحاولين تاذينه ياوتيني والله انه كنك تاذيني ، انا ماجبرك تحبيني ابداً هذا شيء يخصك بس لاتبكين والله ان دموعك غاليه ياعين ابوي
مسح دموعها وهداها وكانت مره متكدر خاطرها : ناصر انا أسفه لو تعبتك معي
ناصر : المحُب مايتعب من خلّه
وتين بقلبها : آه لو اتجرأ واقول أحبك بس
ناصر : وتين الجو صار بارد ادخلي داخل
وتين : بشرط!
ناصر : امري ياعين هلي
وتين : تقولي أحبك وتدخل داخل انت بعد
ناصر انصدم : ليه تبيني أقولها ؟
وتين : بس كذا يلا
ناصر : وتيني ادخلي بسرعه برد
وتين : طيب
وجت بتروح وسحبها : أحبك
وتين باستعباط : ماسسمممع
ناصر : أحبك اقولك
وتين بلعانه : يووه ناصر صوتك قصييير ماسمممع يووولد
صرخ ناصر : أحبك أ ح ب ك
وتين : ايييوا كذذا سمممعت ههههههه يلا ادخل داخل وبدخل
ناصر : ادخلي أول
قربت وتين وحضنته ووخرت بسرعه بتروح عشان مايمسكها
لفت عليه ولقته يطالع فيها ويبتسم وضحكت وسوت له قلب وراحت
ناصر بتنهد : آويلي ياناصر عرفت مشاعرك زين وحضنتك ياناصر حضنتك!
ابتسم ودخل داخل وكلٍ من الاثنين راحوا ينامون