نسل القبائل "تتمة"

الفصل 102

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 206:

شافت لبنات جايبين لعشا وهي تبعد منو وهو بقا جالس عادي واخد راحتو حطو ليهم لعشا وهما حادرين راسهم ورجعو منين جاو معاودوش خرجو قدامهم  وهي مدات يديها كتاكل بالمهل كيف عادتها ومولفة مكتهضرش وسط لماكلة ..مسحات يديها من شبعات وهو كيشوف فيها ما كلات والو ..

ضياء: عندك لماكلة بحال ديال لحمامة غير كتنقبي وترجعي لور ..

هز لخضرة بفورشيط بغا يوكلها وهي تهز يديها وقفاتو..

قمر: هذا هو جهدي ما نقدرش نزيد كثر ...

خلاها على خاطرها وبقا كياكل  تا شبع ورجع لور كيشرب فكاس لعاصير ..

ضياء: غدا نوجدو لوراق ونمشيو نتكاتبو ..

قمر تبسمات: ضياء شكرا بزاف ما حدك قلتيها بحالي درتيها غير خليه عندك حشمت ناخد هاد لخير كامل  ..

ضياء بجدية : هضرتي لو خرجات اقمر مكنعاودش نبدلها وانا لي بغيت نعطيه ليك ..

قمر تنهدات: ولكن هدا راه لورث لي خلاه ليك باك وخاصك تشاور مع خوتك على الأقل  حيت هاد رياض فعمرو  500 سنة أو اكثر مغاديش يسمحو ليك خوتك لو كتبتيه لمراتك ..

ضياء بقا كيشوف فيها  وجاها نيشن ..

- سمعي اقمر خاصك تعرفي واحد لحاجة انا وخوتي علاقتنا ماشي هي هاديك وانا وياهم ما كنهضرو ما كنشركو هضرة  وهاد لورث لي كتهضري عليه راه مكانش هكدا انا لي خسرت عليه فلوسي باش نرجعو كيف كتشوفي دابا فما عند تا واحد لحق يهضر ولا يتدخل فقرارتي من غيرك نتي ..

قمر  : واش مدابز معاهم ؟؟؟..

ساط بجهد : كثر من لمدابزة ونتي عاد عروسة جديدة ما بغيتكش تعرفي المشاكل لي عندي معاهم لمهم لي خاصك تعرفي انا وياهم مكنتحاملوش وبيناتنا ثأر قديم ما كيدوروش بساحتي ...

قمر بانت فيها صدمة وكتشوف فيه مفاهمة والو وهو مكانش باغي اصلا يعاود ليها مشاكلو فالعائلة لكن من جات لفرصة حط ليها لكتاب من لبداية لنهاية باش ما يجيش واحد اخر يعمر ليها راسها ويبينو خايب  ، من لول يسد لباب لي يقدر يجي منو صهد فعلاقتو مع قمر ..

مد يدو جرها لعندو قابلها معاه كيلعب ليها فشعرها  و لمحة من لحزن دازت فعينو ودغيا تبخرات ورجعو نضراتو عاديين..

ضياء: لمشكل وقع قبل ما يموت لواليد وانا وياه مكناش قراب فين ما تجمعنا كندابزو  ،لا هو راضي عليا اني ولدو ولا انا راضي عليه انه هو با ما كان كيحملني ولا كنت كنحملو ...

"هو كيهضر وقمر كتصدم من كلامو وهو كيهضر عادي محامل تا مشاعر فملامحو بحالي كيهضر على شي ماضي غريب ماشي ديالو"..