ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت 38

عند جوديا لي كانت فايقة تسناتو ليل كامل يجي لكن ما جاش نهائيا فاقت مشات دوشات قادات راسها لبسات بيجامة كانت انيقة فلون لوردي هبطات فطراات ملات او هيا بوحدها خرجات لجردة كلسات تما كتشوف او ساهية كتفكر فلي داز عليها...

وصف فصورة

Flash back💔

سي محمد: تي.دوي. كبرتي يا لكلبة ااااا كبرتي وليتي تدوي قدام سيادك

جوديا:(بصوت باكي مبحوح بكثرت ما غوتات كانت عينيها منفوخة او زرݣة او فمها او نيفها خارج منو دم ) بااا انا راه مبغيتش نتجوج بيه عفاااك راه كبر مني ( تحنات حطات ايديها على رجليه) عفاك ابا نبوس ليك طراب رجليك ع عفاك لما رحمني عفاااك اباااا عفاك

سعيدة: (دفعاتها تا جات مسرحة تحنات لعندها ناتفاها تا جلدة راسها اطير) يا لموسخة شوهتي او صغرتي بينا (شافت فراجلها سي محمد) سمع خاصك تهنا من هاد لعاااار راه بنتك وسخات عاراضنا كيفاش انخرجو حنا مزااال او هيا شوهتنا اااااا

سي محمد:(بقا كيركل فيها كيركل تا فقدات لوعي) هزو عليا هاد لكلبة دخلوها لزريبة معا نعاج او ما تعطيوها والو لا شراب لا ماكلة

لاحتا سعيدة هيا او ولادها لي فالاصل خوتها لاحوها كي لكلبة لا حنين لا رحيم ربطوها او بات يوماين مكاتكل ما كتشرب ولات شاحبة او دم مشا منها لدرجة فمها ولا بيض نقطة تدم ما فيهش كتبات بلعصا او تفيق بلعصا بلا ما تحس نزلات دمعتها لي حسات بسخونيتها على خدها

جوديا:(جمعات رجليها عندها او حطات راسها كتبكي ) علاش عمرك بغيتيني اباا علاش واش غير حيت بنت علاش بغيتيهوم ونا لا اااا علاش هنت عليك او بعتيني لرخيس (تعالات شهاقتها) علاااش نتا مكتحملنيش علاش كون غير قتلتيني او هنيتيني او تهنيتي لكن دنيا دواراة مزاال اتندم او عمرني نسمح ليكوم نتا تبعتي كرتك لكن انا انتبع لحق حسبيا الله ونعم الوكيل فيكوم

لالة فتيحة : (مشات كطل تسمع شنو كتكول بقا فيها لحال من لي سمعاات كانت مراا كبيرة فلعمر ) نوال سيري وجدي شي كيكة او عصير لبنت راه اتمرض هكا فينما تفيق تبكي كتقطع فلقلب

نوال: مالي مساليا ليها بلاما تشوفي فيا هكا رااه تاتبقا كفس منا او بنت دوار ياك باعوها على جوج.دريال ما فهمتش انااا شنو عجبو فيها كون يقا غير معا لالة لينا بعدا جات معها ،تكون فهاد دار او معا سي اميين اما ديك طناعة راه اصلها باين لالة لينا زين او تباثة او لاباس عليها

لالة فتيحة: ربي هاد لقلب لكحل لي عندك منين جايباه واش مكتخافيش الله او كدوي على بنادم ااااداويا على عراض لبنت بلا حشمة ، شوفي اتنوضي ديري لي كولت ليك او لا اندمك او نفرج فيه لخدامة كامليين نوضييييي

نوال: ها هيا نايضة فخر يامي نشقا على على داك نوع

عند ياقوت لي وجها كيدوي بلاصتها فقط جسم لي موجود اما عقلها فلي طراا لبارح كيفاش اتعاود تبغيه او تيق فيه كيفاش اتصارحو بقرار فراقها بيه مشات كتمشا فلكولوار او تتمنى كل خطوة تولي عندها عاام باش ما تشوفوش او متوصلش لداك لمكتب لكن للاسف ها هي حلات لباب او جات عينيها لعينيه هوا كان شاك عارفة شي حاجة من حالتها كانت باينة

سيف:(ناض عندها بغايعنقها لكن بعدات) ياقوت مالك ، اش طاري دوي

ياقوت : لا والو غير ما نعستش مزيااان او عيانة صافي

سيف: (كان عارف وقيت عادتها شهرية هادي ) صافي سيري كلسي انطلب ليك شي حاجة سخونة معا شكلاط

ياقوت: لا ما فيا ما يكول شكرااا غنمشي نكلس انولي مزيان

سيف: مالك صفراا واش مواكلا والو

ياقوت: لا ما عنديش شاهية عفاك صافي بغيت نمشي نكلس نرتاح

سيف: (حيد ايديه) اوك سيري (كيشوف فعينيها بشك هز تيلي او خرج برا

لمكتب او صونا لكارد ديالو ) شوف غتمشي لديبو او تدوي معا لجاسوس لي

دايرين او جيب ليا تسجيلات لمراقبة ( قطع عليه او هوا كيدعي الله
ميكونش لي شاك فيه صحيح

بنات كي ديما راه انتخاصم معاكوم ههه

غيطرا او شكون هاد ايوب او شنو بغاا