نسل القبائل "تتمة"

الفصل 93

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 189:

قطع الإتصال وهي بقات مصدومة كترمش وبدا قلبها كيضرب والفرحة ترسمات على ملامحها  ، بسرعة جمعات لوقفة  توجهات لدوش دوشات  ودهنات لحمها بكريم لي دايرة فيه  مسك لغزال خلات ريحتها جدابة وزوينة ..خرجات كتقلب فحوايجها وهي تختار كسوة بيضة بزيف ديالها  لبسات ملابس داخلية دارت سوتيان ديال بونج خلا صدرها منفوخ كثر وعندها الكرش صغيرة وخسرها رقيق ولوسط ديالها واسع  ومؤخرتها مرفوعة ومشدودة بحال لمشماشة وسيقانها طوال  وفورمتها جدابة  طاغية فالأنوثة كل حاجة عندها فبلاصتها   ، لبسات لكسوة وشافت راسها فالمرأة عجبها راسها ودارت زيف طويل من ضهر وقصير من لقدام  وغطات نصف وجها بحال الخمار  خلات  غير عنيها بلون الأزرق  باينين  ولبسات صندالة سامبل بسميطات    ، لبسة بيناتها بحال شي عروسة  غزالة وزوينة والحجاب كيعطي الهبة  وكيبينها مرزنة وبعقلها وكيزيدها فالجمال سبحان الله   ..

سمعات تليفون كيصوني وهي تقبل الخط سمعات عبدالواحد كيقول ..

عبدالواحد: سلام ، هبطي عندي انا لتحت ..

نرجس بفرحة : اوكي ..

سدات باب بيتها خلات شمس ناعسة وهبطات بشوي خرجات من لفيلا  ودنيا مزال مضلة  حلات لباب ديال زنقة وهي تلقى عبدالواحد واقف حداه تبسم من شافها وقرب عندها باسها فخدها  ..

عبدالواحد: صباح لخير ..

تتبسمات ونطقات بحرج : دخل ..

عبدالواحد : مرة خرا انشاء الله .."مد يدو "..اجي معايا ..

شدات ليه فيديه وتوجه بيها لسيارة ديالو دخلها وسد لباب عاد توجه لمكان ديالو جلس و دار  عندها ومحافظ على ابتسامتو ..

عبدالواحد : منعساش ..

نرجس كدبات عليه : لا نعست ..

عبدالواحد متكي على بابا سيارة كيشوف فيها وهي كتشوف قدامها وجامعة يديها قدامها وباين عليها الحشمة  ، مد يدو قرص خدها كيضحك ..

عبدالواحد : شهاد الحشمة كاملة ...

نرجس حطات يديها على لمكان لي قرصها والفرحة باينة فعنيها وقالت ..

- كنت كنصحابك مشيتي فليل  ..

عبدالواحد : كنت غادي نمشي فليل  ولكن  مساليتش ..

حركات راسها بفهم وحسات بقلبها مزير وقالت بتردد..

نرجس : اتعطل بزاف ...

عبدالواحد: ما عرفتش على حساب الخيالة شنو ايديرو ...

بقات ساكتة ودموع تشكلو فعنيها وهو حس بيها ومد يدو حطها ورا ضهرها لمسها بشوي وقال ..