ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت 139

اي واحد قرا هاد بارت يتفاعل راه بقات غير بارت وحدة 🤤♥️

.... من بعد مسافة طريق وصل للڨيلة حبس لوطو بسرعة تا تحكو روايض معا الارض... نزل من لوطو بخطوات كبيرة .. دخل هايج بحال شي ثور لقا سيف فصالون معا فرقة من الاشخاص منهوم حراس او شرطة الكترونية لي من معارفو مزال كيقلب فجميع كاميرات المراقبة ...عينيه لي ولاو حمرين من نهار ختافات ما باقا نعس اي ساعة او اي دقيقه كدوز عليه بحال عام ..ايحماق لبعد عليها بهاد طريقة مرضاتو خلات منو شخص مريض مكيعرفش رحمة .... شاف ادام لي من وجهو مكيبشرش بلخيير شافو او ناض لعندو مشاو نيشان لمكتب لي كان عازل صوت ...

ادام : سارة .... سارة مكايناش... راه تخطفات ... قدام واحد ريسطو

سيف : وسع عينيه بصدمة ... كيفاش واش تا هياا .. اش كولت ليك ازامل ياك وصيتك تكول ليها تكلس فداار ..

ادام : خرجات وخا حدرتها هادشي لي ايحمقني ... حماقتها او فعايلها ايتسببو فمقتلها .. سيف هادشي مكيبشرش بلخيير اكيد ايقتلوهوم .. خ خ خاصنا نتحركو منقدرش بلا بيها نعيشش ...

سيف : شششش صافي ما بقا قد ما فات كنقسم برب لكعبة .. مني انلقاهوم انتيري فمهوم كامليين ... سكت شوية تا تكلم ... سارة واش معندكش شي حاجة مراقبها بيها ؟

ادام : بسرعة .. لا ... ما هيا الا دقيقة تا تفكر ... درت ليها تطبيق اختراق فتيليفونها او جهاز تتبع فكتفها كنضن مزال ما قلبوهاش حيت اكيد معطغاديش يشكو فيا ..

سيف : نوض يلاه نمشيو باش نبداو فتحركاتنا ... د

نزلو لصالون عطاو معلومات اللازمة او بقاو كيتسناو لمدة نصف ساعة .... عطاهوم واحد الاشخاص لمكلفين فين كيتواجدو او مشاو بسرعة هو او ادام فسيارة مرسيديس كحلة او موراهوم ثلاتة سيارات فنفس لون لي فيها اغلب لحراس لي متدربين ... مشا بسرعة جنونية فقط فبالو هيا ... دخلو فطريق غابوي مقطوعة فيه رجل فقط هوما لي كانو صايكين .. بقا صايݣ او ادام كيقولو منين يدوز بحيث هو لي كان شاد جهاز ... وصلو لكوخ لي كانو لبنات محبوسين فيه ... كان كوخ كبير دو غرف كثيرة .. هز سلاح فيدو... مسدس من نوع ماكروف توجه للباب او ادام او لحراس وراه عطاهوم اشارات باش يتقسمو على جوج ادام مشا فالاتجاه الاخر معا نص د لحراس او سيف معا جوج حراس او لي بقا مشاو لجهة لباب ديال جردة .. دخل لبيوت لولة ما لقا والو طلع نياشن الطابق العلوي لقا انس طايح او كشكوشة خارجة من فمو مزال حال عينيه ... كيف شافو شنق عليه ....

سيف : بعينيه لحمرين او عروق يديه لبارزة ... فين هومااا دوي ازامل فين كاينين ..