نسل القبائل "تتمة"

الفصل 105

[ #رواية_نَـسْـلُ_الـقَـبَـائِـل ]

الكاتبة : FATIMA Z-F

الجزء التاني: خطايا شمس نرجس.

الفصل 212:

قربات لباباها وبقات شادة فطرف القامجة ديال مبارك وكتجرو معاها كأنه حبل منقد ليها وهو بكره جر القامجة من بين يديها ودور راسو لجهة اخرا وساط بجهد  وقال للأم ديالو ..

مبارك: نوضي الواليدة نمشيو ..

جعفر هز عينو فيه : الهضرة مزال مكملات امبارك  ..

شاف فيه ورجع هبط راسو وجلس ساكت وباين فيه ستريس غير من حركاتو  ،حادر راسو كيشوف بين رجليه وكيسمع لكلام  لي كيخنقو ..

جعفر : مبارك بغاك للزواج  ..

شمس بندم : بابا .

جعفر ببرود : أه أو لا ..

عضات فمها وبقات ساكتة ما جوبات لا بأه ولا بلا وكتشوف بنص عنيها فمبارك يقول شي حاجة وهو اصلا مكيشوفش جيهتها مهبط راسو  ،دورات عنيها لمونية لي كتشوف فيه بألم ما توقعاتهاش منها   ، بزربة هربات عنيها  وحطاتهم على لالة ماما لي مخنزرة فيها وهي تهبط عنيها ماقدراتش تشوف فمامها حيت عارفة لو شافت فيها اتكون نهاية واتفضح قدام كلشي ...

تسناوها تهضر وهي مقالت والو  وجعفر جاها من لخر ..

-من سكتي انقول انا كلمتي عقدك بمبارك ايكون ليلة  ..

كلامو صدمها وخرجات عنيها فيه ودموع تشكلو فعنيها   وقالت ما متيقاش..

شمس: كضحك ياك ابابا ..

خنزر فيها وجمع لوقفة : كلامي قلتو ..

شداتو من يدو مزيرة عليه ودموع هبطو على طول حناكها وقالت بحرن ..

-ماديرش ليا هكدا ابابا عافك ، عاقبني كيف بغيتي لكن ما ترمينيش هاد رمية..

كلامها دخل لمبارك بحال سم كينهش فعضامو ويسبب ليه الم لا يوصف   ،هز عينو كيشوف دموعها والحزن لي واضح فعنيها كأن زواجها بيه اكبر و اسوء عقاب ممكن تاخد  ،حط يدو على قلبو كيحس بيه كيتعصر  ويتألم باغي يصرخ ومبارك زاطم عليه مخليه مكتوم ما يسمع غواتو حد من غير مولاه ..

جعفر بعد يدو من يد بنتو ونضراتو مافيهمش قطرة من العاطفة وقال ببرود ..

-لي عندي قلتو .."وجه كلامو لعفراء"..طلعي وجديها انا انعيط على لعدول ..

شمس دم جمد فعروقها وعفراء جراتها طلعاتها وتبعاتهم لالة ماما  ،وجعفر رجع جلس ماعيطش على العدول كيف قال قدام شمس بقا ساكت و كيشوف مباشرة فمبارك وبعد ما قاد كلامو قال ...

جعفر: لي وقع ليوم محال تسمح ليها أولد ناس ولا تعاود تحطها فعنيك ..

مبارك عض فمو بجهد   ماعندو ما يقول بقا ساكت وجعفر كمل كلامو ..