ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت 40

حطات لكيك معا لعصير او شوية لفواكه معا مكسرات  مهم كولشي منوع هزاتهوم فصينية او هبطات لعندها ....

للالة  فتيحة: بنتي واش مزاال ما غادي دخلي راه ايضربك لبرد هنا

جوديا : خالتي  جيتي مزيان نيت نتوانسو ...ممم جايبة معاك كيك ( باست ايديها) هاد الايدين تيخرجو لعسل ...

لالة. فتيحة: لعسل هوا نتي ابنتي ....اجي مالك مكرفساا هاد لعينين ابنتي بلبكا حني فيهوم شويا ...

جوديا  : اودي ،خالتي كيفاش اندير ااا كيفاش (قاست قلبها ) فراسك هاد لقلب شحال داز عليه   انا ما عندي زهر بنت منحوسة ...

لاىة فتيحة: الله يهديك كولي اعود بالله من شيطان رجيم .....كالين منحوسة اويلي واش راك بهلة  واش هاد.زين كولو يكولو عليه ناس نحس .... راه كولشي بصبر  او باش تعرفي ربي باغيك حط  ولدي امين  فطريقك....

جوديا : ههه ضحكتيني اخالتي والله وخا ما فيا ما يضحك .... بصح  انا عندي زهر حيت هوا لي ضربني داك نهار لكن هوا راه عليه نحس سمعي (دارت ايديها على ايد فتيحة او حلات فيها عويناتها لي كانو مغرغرين) فراسك انا كبرت بسميت منحوسة  او سميتي هيا لخرااا سماوها على  مراااا ...مكيحملوهاش انا من صغري او انا هكا او عايشة هكا  نتي عارف شنو طرا ليا

لالة فتيحة:(شداتها لبكية) ا بنتي راك نوارت لبنات واش مكتشوفيش بلي راك ...متصرعااا اااا واش مغتشوفيش من حال هاد لقلب اااا الله يهديك نتي تتبغي امين واش  اتبقاي هكا كادبة على راسك....

جوديا : شششش اخالتي  ما بغيتش ندوي على هادشي

لالة فتيحة: اتوصل وقيتة لي غاتدوي عليها بزز منك  ...ديري امالك فالله  راه امين كيحماق عليك

جوديا : خالتي بيني او بينك واش ترضاي ليه وحدة باها باعها على ود شوية

دلفلوس ....اااا واش ترضاي ليه بحالي (هزاات سروالها من تحت كدوي بعينين

مغرغرين) واش ترضاي ليه بنت فحالي شوفي ضرابي لي فيا من لحمي يعيف

مني ....ما بغيتش نوصل لديك لمرحلة  ما بغيتش نشوف فعينيه نظرات شمئزاز

ليا  شوفي لبنات لي كان معاهوم كيفاش هوما او انا كيفاش او زايدون... انا

بنت مولفة على  هادشي او صداع لي ايجيه من مورايا انا عايش فخوف كولا

نهار لا يلقاوني منقدرش نخليه كنت كنسمع لحب تضحيات كنت جاهلة او

كنضحك على لي كالها ...لكن منين عشت احساس لحب عرفت بلي عندهوم

صح لي هدا ختاريت سعادة  امين عفاك رحميني او صافي  نتي عارفة انا وياه مستحيل  ..

ناضت ماخلاتهاش تدوي  طلعات نيشان لبيتها سدات لباب او مشات تكات فناموسيتها ....بقات كتبكي او تشكي همها  للله او الام ديالها   لي توفات من او هيا صغيرة... بقات لساعات  تاداها نعاس  امين كان سمع هدرتها كاملة  جرحاتو كثر ما فرحاتو ...ما عرف يفرح حيت كتبغيه او لا  يتقلق حيت ختارت تبعدو عليها...  بلاما تعطيه فرصة و لا تشوف كيفاش ايتعامل هيا مخلاتش ليه لفرصة او خطارت فحرتو على تعاستها ...

امين: مغنخليكش ا جوديا من او انبين ليك اني بصح كنبغيك

عند سارة لي كانت خدامة او عقلها معا ياقوت او نص لاخور معا قلبها  لي من نهار مشا ادام ما هيا فخير

سارة: افففففف اففففف اش ندير انا لمشاكيل ...من كول جهة واااه ها ياقوت من جهة او ادام من جهة لي اصلا تلقاه عايش  او نساني فنهار لول..( ما فراسهاش راه تايضل مخشي فيها😂😂😂😂😂😂😂)  واه انا راه عيييت. ،ياربي ما يقتلتش ختي او ما يكونش ادام من لمافيا

بكثرة توثر زفات واحد لڨاز لجهت لباب  لي كان يالاه تحل جاب الله مجاش فيه

يتبع❤️❤️……