نسل القبائل "تتمة"

الفصل 96

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 195:

عينو رجعو كيبريو والضحكة ترسمات على ملامحو وبانت فيه الفرحة ،بدا كيضحك كيف شي طفل صغير  وقرب عندها باغي يعنقها وشد راسو بزز وبقا غير كيشوف فيها ويضحك مساخيش..

شمس : ماقلتي والو واش اتهضر مع بابا أو لا ..

مبارك صوتو خرج هايج ومبحوح دليل لفرحة لي وصل ليها ..

- عرفتي شحال ديال سنين وانا كنتمنى هاد نهار ونتي كتسوليني واش نجي أو لا من نيتك كتهضري ..

شمس هزات كتافها : شفتك ساكت وكضحك غير وحدك ..

مبارك كيضحك : وراكي صدمتيني متوقعتهاش..

شمس : ودابا شنو ادير ..

مبارك مبتاسم : انمشي ندوي مع باك هو لول عاد نمشي نعلم الواليدة ..

شمس عضات شفايفها : متقولش لبابا انا لي راسلاك قوليه غير عاود سولها وانا انتكلف بالموضوع ..

مبارك بقى غير كيضحك : كيف دار قلبك تا رطاب جيهتي ..

شمس خنزرات : كيف درت معاك حرت صافي اخويا ما تخطبني ما نخطبك ..

شدها من يدها كيضحك : وراه غير كنضحك معاك مالكي دغيا كطلع ليك لقردة ...

-بعنين حاملين شوق وفرحة كيشوف فيها ..

مبارك : والله ما كرهت نعنقك ..

شمس حمرات فيه عنيها وهو بقا غير كيضحك

شمس: اتبقى غير تشوف فيا وضحك ...

مبارك لمس يديها بحنان : لعقل لي يدير حاجة خرا غيبتيه بهاد لخبار ..

شمس بعدات يديها من يدو : خاصني نمشي نتا تكلف وعنداك تنسى ما تمشيش عند بابا..

مبارك فرحان  : حياتي كاملة وانا كنتسنى هاد نهار وبغيتني نسا كي درتي ليها ..

شمس : صافي هاني مشيت ..

مبارك : بلاتي نوصلك ..

شمس برفض : لا ما بغيتهمش يشوفوني معاك ويقولو هي لي جابتو يخطب ..

مبار رفع راسو كيضحك : انا لي طلبتيها مني ومزال ما متيق وبغيتيهم هما لي محضروش يتيقو  ..

#تتبع

وخا ما شفت تفاعل حشمت وحطيت نبغي تعاليق البنات وارائكم 😘

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 196:

خلاتو واقف فبلاصتو ومشات ركبات فطاكسي ومبارك ركب فسيارتو شد طريق نيشن للفيلا عند جعفر ..