نسل القبائل "تتمة"

الفص 99

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 201:

مونية:  الله يسهل عليك اولدي  وانشاء الله ربي يطول لعمر  تا نجيب هاد بنت ناس عروسة ليك انشاءلله ..

مبارك ناض باسها فراسها : الله يطول ليك فالعمر اميمتي ..

مونية كمشات حجبانها: گاع ما شرحتي ليا هاد لمشروع لي خدام فيه لياش كيصلح ..

مبارك  مسح يدو : هاد لمشروع جابو ليا عبدالواحد ونيت ماشي مكلف على قد جهدي غير هو تصدمت ماكنتش عارف عليه طلب بحال هكدا ..

مونية  تبسمات : اي حاجة فيها عبدالواحد ربي كيسر الأمور فيها ..

مبارك تبسم : تا هو مسكين هاز ليا الهم فوق همو وخا كيبغي يعاوني لكن عارفني مزيان كيف داير  هادشي علاش مرة مرة كيرمي ليا شي فكرة وسط الهضرة لي كتكون بيناتنا  كيخليني نفكر فيها  ونمشي نخدم عليها ..

مونية مسحات دموعها من طرف عينها  : الحمدلله لقاك ربي بهاد ولد ناس  وخا عرفك كتبغي ختو بقا شاد فيك ما خانك ما ضرك الله يكثر مثالو ..

مبارك: اميمتي كون كان شي واحد اخر ما عمري كنت نقدر نقول ليه انا كنبغي ختك ولكن كيف قلتي لقاني ربي مع ولد ناس كيتعامل معاك زوين وانا وهو صحاب كثر من لخوت ومندروش وما يدرنيش وهو عارف الحب اش كيدير فبنادم راه قاري وفاهم وعارف داكشي ما عندي حكام عليه كون كنت قادر نتحكم فقلبي كون بغيت شي بنت قدي وقد لباسي ما نرميش راسي لتهلكة ونلبس كبر من جهدي ولكن لقلب ما عليا عليه حكام وكيف بغيت مشيت دقيت لباب .."هز راسو كيضحك"..وخا كنت صغير جيتهم فاص قلت ليهم بغيت بنتكم وتا هما صدقو ولاد ناس  رحبو بيا وعطاوني وقتي هادشي علاش بقيت شاد فديك بنت ناس لا هي كتعوض ولا والديها كيتعوضو  ..

بقا هو ومو كيهضرو ويخططو شنو يديو غدا ومبارك مقداه فرحة وغير لي قالتها ليه مو يقول واخا ..

"الـربــاط"

خرجات من دوش لابسة غير صوفيطمة مزيرة مع شورط قصير   توجهات للمرأة كتشوف تقطيعة جديدة لي دارت لشعرها  ، خلاتو من لقدام طويل ومن لور حسناتو بحال دري ولو جمعات شعرها على شكل ديل حصان او رجعاتو كامل لور مكتبانش لحسانة ولكن لو دارت شفنجة وجمعاتو لفوق كتبان تحسينة   وخا ما عجباتهاش لكن درقات ليها عيبها  وخلاتها تنفس شعرها شوي حيت قتلاتو بزيف لي كانت ديرو نهار وليل ..

جمعاتو بقراص وخلات بعض الشعيرات محررين على وجها خلاو شكل وجها يبان صغير  ولون لحمر ديال شعر كيزيد فجمالها وكتبان مثيرة لدرجة ما كتصورش..

بدا تليفون ديالها كيصوني  وهي مشغولة بصباغة كتصبغ دفارها كيف عادتها من كتجيها لغيگل  ، ضنات ان شمس لي تصلات بيها و قبلات لخط بدون ما تشوف الإسم وطلقات صوت وقالت..

نرجس: اهلا حبي دغيا توحشتيني ..

تقطع صوت لثواني وتطلق صوت رجولي كيضحك وقال..

عبدالواحد : وي توحشتك ...

تجمدات فمكانها مصدومة وعنيها خارجين كتشوف فالإسم ونطقات مصدومة ما متيقاش ..

نرجس: عبدالواحد هدا نتا ..

عبدالواحد علا حجبانو  : من كلامك نفهم ديك حبي وتوحشتيني ماشي ليا ..

رجع وجها حمر ودنيا دارت بيها ولات غير كتدخل وتخرج فاللهضرة ..

- لا ماشي هكداك كنت كنصحابك شمس هي لي كتصدعني فليل ..

بقا محافظ على الإبتسامة وهدوء صوته ..

- صدعتك ؟؟

نرجس تلفات : نووو ماشي نتا انا كندوي على شمس ماشي عليك ..

عبدالواحد  تبسم: نتي فداركم دابا ..

نرجس: اه ..

عبدالواحد : انقطع ونعيط عليك ابيل فيديو اوكي ..

قطع ورجع تليفونها كيصوني  فوتساب ابيل فيديو بالدوخة لي فيها جرات غير زيف صغير دارتو على وجها بحال  لخمار وخلات شعرها باين مرداتش ليه لبال ، قبلات الخط وضهر عبدالواحد فشاشة متكي على ضهرو وداير يدو تحت راسو ويد شاد بيها تليفون وشعرو فازگ ونازل على جبهتو والقامجة مفتوحة من لفوق وكيبانو عضلات صدرو قويين وكيسحرو   ..ضهرات كاملة فشاشة وهو يتصدم فشعرها لي معري ولونو لي بهرو وجر ليه عنيه وجدبو بقوة   ، نطق بصوت ثقيل غالب عليه البحة ..

عبدالواحد : شعرك ..

نرجس رمشات عينوها بدون فهم: مالو ...

عبدالواحد : طلقيه على طولتو بغيت نشوفو ..

بونوي

50 اشهار
700 تعليق
10 اجزاء غدا
لو ما وصلتوش لشرط ما شفتوني ما شفتكم