نسل القبائل "تتمة"

الفصل 90

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 183:

دخلات لبيت درسينغ تاخد حوايجها  وهو متكي على لباب كيطل عليها شاف حوايجها مزالين  ماحيداتهم من لفاليز ..

ضياء: نعاونك تعلقي حوايجك راني خليت لك بلاصة فهاد لقنت وخديت ليك  شي حوايج مزال ما وصلو ..

قمر برفض : غير خليهم تا نسالي ونعقلهم بلا ما نعدبك ..

ضياء : مكاين تا عداب اصلا ما عندي ما ندير سيري نتي دوشي وخليني نعلقهم ..

قمر عضات فمها : لا بلاش والله حشومة ..

ضياء تبسم وحل فاليز ديالها : مكاين تا حشومة انا غير كنعاونك كيف كتعاونيني ..

هز ليها لكسوات كيديرهم فالعلاقة وشاد معاهم لخاطر وكيخدم من نيتو وكل كسوة كيهزها ويبقى يشوف فيها ويعلقها  وهي حشمات  ، مشات لدوش غسلات لحمها ودهنات لحمها بكريم رطب فيه ريحة ديال فخوي خفيفة وكتشهي  ولبسات بيجامة  دايرة بحال كسوة خفيفة حد فخاضها بالبينوار ديالهم بلون صفر  وجمعات شعرها بقراصة خلات عنقها باين وطلقات لقصيصة على وجها وكتفات غير بقلم كحل  وڭلوز كيخلي فمها يبري بريحة لفريز وخرجات كتمشى على اطراف اصابعها ..

كان ضياء كمل لحوايج وكل حاجة حطها فبلاصتها  وحيد حوايجو  بقا غير بالبوكسر كيدور فبيتو حس بيها خرجات وهو يدور عندها وبقا واقف جامد فمكانو كيشوف فيها وهي كتمشى بكل انوثة قدامو وسيقانها عريانين وبيضين وهي كتمشى على صباع رجليها كيشوف گدامها حمرين ونقيين كيشعلو ..

تقدم عندها فرحان وباين الإفتنان فعينو  وقف وراها وكيشوفو فيها فإنعكاس المرأة وهي حادرة عنيها وهو حط يدو على دراعها كيلمسهم بضهر يديه..

ضياء: شهاد زين القمرة ..

رجفات بلمساتو وهزات عنيها ببطئ كتشوف فيه ما قدرش يقاومها وهو ينزل عليها بقبلة فعقنها مصو ليها تا ترعدات  بين يدو وهمس حدا ودنها..

ضياء: غيبتي لعقل القمرة وهيجتي المهجوج ..

بغا يبوسها في فمها وهي تهرب فمها مبتاسمة وهو غايب فيها وعينو تقال ..

ضياء: اححح وتعرفي اش كديري فيا حمقتيني..

حدرات عنيها لدراعو :واشم ؟؟

هز يدو بين ليها الوشم تحت دراعو : عجبك..

عضات فمها عضات خفاف : كيبان زوين ..

ضياء ضحك: غير قولي صراحة لمكانش عاجبك نحيدو عادي ..

#تتبع

لبنات تفاعل ديالكم فالقصة مكبعجبش وانا ما مقصراش فالأجزاء خليني نشوف تعاليقكم

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 184:

قمر : علاش درتيه...

ضياء : والو غير  لعقل ديال صغر  كنت كنطير مع طيور والواليد تا هو كان مزوج بجوج عيالات ولواليدة دايرة لحرب مع الحاجة تا حد ما مصوق ليا وانا نديرو  ودرت تا واحد فضهري كبر من هدا حيدتو شي خمس سنين دابا والواليد غير شافو كان ايسخف عيا فيا نحيدو ومابغيتش ومن تم وهما حاضييني ولاو مخلوعين ندير شي مصيبة خرا  وانا المصيبات هما علاش كنقلب ..

قمر بدات كضحك : كنتي باسل ..

ضياء قرص ليها خدها وكيضحك معاها ..

- ماشي باسل  ولكن كان راسي قاصح كندير لي بغيت عيا لواليد ما يحكم ولكن خرجت ليه من جنب غير درت ديك تمنطاش وقالك بغا يزوجني باش نتجمع ونتحكم كيسحابني بحال ولادو لولين ساهل يتحكم فيا ..

شافت فيه مصدومة : وزوجك ..

ضياء: اش ايزوجني الله يهديك هربت ليهم من دار وبقيت عايش فزنقة خليتهم ايحماقو باش يلقاوني خليتهم تا دازت شهربن عاد رجعت  خليتهم يحيدو فكرة زواج من دماغهم..

قمر بقات غير كتشوف وهو كيضحك ..

- راني مدوز غير زبايل لو بقيت كنعاود ليك غادي نصدمك ..

قمر :صراحة باين بعقلك ومافيكش هاد لفعايل ..

باسها فخدها كيضحك فرحان ...

ضياء:  لعقل راه كاين ولكن مكانش معامن نديرو  غير تريكتي عقداتني فزواج بكثرة ما كانو المشاكل بين لعيالات ها جدي داير تعدد ها لواليد وتا خويا تامي تزوج صغير جاب لمرا لولة وموراها بشهرين جاب لمرا تانية كانت روينة نايضة تا وليت نكره زواج ولي يجي منو ونهار بانت لي فلبلان خويت لبلاد وعطيتهم تيقار وتا من كنت كنجي كنت كنمشي لإفران قليل فين كنتجامع معاهم ..

قمر تبسمات : عندك سخصية فشي شكل داكشي لي كيبغيوه رجال نتا كتهرب منو ..

تكا على طبلة  وجرها عندو لصقها معها ودور يدو على خسرها مقابلة معاه كتشوف فيه وعنيها كيبريو وهو سرحان فيها بحب..

ضياء: بالعكس انا عادي بحال ايها الناس غير شي حوايج معندك علاش ديرهم حيت كيجيبو ليك غير  المشاكل وكيوصلو  لمشاكل تا بين لولاد علاش كتشوفيني قريب لتامي خويا وما قريبش لخوتي لخرين  حيت تامي راه كبر مني بعشرين سنة وهو لي كان كيرد ليا لبال كثر من لواليد ولواليدة اما خوتي لخرين وقت ما تلاقينا كندابزو وبقات العلاقة بحال هكذاك تا دابا بيناتنا غير سلام مكنشركو لا هضرة ولا فرحة ..

#تتبع

ضياء راه عادي يفرش راسو لقمر صافي حطها فدماغو وطبعها مزيان بأنها ديالو مكاين فراق