ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت65

جاتو دقة فإيديه اما هيا ما طرا ليها والو .....كان حاكمها باش ما تضربش ناض مخلوع  عليها ...فحصها بعينيه كولها ياكما تضربات ناض واقف ... مشا للي كان صايك لي لموت ركباتو من رجليه ما عرف باش تبلا  حل  باب سيارة او  شنق عليه تا نزل .....

سيف: كون طرات ليها شي حاجة كنت انقسمك ....سمعتي كنتي اتكون فعداد لموتا كون ماتت كون ندمتك على نهار لي تزاديتي فيه عمرك كنتي تهنا فحياتك

ياقوت ما فهمات والو بصدمة ....حسات بكولشي داز بزربة كون ما صوت سيف لي فيقها من لقوقعة لي كانت فيها.... بقات كتشوف فيه  كيفاش مدابز معا سيد كتشوف لي وصفاتو بقتال شنو داير  على قبلها ....كيفاش هوا مجروح من ايدو او ممسوقش او لا دوا علي راسو .... فقط هيا لي كتهمو.... ناضت كتجري لعندو او تتجر فيه من دراعو او تتغوت بسميتو لكن  شكون دها فيها دارت ايديها جيهت قلبو او تدوي معاه  لكن كان قوا منها بلعصاب لي فيه.... كتافو تنفخو او عروقو بارزين كيدوي معاه او هوا مكشكش ...

ياقوت: سيف سيف براااكا.... راه سيد مكانش قاصد راه انا لي غلط سيييييييف

لكارد ديالو جاو ليه كيجروه عاد هوا بعد او مشا عندها شدها فإيدها... ركبات معاه او زاد فحالو ما دواش كان كينهج او ودنيه كيصفرو ...راس يديه او راس يجيبو  كيفكر كون طرات ليها شي حاجة وقف فصطوب🚦 او هوا على اعصابو   صباعو كيلعبو فلڨولون ...او عينيه لحمريين  ...كانت كتشوف فيه او تفكر لحظات ديالهوم ما حسات براسها تا ..حيدات حزاام سلامة ... حبدات  ايديه لي كان كيلعب بيها من كثرة الاعصاب او طلعات فوق رجليه.....  معنقاه خانتها دمعتها لي شحال او هيا حابساها فقط معنقاه او عاطها  للعنان كانت مقصحة من فراقهوم هوا تصدم او فرح فنفس لوقت  محيدهاش من فوقو بلعكس ....دور ايديه لي كانت جيهت  باب سيارة او لوا ايديه على خصرها  او كيشم عبقها لي بقا محروم منو ...مشا مكسيري  او صمت  سيد لمكان  كانت وجهتو دارو لي ...كانت خارج كازا بعيدا كول لبعد على ناس هوا بوحدو لي كيعرفها  كانت ڨيلاة كبيرة ....غير جردة ديالها تتدوخك كانت دخلة ديالها مزينة بجميع انواع لورد او شجار ...

....كانت نقية او أنيقة المظهر كانو لي كارد فكل مكان دو بنية ضخمة او طوااال اخيرا وصل قدام لڨيلة ...حبس لوطو او نزل  او محاوط ايديه عليها او محيدهاش فوقو  لوا رجليها على خصرو متاجه لداخل هوما لي غير سمعو صوت روايض ناضو كيجريو يحلو لباب....كانو لخادمات مخلوعين لكن حلو فمهوم كي شافو بنت معاه حيت ديك دار سينين او هيا عندو عمر شي بنت لمرة جات تا من صاحبو روح بروح عمر كانت فخبارو عندو كان مشا نيشان لبيتو ....لي كانت مصممة بدوق رجولي او غير شوفة فيها كتعطيك نطباع قوي او فريد من نوعو على شخص لي عايش فيها ...حطها فوق سرير لي كان فراشو من نوع لغالي او لي كان بالاسود  زربية هيا لخرة كانت بلكحل كان بيت نقي حطها او دخل يدوش بغا يبرد لي فقلبو او لحد الان مزال ما دواو معا بعضياتهوم، هيا بقات كتدور ..فعينيها لكن ولفات دوقو  حيت ماشي اول مرة تعرفو عرفاتو كيحماق على لون الاسود ...او لا نكولو  دنيا لي حبباتو فلون الاسود حيدات ڤيست ديالها او صاكها او مشات..كتطل من لبالكون لي كان كبيير كانت فيه كليسة   لي تخلي عائلة على قدها تكلس تما ...مشات كلسات فكرسي  رجل على رجل ... كتأمل فلمنظر لي كان تما كان منظر..يحل ليك شهية او يريح نفس فقط صوت لعصافير او لورود على شكال كانت بحال ...لجنة  غمضات عينيها او هيا مستمتعة  بهدوء المكان تا كتحس بضل واقف قدامها حلات عينيها عليه كان لاوي عليه فوطة او قطرات لما نازلين مع تضاريس جسمو ... شفايفو معا لماء ولا حمر   كان جداب بمعنى لكلمة  للحظة سهات فيه تواحشات تلمس... فعضلاتو او فشفايفو .....

سيف: ما عرت فين وصلتي

ياقوت: (حسات بالاحراج) لا كنشوف هاد قلة الاحترام لي فيك...

سيف:(كانت نايضة  تا رجعها بلور او ترمتها  كانت لاصقة فديالو...لاوي ايديه على

خصرها)  فين غاداااا...

ياقوت: فحالي (لحرارة كانت طالعة معاها من لقرب لي بيناتهوم )

سيف: واش مزاال اتقسحي راسك امممم

يتبع💞……

لا لقيت تفاعل او تعاليق كثيرة انحط بارت خرا ❤️