ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت 20

بنات مالكوم عاكزين علا تفاعل 68 واحد او يلاه 3 ڨوت🥹🥹

عند ياقوت .....لي عاد خارجة من لحمام لاويا عليها فوطة ....او كالسة كتفكر شنو تلبس فهاد نهار.....تلفات حيت بغات تبان ليه احسن وحدة كتهز لبسة متعجبهاش او تحطها فوق فراشهااا....

ياقوت: اش هاد لحبس واه دبا اش لي زوييين ( او هيا تتشوف تا جات عندها سارة او هيا شادة فإيدها جوج كسوات  )

سارة: ياقوت اما حسن لكحلة او لا لخضرة راه تلف ليا كولشي عتقي

ياقوت( شدها ضحك  هيا براسها او واحلة ) ههههه تيقول واحد لمثل مغريبي تحزمات لݣرعة بلفݣوسة او كالو يلاه نقطعو شانطي هيا ديالي او ديالك ...... وانا براسي واحلة هههههه مي  نختار  ليك ابب لكحلة حسن  اتجيك زينة

سارة:(خارية بضحك على هادشي) كنت هانية .....فاش كنت صولو والله كنت  ناضية ، اه شوفي ديك لحمرة لحمر كيجيك سيكسي  والله

ياقوت: فراسك هيا لي تنضور عليها من قبيل او كولت موحال تجي مي مني كلتيها انلبسها نيت 

سارة: يلاه ...انا مشيت نقاد شعري راه تا نبات فيه  نيت بينما تسالي او جي عندي نشوفك

  مشات  ياقوت كتوجد راسها كانت كدير لمسات الاخيرة ديالها لبسات كسوة فلحمر سماطي  فيها فتحة فجنب طالعة تالنص ففخدها   تا تبين شويا من صدرها  فقط او طالون فكحل ،شعرها دارتو كورلي معا  ميكاب سموكي او ركزات على عينيها كثر  لي زادهم جمالا اكثر  معا شويا د الاكسسوارات كلمسة اخيرة رشات ريحتها لمفضلة......

اما سارة  كانت سبقات شعرها هوا لول او ميكاب دارتو سموكي كيف لعادة لي كيبرز حدة مالمحها شعرها قاداتو عادي .....سلات لبساات كسوة  سماطي فكحل لي كانت لاصقة عليها لي زات برزاتها كثر... كانت فايتة ركبة بشوية .... بارزة صدر ديالها اكثر معا ساعة فقط كبغاتش تعيق بالاكسسوار مبغاتش تلبس بزاف  تريحات بريحتها لي تتشم من بعيد .....

، مشات لبيت سارة لي لقاتها مدابزة معا لبستها عاونتها..... او هبطو عند فايز لي كان واجد او كيتسناهم لي بدورو كان لابس بدلة فالابيض..... معا عكازو لي عمر   تفارق معا يديه 

فايز : مشاء الله على اميراتي شحال زوينات ....وخا عيت نستنا ولكن مخساراش فيكم.... وجه كلامو لياقوت من بعد بغيت ندوي معاك  ( شد كل من سارة و ياقوت فايديه او مشاو ركبو فلوطو ديالو ليموزين كحلة او تاجهو لمكان لحفل )

عند سيف ....لي كان  تماك  لبلاصة كانت مزينا باغلى انواع زينة  لي كانت راقية او زادتها رقة لي اصلا كانت مكلفة بيها سارة او لمكان مطوق بصحافة  بطبيعت لحال راه  شركة لعمراني لي ماكيكون فيها غير شكون او شكون ....  قدام شركة فيه جميع انواع سيارات لفخمة ،كان لابس بدلة فالاسود مزرق... لي كان واقف بكل هيبتو  هاز كاس شراب فيد او اليد لخرا كانت فجيبو  كان كيتسناها بفارغ  صبر   تا جات خشات ايدها....