نسل القبائل "تتمة"

الفصل 100

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 202:

شافت فيه شوفة طويلة ورمشات ببطئ وميلات راسها وهو صغر عينو فالحركات ديالها ..

عبدالواحد: مابغيتيش  ؟؟..

ضحكات ضحكة خافتة :  ههههه لا ..

ضحك تا هو معاها : واخا لي بغيتي ..

بعدات تليفون وحطاتو قدامها وبان نصفها الفوقاني وفرقة صدرها باينة وعندها خالة كحلة جات فوسط صدرها كتبان واضحة ،سمعات تنهيدتو ولهفة انفاسو واضحين فتليفون ونطق بصوت ثقيل ...

عبدالواحد : لي بغا يشوفك شنو خاصو يدير ..

نرجس بنعومة واضحة فصوتها : خاصو يصبر ..

عبدالواحد تنهد وعينو مركزين فيها : واخا الالة هاني صابر تا يحن مولانا ..

نرجس شداتها ضحكة وحبساتها بزز مابغاتش تبين لهفة ديالها اتجاهو   ، كتبعد عينها منو كتحاول تخبي نظرات الإعجاب لي مفضوحين فعنيها وقالت بصوت رقيق هامس وفيه نوع من الدلع و الأنوثة..

- فينك نتا دابا ..

دور ليها الكاميرة على لبيت وقال فنفس الوقت ..

عبدالواحد: فلوطيل ..

نرجس : كاين غير وحدك ..

عبدالواحد تبسم : هاد ساعة غير وحدي ..

هبطات رموشها ورجعات هزاتهم ببطئ كتغريه غير بعنيها ولحنات صوتها ..

نرجس: وساعة خرا ؟؟؟..

عبدالواحد غمزها كيضحك :ساعة خرا اتكون معايا مولات شعر لحمر ..

هزات يديها حطاتها على عنقها وكتلعب بصبعانها رقيقين فشحمة الأدن ديالها وكتشوف فيه بنضرات ناعسين كيبان نص ديال موموت عنيها وردات عليه بنغة ضعيفة..

- ولا مبغاتش  تمشي معاك ..

سحراتو بحركاتها وطريقة هضرتها خلاتو غير يتنهد بلا خاطرو..

عبدالواحد: هادشي  علاش صابر ..

ضحكات ضحكة رنانة وصدرها كيتحرك مع ضحكة خلاتو غير ساهي فيها وقال بصوت منخفط فيه نوع من المدابعة اتجاها  عكس صوت لي كيهضر بيه مع الناس..

- فراسك صوتك زوين بزااف ..

نرجس : اممم ..كيقولوها ليا ..

بقا محافظ على ابتسامتو : مولفة تهضري مع ناس بهاد شكل ..

نرجس  : على حساب معزة كل واحد ..

هز راسو كيضحك وهو كيشوف الشقاوة فعنيها ..