ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت31

من هنا لساعتين او لا تلاثة انحط بارت 32❤️❤️ ما تنخلعوش  او لي هبيزة تكتبها فلكمنطير يلاه نشوف لهبيزات لي عندي

  فاقت كيف كولا صبااح  مشات  تاخد دوش  يخفف عليها لوجع  ديال لي غيغل ...  من بعد ما دوشات عتمدات على لون البنفسجي او لون الابيض  قدات مكياجها لي كان سموكي شويا اما بنسبة لشعرها فدارتو كعكة  .. جبدات خصلات شعرها  تلقدام  كانت سيكسي  هزات صاكها او ملفاتها او خرجات من لغرفة ديالها

...مشات دخلات لبيت سارة لي كانت مزاال ناعسة ...  بل خمرات  او مظلمة بيتها ..حيدات  ليها لخامية تا ضربات فيها اشعة شمس لي عماتها فعينيها ،دارت ايديها على عينيها متجاهلها

ياقوت: نوضي امدام راه وقيت لخدمة هادي ،نوضي يلاه توجدي نوضي

سارة : لا ما بغيتش خليني ناعسة ما عندي خاطر

ياقوت: سارة  نوضي.. حيدات لبها ايديها من فوق عينيها تا كيبانو ليها منفوخين بلبكا ...واش عاوتاني سهرتي  او نتي كتبكي ، علاش كتمرضي راسك ياك نتي لي كولتي ليه تسالي علاقتكوم

سارة : واش  انا لا كولت ليه موت يموت هوا عارف كنبغيه  م م ما ماقدرتش نخبي  بغيتو معايا بصراحة ... ما كنتش بيتو يتفارق معيا غير كنت معصبة ئ ئ ئ ...منكرش خلا بلاصتو فقلبي  انا غير بغيت نفقصو لكن هوا خلاني

ياقوت : ...بقا فيها لحال  عليها .. سارة عفاك نوضي  هادشي لي كديري ما منو والو... نتي غير تتكرفصي فراسك او صافي سيري دوي معاه ..راه ادام كيحماق عليك ، علاش هاد لعناد كولو  هوا معدب فجهة او نتي معدبة  فجهة

سارة   : سيري  تقودي انا نمشي عندو لا نساي نتلاح من راس شي جبل او منكولهاش ليه

ياقوت: اوا بقاي هكاك تا تغني راني خليتو ليك امانة صافي تهلاي فيه او ما تغبنيه  نوضي تهزي سيري تخدمي عمي فايز عايق بيك 6 شهور هادي  غير ساكت  ليك او صافي

سارة : وخا صافي

خلاتها ياقوت او مشات اما هي   دخلات دوش او هيا محملاش راسها خارجات دارت ماسك لي يخفف على عينيها،  كتلبس او كتشرب قهوة  سلات او خرجات مكسيريا