صباح يوم الخميس
صحت جوري وطالعت بالساعه وكانت 6:33
جوري : ول كم لبثثنا ياساتر
طالعت بنواف الي كان بسابع نومه
قامت ودخلت الحمام - يكرم القارئ - وتروشت
طلعت وتركت شعرها يجف وبدت تسوي ميكب
خلصت من الميكب وبدت بشعرها
خلصت شعرها وقامت طلعت لها ملابس وبدلت
طالعت بالسرير وقربت منه وقعدت جمبه وبدت تلعب بشعره : نوني
نواف بنوم : هممم
جوري : قوم يلا
نواف : شوي
جوري : حبيبي ابغاك تقوم الحين
نواف : حبي خمس دقايق بس
جوري : خلاص بكيفك
قامت جوري من السرير وماهي الا ثواني وحست به يحضنها من ورا
ضحكت جوري : داريه انك بتقوم
نواف : وانا اصبر عليك؟
جوري : ماشاءالله عندك طاقه بالغزل حتى وانت توك صاحي
نواف بضحكه : وين تلاقين مثلي ؟
ضحكت جوري وباسته على خده : ايه ايه وين بلاقي مثلك روح بس تروش وبدل ملابسك عشان نفطر
نواف : من عنييا
قام نواف ودخل الحمام وجوري نزلت تحت
- نواف -
اخذ شور وطلع لبس واخذ المنشفه ينشف شعره ونزل تحت : حبيبتي وينك
جوري : هنا
توجه نواف للمطبخ وشافها قاعده عالدرج
قرب منها وباسها على خدها : ليش ماسويتي فطور
جوري : مدري مالي نفس اطبخ
نواف : خلاص انا بسوي
كان بيروح للثلاجه بس مسكته جوري : لا نواف مالي نفس اكل من البيت خلنا نروح نفطر برا
ابتسم نواف واشر على عيونه : من هذي قبل هذي يلا البسي عبايتك وتعالي لي بالسياره
ابتسمت جوري وباسته على خده ونزلت من على الدرج وراحت تلبس عبايتها
7:55
- الجامعه -
جوري : يلا انا بروح للكلاس
نواف : وانا بجي معك
جوري : كيف
نواف : بجي معاك وش الي كيف
جوري : نواف حبيبي الجامعه مهي جامعتك مب على كيفك تدخل
نواف : يشيخه من بيدري بعدين انا اشتاق لك مقدر اصبر بدونك
جوري : ايه وانت اذا ماقدرت تقنعني تتغزل هذا الي فالح به
ضحك نواف : امشي امشي تاخرتي عالمحاضره
راحت جوري معه ووصلو للكلاس
فتحت الباب ودخلو
جوري : اسفين عالتاخير
الدكتور : مو مشكله تونا باديين
لاحظ نواف وتكلم باستغراب : انت طالب جديد ؟ اول مره اشوفك هنا
طالعت جوري فيه وهمست له : انقذ نفسك ان كنت تقدر
نواف : لا انا مو جديد بس كنت مسافر توني ارجع
الدكتور بشك : اها اقعد اقعد
قعدو نواف وجوري وبدا الكلاس
وبطبيعه الحال نواف ماكان معهم اابد
الدكتور يشرح وكل الي بالقاعه مركزين الا نواف
كان لاف على جوري ويتاملها وهي كاتمه ضحكتها
9:00
الدكتور : وهذي اخر نقطه بدرسنا لليوم نكمل بكرا تقدرون تطلعون
تكلم واحد من الطلاب : التحضير يادكتور تراني مداوم عشانه
الدكتور : ايه صح
قعد الدكتور وبدا يحضر الطلاب و اي واحد يقول اسمه كان يطلع
وبقى نواف وجوري
الدكتور : جوري عيسى ؟
جوري : موجوده
الدكتور : انت ايش اسمك؟ كلهم قلت اساميهم الا انت
نواف : نواف كاسر
حطت جوري الكتاب على وجهها وبدت تضحك
الدكتور : مو موجود اسمك عندي
نواف : غريب المهم انا عندي موعد بطلع
قام نواف ومسك يد جوري وطلع من القاعه : وعمى وش ذا استقعد لي !
جوري ووجهها احمر من الضحك : قلت لك دكاترتنا مستقعدين
نواف : هذا بزياده ياحب
جوري : ايه ذا كريه شوي بس اخ ماشفت وجهك كيف صار احمر يوم حشرك
ورجعت تضحك بقوه عليه
نواف : مايضحك
جوري : امش امش بس برجع انام
نواف : والبر ؟
جوري : يوه نسييت
نواف : اذا نعسانه اسحبي عليهم
جوري : لا شدعوه واعدينهم حنا
نواف : طيب يلا امشي بنروح بيت جدي ونروح للبر من هناك
جوري : تم
