ســــقــــوط فــــي شـــبـــــكــــة الــــمـــهــــووس💎⛓️ مكتملة بالدارجة

بارت140

تفاعل يكون فهاد بارت نهاية اتحط غدا معا اعلان للجديد 🌺🌺 بانو اة ما تحشمونيش فهاد بارت كثرو تعاليق او ديرو نجيمات او لي ما مدايراش ابوني ديرها

.... صبح صباح .. مزاروش نعاااس عينيه حلفو لا شافو راحة كان متكي غير فصالون خرج بنفس لحوايج لي كان لابس .. وجهو باين عليه تعب و الهم ... خرج معا ادام لي كل واحد فيهوم خدا سيارة ... جامع بين حجبانو او صايݣ راسو محاملوش .. جاه اتصال للمرة ثانية من نفس شخص تاجه نيشان من بعد تفكير طويل... صحافة لي ولات حاضياه فطالعة او نازلة من بعد ما سرب ليهوم المختطف اخبار الاختطاف ... تصاور بنات عائلة لخطابي لي محتاجزاهوم عصابة .. جميع هاد تخربيق كيدور ليه فراسو .. وقف حدا لمكان لمعلوم او نزل بكل هيبة لبس نضارات شمس ...

امين : من بعد سهرة لي كانت طويلة فيقاتو جوديا او عينيها باكيين حل عينيه بخوف .. مالك علاش كتبكي اشنو طاري واش ضراك شي حاجة اا...

جوديا : ي ياقوت او سارة راه مخطوفين شوف لجريدة اش كاتبين فيها ... شوف

امين : لي زادو تحلو عينيه لمعمشين بصدمة كيشوف بعينيه موسعين اشنو مكتوب حيد لغطا عليه او ناض واقف كيحقق فلي كيشوف ... ك كيفاش ... كيفاش مخطوفة و واش هادشي بصح .. هز تيلي ديالو او دور لسيف لقا خطو مشغول او دور لأدام نفس شي تا واحد فيهوم مكيجاوب ...

جوديا : كتشهق او تبكي ... واش بصح هادشي .واش بصح لبنات تخطفو

امين : حبيبة ديالي غير سكتي من لبكا .. مسح ليها دموع من عينيها ... انمشي نشوف شنو كاين

جوديا : انلبس او نمشي معااك ...

امين : لا بقاي هنا تا نجي معارفش اشنو كاين تماا .... ممنوع اجوديا تخرجي ..

من بعد ما قنعها مسح على شعرها باسها او خرج من بعد ما لبس حوايجو ... تاجه لڨيلا دسيف كيلاحظ رجال كثار فلباب .. مسح على وجهو او خرج من لوطو متاجه لدار ... حبسو حارس فلباب علمو بعدم وجود سيف فدار ...

امين : مني يرجع كوليه يدور ليا .. كول ليه غير امين جا او صافي .. طلع معصب او كسيرا لشركة يشوف واش كاين ...

عند احمد لي ولا كيدوز اغلب اوقاتو معها ... كالسين فدار من بعد ما عرضات عليه يفطر عندها .. كانت وجدات لخادمة لفطور لي كان مشكل او على نوااع ... كلس مقابل معها او عينيه غير فيها كيشوف فيها .. مكيسخاش بيها بقا ساهي فيها تا فيقاتو حركة يدها ...

سناء : ايهو فين سرحتي ... فين ساهي ..

احمد : فيك ساهي ... واش مزال ما بغيتي تديري معايا حل .. شد على يدها برفق ... واش مزال مكتيقيش فياا