ســــقــــوط فــــي شـــبـــــكــــة الــــمـــهــــووس💎⛓️
هي رواية مشوقة كتاخدك في رحلة مثيرة لعالم مليء بالألغاز و الغموض . كدور القصة على ياقوت الخطابي ، بنت طموحة كتسعى لتحقيق أحلامها في شركة "فوكس لعمراني للأعمال ". و لكن فاش كتلقا بالمدير ال...
عند سيف لي كان جاعر على لي دارت لكن كيحاول يبرد راسو ما بغاش يزيد يخليها تنفر منو .... هوا غادي عندها كانت كالسة لكرسي مقابل معا لبحر او إيديها فجيب مونطوها كانت شاردة ذهن مكايناش نهائيا فهاد لعالم تا دار ايدو على كتفها عاد وعات بيه او ناضت قافزة .....
او كملات خطاويها او كانت بغاات تقطع شانطي غادا بلا عقل فقط بغات تبعد منو كانت قاطعة شانطي او مرداش لبال كدور تشوف فيه هيا مكانتش ردا لبال للسيارة لي اتجمعها ما بقات كتفصل بينها او بين سيارة غير خطوة سيف لاحظ سيارة او مشا كيجري لعندها او قلبو كيضرب ب 190 حس بقلبو بين رجليه دارها بين ايديه او راسها فحضنو او تلاح كيتكركرب هوا وياها
عند سارة او اداام لي كانو فريسطو خمس نجوم كان راقي او غير ديكور لي فيه كان فخم او جد.راقي كان زوين بكل ما تحمله لكلمة كامو خداو لي اياكلوه كان لمطعم خاوي شي لي سارة جاها فشكل
بقاو معاطين تا جاوهوم ثلاتة د الاشخاص ......كانت فرقة موسيقية او جات معاهوم بنت خدامة تما هزا معاها كيك 🎂كان على شكل قلب حمر من فوقو شموع بلون الاحمر....حطاتها لبنت وسط طبلة او ناض ادام مد ايديه ليها باش يرقص معاها هيا......كانت مشوكية من هادشي بقات كتدور فعينيها ما فهمت تا حاجة دارت ايديها فايديه او سحبها لعندو شادها من خصرها او شابك ايديه ثانية معا ايديه او زاد زيرها ليه كان منظرهوم اكثر من رائع لدرجة جميع ناس لي خدامين تما كيصفقو ليهوم او على رقص ديالهوم من بعدما سلاو رقصة ديالهوم او هوما مزاال واقفين مد ليها موس او قطعات لكيك هزات منو قطعة صغير او دوقاتو او كالت منو تا هيا ....
ادام:(حط رجل فالارض او حل ليها بواطة فلون حمر فيها خاتم كان كلاص او راقي كانت متوسطاه حجرة الماس صغير كانت جد لامعة )سا رة تقبلي تكوني مراتي او نصفي ثاني
سارة : (كتشوف فيه او هيا مصدومة ) ااا
ادام: واش تقبلي تكوني مدامتي او حلالي
سارة : قابلة احياتي قابلة
ادام( ركب ليها لخاتم) كنبغيك
سارة : انا كثر اعمري انا كثر
مد ليها بوكي دلورد حمر ، دخلو فقبلة عميقة لي كتلخص احاسيسهوم لمخلطة.....مزيج من فرحة صدمة حب وا كلشي او هوا ما فارقش شفايفو عليها هزها كيدور بيها او هيا لي كامت كايرة فسما حطها او باركو ليهوم مشاو كلسو حدا بعضياتهوم اووهيا كتشوف خاتمها فايديه اما هوا كان كيلعب بايديه حيهت خصرها بقا كيدويو تا جاها تصال عتادرات منو او جاوبات لكن سرعان ما تبدلو ملامحها منين سمعات لخيدبر لي كان عندها كيف صاعقة كتشوف فادام شوفات صدمة او عينيها مدمعين .....
هاهيا اتعيق سارة عليكوم يلاه هههه 💐💍💍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
