نسل القبائل "تتمة"

الفصل 87

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 177:

جمد ليه دم فعروقو وهو يغرس يدو فدراعها وبعدها منو بجهد مخنزر ..

مبارك : يا عافية جهنم واش بغيتي لعصا ..

رجع وحها حمر ولات غير كترعد ..

- ماقصدتش نتا لي ما ليا وجهك ..

مبارك خنزر:  غير لي ماد ليك وجهو تبوسيه وليتي شنيولة غير ليبان  ليك تمصيه ...

رجع وجها حمر : دابا مالك معايا ونتا غير داك نهار عنقتيني ،  علاش حلال عليك وحرام عليا ..

ضربها فراسها بشوي مقصحهاش وبقا مخنرر..

مبارك: يا عافية جهنم ديك لمرة كون معنقتكش كنت غادي نهرسك من شي قنت جالسة بلا حشمة كتعراي ليا قدام رجال ودابا مادا هاد لفم ما بقا حكام..

شمس: يخخخخ تفو كيف درت معاك حرت..

مبارك حط يدو ورا عنقها ما مخليها فين تحرك وهو كيهضر بعصبية..

- ما ديري معايا ما ندير معاك خلينا نقيين اشمس بلا لعب لبراهش..

شمس حشمات كثر وخا هكاك دافعة جبهة ..

- نتا لي برهوش فين ما درت نلقاك  بحال خيالي ..

مبارك : حيت ربي عارف مصلاحتي وكيجيبني غير فالكوارث ديالك .. "ساط بجهد" .. الله يرضي عليك اشمس ديري عقلك  

شمس حمرات عنيها فيه : واش كنبان ليك هبيلة ..

مبارك : ما هبيلة والو ولكن خدمي عقلك ...

طلقات لهوا من نيفها كتنفخ غير وحدها مرضاتش.

- دابا حيد يديك خليني نمشي بحالي ..

مبارك  قرن حجبانو : مزال مسالينا  شكون هداك لي كان واقف معاك وغير شافني هرب ..

شمس هزات كتفاها :  وشكون عرف ديك ساعة تبعو ..

مبارك ضحك بجنب : عندك زوينة هادي طلع مول لكرموس هبط شكون قالها ليك ..

"هز يدو كيحركها فوجها يتحدير"..

- اقسم بالله العظيم اشمس ونشوف عليك شي حاجة مرة تانية غادي نضربك ..

تصدمات وبقات كتشوف فيه وهو طلق يدو من عنقها وبقا كيشوف فيها كيدوز لسانو على فمو ومراقب ملامحها وعينو لي كيضورو فبلاصتهم ولعضات لخفاف لي كتعض بيه فمها خلاتو يتنهد بلا خاطرو ..

مبارك: سيري لداركم قبل ما ندير فيك شي كارثة ..

شافت فيه بنص عينيها : طاكسيات بعاد من هاد لبلاصة ..

مبارك : وشكون حابك لهاد لقنت ..

بقات ساكتة كترمش وهو يخنزر ..