ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

♥️📝بارت122♥️📝

بنات كيف لبارح طلعو تفاعل♥️🥰

من بعد شهر من تحضيرات اخيرا ايدار لعرس فقاعة كبيرة ...كانت غير طبقات

البرجوازية لي متواجدة فلحفل او ولاد شكون او شكون ... معا بعض من زعماء

المافيا لي كان مترأسها كانت قاعة كبيرة لدرجة يجري فيها لخيل ...كانت

موسيقى كلاسيك ...المشروبات و الاكلات من نوع الفخم كان عرس ولا في

الاحلام ...كانت غادة جاية فلغرفة بكسوتها لبيضة لي ختارت تصميمها او لي

تصممات ليها شخصيا ... عند اشهر مصمم في فرنسا لي تقامت عليها بزبالة لفلوس

مرة مرة ... كطل عليهوم من لفوق كتشوفو كالس معا لعائلة او صحابو فإيديه

مشروب او مامسوق لحد

لمسيرة : مدام راه ايخصك تنزلي ... راه لوقت دبا

عبير: اوففف صافي ... واش ميكاب ديالي مقااد ياك ... او كسوتي واش مقادة

لمسيرة : اه امدام كلشي هوا هداك

تعرض ليها الاب ديالها فطريق...خشات ايدها فإيديه او نزلات معاه... بداو

تصفيقات لحاضرين معا لحن دخول العروس ... بقات نازلة تا وصلات درجة

لخرا لي كان كيتسناها تما... الاب ديالها سلمها ليه او رجع لور مخليهوم متقدمين

... بخطاويهوم على سجادة حمراء تا وصلو بلاصة لعرسان ...جر ليها لكرسي تا

تقادات فبلاصتها عاد دار هوا كالس ايديه على ايديه ...فقط كيخنزر او عيني غير

كيدورو فلمعلوم... كيف حطات ايدها على يديه خنزر فيها تا حيداتها بكل

هدوء... دور عينيه كيبانو ليه صحافة كثار او ماشي غير دوك لي كان متافق

معاهوم ...دور وجهو او شاف فيها او هوا كيضحك بحال شي مختل ...شافت فيه

او هيا كترعد

سيف: شنو زعما تصحابك انا ناعس على ودني ياك ! ( ضحك تا بانت ليه ضرسة

لعقل ) ههههههه جنيتي على راسك

عبير : ( طلعات معها سخونية ) ك كي كيفاش انا م م مدرت ليييك وال لو

سيف: دبا نشوفو

كانت كالسة فجنب لبحر مستمتعة بلهواء الطلق ...او نجوم لي كيلمع او كانو كثاار

مغطيين سماء ايدها على كرشها او عينيها فسماء كانت غاطسة فراحة بالها تا

وصلها ميساج ...من مالمحها الهادئة لملامح تكسوها صدمة او عدم ناضت متاجهة

لسيارتها ليموزين فطريقها لعنوان لي وصلها