نسل القبائل "تتمة"

الفصل 107

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 211:

نرجس: ألوو ..

عبدالواحد : نرجس صافا ..

نرجس لحنات صوتها : صافا ونتا مزيان ..

عبدالواحد: حمدلله بخير .."سمع صوت صداع حداها"..شنو كديري ...

نرجس: والو غير طريق عامرة وأنا جالسة فطونوبيلتي كنتسنا نوبتي ..

عبدالواحد: عامرة بزاف ..

نرجس ساطت : اممم ربع ساعة وانا كنتسنى غير فبلاصتي ..

عبدالواحد : طلعي جاج ديال طونوبيل باش نسمعك مزيان ..

نرجس : اوكي.."طلعات جاج وخدمات لكليمة"...اوا اش كتعاود ...

تبسم من حس بيها كتهضر معاه مرتاحة وطبيعية ..

عبدالواحد: عاد ساليت تبوريدة  وجالس كنرتاح ..

نرجس :بوحدك ..

عبدالواحد: امممم..

نرجس عينها كيبريو  : صور ليا راسك بلبسة ديال تبوريدة ..

عبدالواحد ضحك: حيدت كلشي بقيت غير بجلابة ..

نرجس باغية تشوف غير وجهو : ماشي مشكل غير صور ..

عبدالواحد: واخا الالة ..

قطع عليها وقاد الكاميرة مع وجهو خدا سيلفي ورسلو ليها فوتساب  ،شافها شافتو وهو يكتب ليها ميساج ..

عبدالواحد: صوري ليا راسك..

بعد دقيقة وصلاتو  تصويرة باينة فيها يديها شادين عجلة ديال سيارة وقدامها طريق عامرة ..هز راسو كيضحك وعاود عيط عليها ..

عبدالواحد: ما معاناش الغش ..

نرجس كبتات الضحكة ديالها بزر : ماغشيت فوالو نتا قلتي ليا صوري وانا صورت نتا لي ما وضحتيش ليا شمن جزء بغيتيني نصور ..

عبدالواحد تبسم: ذكية مع راسك ..

نرجس مزيرة على ضحكة باش ما تخرجش : ما ذكية ما والو انا غير قلت شنو فهمت ..

عبدالواحد هز حجبانو : طلقيها ..

نرجس بدون فهم : شنو انطلق ..

عبدالواحد : ديك ضحكة لي من صباح ونتي شداها وكتعصري معاها  غير طلقيها ..

كيف قالها وهي تطلقها بجهد كضحك من نيتها خلاتو بزز منو  يضحك معاها ..

عبدالواحد: لي سمع هاد ضحك كامل يجيب ليه الله بحالي كنقول ليك النكت ..

نرجس شدات راسها بزز : اوا الله يخليني ديما ضاحكة ..