نسل القبائل "تتمة"

الفصل 89

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 181:

حسات بالهوا وقف ليها فحلقها ورجع وجها حمر ركبات فبلاصتها وقلبها ايسكت بالخلعة عرفاتو عايق بشي حاجة ولكن ما فهماتش قصد كلامو وعلى شنو كيهضر وهو مشرحش ليها كثر  ودور راسو لعند نرجس لي بقات واقفة فمكانها ..قرب عندها وقال ..

عبدالواحد: غادي نبقا نعيط عليك فتليفون اوكي..

نرجس : اتمشي غدا ..

عبدالواحد : اه ..

نرجس ضارت ليه باي باي بيديها : طريق سلامة ..

بغات تدخل وهو يقول ..

عبدالواحد: اجي لهنا بعدا قبل ما تمشي ..

شافت فيه بدون فهم وهو حاوطها بيديها وعنقها بلطف وقبلها فجبهتها وقال ..

- انتوحشك بزااف ..

رجع وجها حمر مقدراتش تجاوبو بالحشمة لي شداتها  بعد منها وضربها بشوي فنيفها ودار ليها بعنيه تطلع لسيارة ..

بقا واقف حداهم تا ديمارات وخرجات وبقات كتشوفو من المرأة ديال سيارة و قلبها كيضرب والبسمة مرسومة على ملامحها وهو واقف فمكانو كيشوف سيارة كتبعد ورجع دخل للفيلا ..

عبدالواحد هو واحد شخص  من نوع لي كيعطي كل لي عندو فشي حاجة تكون ديالو وتعاملو مع نرجس كتعامل زوج لزوجته وكيدير خطوات باش يتقرب منها  وفاتح قلبو كامل ليها وباغي يبغيها من كل قلبو  وخا دابا مقادر يحس بوالو جيهتاها من غير انها عجباتو فالحشمة وسترة لي ساترة راسها ولكن داك الحب لي كيكون معلق فالقلب مزال ما قدر يحس بيه وتا الإنجداب للجمال او الجسد مكيحسش بيه حيت ديما كيشوفها مستورة ومغطية معارفها كيف دايرة ومحتارم  قرارات ديالها ومخليها على خاطرها...

ناض ضياء توادع معاهم وشد فيدين قمر وخرج هو وياها فتح ليها لباب دخلات ومشا هو يسوق ورجع شد ليها فيديها وكل مرة يقبلها وغادي كيدندن فرحان وكيلمس ليها فيديها وكل مرة يدور عندها يشوف فيها كيضحك ويرجع يكمل طريق باين افتنانو شديد بيها ..

وصلو لفيلة سباعي وهما يخرجو ودور يدو على خسرها بمعزة كبيرة داخلين مع لباب وكيهضر ..

ضياء: فراسك شعرك كيجي حسن من زيف..

قمر : واش  مكيعجبكش  لحجاب..

ضياء : انا ماقلتش مكيعجبنيش الحجاب انا قلت كيعجبني شعرك كثر ..

قمر : راه عادي حيت شعر زينة المرأة وهادشي علاش امرنا الله نديرو لحجاب اما نسا كاملين زوينات بشعرهم ..

ضياء : لا بالعكس شفت تا عيت ولكن نتي بوحدك ماشي بحالهم ..

قمر هزات حجبانها  : مولف تشوف نسا ..

ضياء ضحك : ماشي غير شفت ، غير خليها على الله وصافي ولكن كيف قلت نتي بوحدك لقيت راسي طايح فيك من شوفة لولة ..

#تتبع

تعليقاتكم يا جميلاات

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 182:

تبسمات وبقات ساكتة بانت ليهم العائلة جالسة وهما يمشيو جلسو حداهم   ، جلس حداه قمر وبقا شاد فيديها وحاطها على فخضو وكيشوف فسعيدة ..

ضياء: لواليدة ما قلتيش ليا كيف جاتك لمدام ..

سعيدة تبسمات: تبارك الله غزالة  ...

كانت خالتو جالسة حدا مو وكتهز وتحط فقمر وقالت بإبتسامة ..

- اوا زين كاين تبارك الله خاصك غير تشوف لعقل ..

ضياء دار عند قمر قرصها فنيفها بمداعبة ..

- اودي  اش بغات بشي عقل انا باغيها كيف ما كانت ...

قمر بقات ساكتة وراسمة ابتسامة وضياء مد ليها كاس اتاي وهز طبسيل ديال لحلوة حطو قدامها ورجع يدو ورا كتفها دخلها تحت زيف وبقا كيلمس لحم عنقها وهي ميلات راسها حسات بتبوريشة وهو بقا مبتاسم ورجع خدا يديها كيلعب فصباعها وكل مرة يهزها يقبلها مقنعانش منها  وماحشم من تا واحد واخد راحتو وقمر رجع وجها حمر بغات تجر يديها منو وهو يزير عليها وجمع لوقفة ونوضها معاه ..

ضياء: سيادنا تصبحو على خير...

بقاو كيشوفو فيهم وسعيدة كضحك فرحانة وختها نغزاتها بجهد..

- شفتي كيف كيدير ليها وهي جالسة كتفشش حداه..

سعيدة ساطت : راه عادي اختي وهي ماشي كتفشش راه طبايعها هكذاك ازهرة..

زهرة: طبايع زينين هادو هو جالس يتلمس فيها وهي مخلياه مكيحشم لا هو ولا هي ..

سعيدة: وخلاص تا نتي خليهم فراحتهم راه عاد تزوجو ..

زهرة : اوا سبعيام ديال لباكور دغيا كدوز دابا تشوف لوعارية ديال ضياء كيف دايرة وهاد لفشوش كامل مغاديش يبقى..

سعيدة : الله ينجيهم اختي خليهم عليك فتيقار مالكي قلبك كحل..

زهرة ساطت : اوا هاني ساكتة وخا ضريتيني ولكن نسكت ما عندي ما نقول ..

سعيدة : يا زهرة راه ماشي ما بغيتش نزوجو لبنتك ولكن راني شرحت ليك ضياء مكانش باغي زواج گاع راه سنين وحنا كندابزو معاه يتزوج وهو مباغيش تا جات هاد بنت ناس كيف رحمة ربي غير شافها قالك منها نخلاق..

زهرة كتقاد فزيفها : اوا لي يشوفو ما يقولش كان هارب من زواج وهو من جلس وهو يفلي فديك لبنت باغي ياكلها بعنيه ..

سعيدة : اوا هانتي فهمتي عاجباه ومعمرة ليه عنيه وباغيها وكيحماق عليها ..

زهرة ضحكات : احياني على كيبغيها تا مانكونش عارفة تريكة سباعي وعينيهم لي زايغة فين ما تبان ليهم لمرا يخرجو عنيهم  ، دابا دوز لمحبة وديك ساعة تشوف لوجه لحقيقي ديال ضياء مدخل عليها ضرة تانية ..

سعيدة وقفات كتسوط : اوعودو بالله منك اختي  واصلا فالعقد مكتوب شرط تعدد ممنوع ولا بغا يديرها خاصو يرجعها لدار باها فبلا ما تجبدي الموضوع حيت ضياء قالها كثر من مرة ديك لبنت هي لي باغي ..

#تتبع

اجزاء كثيرة كنحط يومياً نبغي تفاعل مطرطق