ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت 27

كيف لعادة كتدوز نهارها فلخدمة بصح معها فلمكتب لكن مامتلفهاش على غايتها هيا عندها كولشي بقواعد... خدمة خدمة او لحب حب كانت خدامة على ملف على حساب الاجتماع تا بانت ليها داخلة لمكتب كانت بغات تدوي معا سيف لكن كان خارج شركة هاد نهار كانت فقط ياقوت ..

عبير : ايه نتيا فين هوا سيف

ياقوت:  ليوما مكاينش عندو خدمة

عبير : لقاتها فرصة او بغات نيت تدوي معاها مشات كلسا فلكرسي لي مقابل معا ياقوت او هيا حاطة رجل على رجل ... طلبي ليا قهوة او دبا

ياقوت دارت لي كالت ليها ما هيا الا دقأئق تا وصلاتها قهوتها او بدات كتسمم فيها

عبير: سمعت دخلتي فعلاقة معا سيف بصح

ياقوت: ... تصدمات حيت لحد دابا ما فراس حد غير لقراب ليه.. او شكون كالها ليك

عبير ..طلقات ضحكة شريرة .. ههههه واش من نيتك راه انا سيف كايعاود ليا كلشي ( زادت صغرات عينيها فيها) او لي كنعرفو عليه انا عمرك اتقدري توصلي ليه

ياقوت:(بغات ترد ليها صرف ) اه عادي ياك نتي بحال ختو ههه فعادي تعرفي عليه كولشي او لا

عبير:(تقرصات من هدرتها او ناضت خارجة او هيا كتدوي) مزال نشوفو شنو اديري مزاال من بعد ما تعرفي

ياقوت: اش غنعرف مال هادي ( بقات كتدوي عادي او هيا محنيا على ملفاتها )او هيا خدامة دور ليها انس فلول حاولات تفداه او ما تجاوبوش حيت سيف منعو عليها مي مني كثر لي زابيل جاوباتو

انس: سلام ياقوت صڤا عليك ، فين غابرة

ياقوت: لا مغبرت والو حمد الله نتي صڨا عليك

انس :حمد الله ،شوفي بغيت ندوي معاك فواحد لموضوع مهم او خاصنا نتشاوفو

ياقوت: انا كنسمعك غير دوي

انس : لا هاد لموضوع ماشي ديال تيلي من الاحسن نشوفك

ياقوت: وخا ايمتا او فين

انس : مزيان معا 9 دليل اندوز عندك

ياقوت: لا ماشي مشكيل انجي راسي ( او قطعات لخط)

..امين لي كان خدام او عينيها مامشاوش من بالو بقا كيفكر فيها ما حس براسو تا خرج عفط عفطة وحدة تا وصل لعندها داخل كيقلب عليها تا سمعها كدوي معاهم فلمطبخ او كتعاون معاهم كان اول مرة ليه يسمع ضحكتها من نهار شافها

جوديا : ههه عرفتي كنت ديما جايبة تبريا لميي الله يرحمها ههه او ديما واكلا لعصاا هههه