نسل القبائل "تتمة"

الفصص 88

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 179:

قطعات عليها  وبزربة  طفات تليفون باش ما يعيطش عليها ريان وهي فدارهم ومشات بدلات حوايجها و ودارت زيف لشعرها وهبطات لتحت جلسات حدا جداتها  وبقات كتعض فشفايفها وكتحسب دقايق كتسنى غير وقتاش توصل نرجس...

لفوق بقاو عفراء هي وقمر كيهضرو بهدوء ..

عفراء : شفت وجهك مبدل واش لباس ..

قمر زيرات على فمها وبقات كتلعب فيديها وقالت بتلعتم ..

-جاني ضياء فشي شكل ماسي  نفس داك شخص لي كنت راسمة فبالي ..

عفراء كتحاول تفهم : بحالاش شنو لي جاك مبدل ..

قمر سكتات ما بغات تقول والو وبقات ساكتة وعفراء قالت بعد ما شافت سكوت بنتها ..

عفراء: خدمي عقلك  وعرفي كيفاش كتصرفي وخا تشوفي لحاجة بعنيك ديري راسك ما شفتذهاش وحاولي تغيريها بشوي وغير بالمهل راه هكدا دار معايا باباك كنت باغية نطير وهو بقا معايا غير بالمهل وخا كيشوف لحاجة ومكتعجبوش كيغمض عينو ويبدا يغيرهم فيا بشوي تا كيحيدها مني راه تا حاجة ما كتجي ابنتي بالعنف والمواجهة خاصك تكوني دكية لو بغيتي تغيريه وزيد راك عاد اتعرفي عليه وضروري تشوفي حوايج مغاديش يعجبوك وحوايج غادي يعجبوك هادي هي لحياة  وانا كيبان لي ضريف ومن نضراتو كيبغيك عطيه فرصة تعرفي عليه...

قمر تنهدات بجهد : هو راجل مزيان وكيدير كلشي بالخاطر وكيتعامل معايا زوين وداير خاطري هو لول غير انا كنت نحلم  بواحد بحال بابا ..

عفراء بدات كضحك : باباك راه كبر يتيم كان مدابز غير مع دنيا ومقاتل مع حاجة عند ناس كانت عادية وخا هكاك راه كان بخبيزتو كيدير شي حوايج كيصدموني ولكن بنادم كيتعلم من الأخطاء وكل ما كبر كيزيد يتبت  فمتبقايش تقارني باك بضياء كل واحد وشخصيتو وكل واحد وكيفاش كبر  ونتي مغاديش تعاملي مع ضياء كيف كتعاملي مع باك  متخلطيش الأمور ...

قمر  حركات راسها بفهم مبغاتش تقول لماماها على لوشم  خافت تكون غالطة وتخسر صورة ضياء عند والديها ..

جمعو لوقفة هبطو لتحت لقاو رجال مشاو لجامع يصليو لمغرب  ..طلبات عفراء من لخدم يوجدو لعشا ورجعات جلسات مع بناتها وامها غير هما لي بقاو اما العائلة فصباح كل واحد مشا لدارو بقات لفيلا خاوية ..

رجعو رجال جلسو  فصالون كيهضرو والعشا بدا كيتقدم والخدم كيتصخرو عليهم سمعو صوت طونوبيل داخلة ورجع شي كيشوف فشي ..

عبدالرحمن : خوالي واقلة هادو ..

ناض خرج يشوف شكون وهو يتلقى بنرجس تبسم من شافها ..