راجل مرتين

~8~

#راجل_مرتين8
بقلم : #nano_Ibrahim

... بحبك
انا. م وقتو يا نور
نور. دي السنيورتا بتاعتك م انا😡
قالت كلامها دا بغضب
عاينت لي توته وجاني احساس غريب لمن عرفت انو هي القالت كدا وبقيت بفكر قاصداني انا أو زول تاني عاينت لي نور بالمراية لقيتها عايز تتفجر
وصلنا المستشفى وعملنا الفحوصات ركبو ليها دربات
جا الدكتور وقال لي انت ولي أمرها قلت ليهو ايوة قال لي اتفضل معاي مشيت معاهو مكتبو
هو. عندك فكرة عن الحاجة الاكلتها امبارح أو قبلو؟
انا. لي اتسممت ؟
هو.لا م اتسممت بس أكلت حاجة هيجت المعدة شديد وهي شكلها عندها قرحة سلفا ... ف الحاجة دي أثرت شديد وحتى عملت حساسية في الفم بس خفيفة مع انو كان لازم تجي ابدر بس الوضع تحت السيطرة حاليا وح تبقى كويسة اتفضل دي أدوية جيبهم ليها ولازم تنتبه لي الحاجات البتاكلها
طلعت من عندو وانا كنت مضايق من نفسي شديد انا السبب يعني؟ بس لي م قالت لي قبل كدا؟ كلو بسبب غبائي م كان لازم اخليها تأكلها إذا أنا م استحملت ف ما بالكم بيها هي رجعت الغرفة لقيت نور قاعدة في السرير التاني وتوته لسه م صحت
نور. مالك عامل كدا؟ وتوته مالها؟
انا. م عارف اقول ليك شنو بس انا السبب في حالتها دي
هي. قصدك. شنو ؟
اخدت نفس وقلت ليها بحكي ليك بعدين
هي. لا اسي توته مالها وانت عملت شنو
انا. توته عندها قرحة وانا اول امبارح غصبتها انو تاكل شطة عشان بسببها اتشاكلنا... م كنت عارف انو ح يحصل كدا..

فضلنا في المستشفى لغاية المسا م صحت نور نامت في السرير وانا كنت قاعد في الكرسي والنوم غلبني وكنت بعاين ليها مرة ومرة بعاين للدبلتين ألفي يدي كانت دبلتها اول تاني بتاعت نور... انا زاتي م عارف لي م طلعت بتاعتها...
صراحة كنت خايف افقدها

Flash Back
انا. تووته يا توته.. تعالي سريع
هي. فشنو ؟
جات نازلة من السلم وبعد آخر سلمه اتزحلقت وكانت ح تقع بس مسكت في السلم بقيت بضحك فيها اما هي طلعت شبشبها وخلتو في الموية الكنت كبيتها قاصد وجات جارية وراي م اتحليت منها إلا بعد قفلت على باب الحمام طبعا كانت شايلة مفراكة بتذكر وقتها كنت ح ابيت في الحمام كنت كل م ادنقر اشوفها بلقاها واقفة في النهاية اتشجعت وفتحت الباب لقيتها ماف ولقيتها خاته شبشبها قدام الباب وهو من النوع المقفول بي قدام ياخي انا لا عرفت اضحك ولا ابكي لكن عملتها فيني... مشيت غرفتها لقيتها نايمة ولا على بالها صراحة منظرها حلو وهي نايمة مشيت جبت قلم من تسريحتها تقريبا كانت ايلاينر المهم رسمت ليها في وشها براحة وختيت القلم وطلعت... بتذكر يومها مشيت الشغل بدون شاي وم اتغديت غير الضرب الضربتني ليهو مع انو م بأثر فيني لكن كنت مستمتع
End Flash Back

فتحت عيونها بكل نعاس قمت من مكاني وقعدت جمبها ختيت يدي في جبينها وحرارتها نزلت شوية
هي. حصل شنو؟ اخخخخ
كان باين عليها التعب
أنا.اسف...بس لي م قلتي لي انو عندك قرحة
ابتسمت وم ردت
انا. حاسه بحاجة انادي الدكتور؟
هي. لالا انا كويسة... عايزة اشرب
أديتها موية شربت ورجعت غمضت
انا. هي م تموتي اسي انتظري اطلقك اول
ضربتني في يدي وقالت لي اهبل دا
ضحكت وم رديت ليها
الصباح جا الدكتور شافها وقال انو ممكن تطلع وكتب ليها أدوية بعد طلع الدكتور كانت هادية زي م اتعودت اشوفها... اصلا هي طبعها هادي بس انا البهيجها صراحة
انا. حمدالله على السلامه
هي. الله يسلمك
بعدها انا طلعت مشيت جبت الادوية وجبت اكل وعملت كم مكالمة ورجعت... أول م فتحت الباب لقيت نور وتوته بضحكو مع بعض وبتتونسو... دقيقة أنا محموم.. بحلم؟.. نور وتوته سوا؟.. دي نهاية العالم خلاص...

رايكم في الرواية 💃
م تنسو تتفاعلو يشباب 💃