راجل مرتين

~21~

#راجل_مرتين21
بقلم :#nano_Ibrahim

فتحت عيوني وبعد مسافة استوعبت اني في المستشفى كانت نور قاعدة في الكرسي وكانت نايمة وخاته رأسها جنبي وماسكك يدي شوية الباب فتح وكان الدكتور اطمن على وطلع بعد طلع الباب فتح تاني م كلفت نفسي اعاين دا منو لانو كنت عارفاهو سلفا ف عطرو كان سابقو.
سمعتو وهو بياخد نفس
هو. نور حبيبي.. يا نور..
هي. امممم
هو. ارقدي في السرير.
ساعدها ورقدت في السرير ويداب لاحظت وجن الكانت نايمة هناك
اما هو جا قعد في الكرسي مكان نور انا قبلت منو مسك يدي وباسها انا قبلت عليهو
هو. كيف بقيتي؟
كنت بعاين ليهو بدون اتكلم
اخد نفس وقال لي اوك م تتكلمي معاي ليك حق.. وعارف انو م كان مفترض اتكلم معاك بالطريقة دي بس برضو ينفع كدا؟ انا والله لو م خايف عليك وبتهميني م كنت وصلت للمرحلة دي.. ممكن توريني الحاصل عليك شنو على إلاقل ممكن اساعدك.. في النهاية انا راجلك ومن حقي اعرف
انا. عايزة ماما
هو. حااضر بعد نطلع ح اوديك ليها بس انتي ابقى كويسة وانا ح اعمل ليك اي حاجة عايزاها
باسني في يدي للمرة التانية
حرفيا كمية من الاختلاف بين كمال الامبارح وكمال البعرفو انا ومن يومها عرفت انو تعصيبو كعب شديد وانو بتحول لي زول تاني وهو م حاسي بي نفسو
المسا طلعت ورجعنا البيت كمال وداني لي ناس امي بعد اتحسنت وبقيت ياكل كويس واظمن اني بقيت كويسة قعدت معاهم كم يوم عكس م كان مخطط هو لانو كان فاكرني عايزة ازورهم وارجع ف م قدر يقول لي حاجة لانو خايف ازعل
بعد كم يوم جا ساقني وانا اصلا م كنت ناوية ارجع معاهو بس هو أصر و م كان عندي حل
بعد وصلنا سلمت على نور ووجونه وطلعت غرفتي نور جات لحقاني قفلت الباب وقعدت جمبي وبدون مقدمات حضنتي
هي. يلا احكي لي مالك وم تقولي لي ماف شي
بدون م احس حكيت ليها من وقت التعصب فيني بدون سبب لغاية اسي
هي. كل دا حصل؟ طب لي م قلتي لي؟
انا. لانو لو لاقيتك ح اضطر الاقي كمال وانا م عايزة اشوفو.
هي. انا ي توته معاك وهو بجد غلط وانا ح اتكلم معاهو
انا. م تتكلمي معاهو
هي. طب واجهيهو بدل كدا
انا. كنت ح اعمل كدا بعد الشفتو غيرت رأي
شوية الباب فتح وكمال جا داخل
هو. بيبي ممكن تخليني اتكلم معاها؟
هي. ماشي
وهي طالعة باسها في خدها وقفل الباب اخد نفس وجا قعد قدامي كنت مقبلة وشي قبلني عليهو وختا يدو في وشي وعاين في عيوني
هو. توته حبيبي فشنو... احكي لانو بي سكاتك ماف شي بتحل
انا. انت راجع نفسك
هو. راجعت نفسي الف مرة بس م متذكر حاجة زعلتك.. آخر لحظة شربت معاك الشاي ما كان في شي
انا. وبعد شربنا الشاي حصل شنو؟
هو. شنو؟
انا. م متذكر يعني
هو. بتذكر انو كنت مشغول بس وتأني م اتكلمت معاك
انا. بجد م اتكلمت معاي؟ م كوركت فيني؟
ضيق عيونو كانو بحاول يتذكر وانا ماسكة دموعي بالعافية
انا. ولا م متذكر انك حتى م جيت اتكلمت معاي بعد عملتك؟
هو. م تقولي لي لمن قلت ليك انا شغال؟
سكت وم رديت ليهو وبحاول م ابكي بس دموعي م مساعدة
هو. دا السبب يعني ؟ م كنت قايلاك زعلتي مني والله انا اسف.. بس لمن اعصب م بحس بي روحي
انا. على الأقل كنت تجي بعدها بس ولا هماك طول اليوم ولا اشتغلت بي
هو. م كدا ي توته بس انا م جيتك لانو وقتها كنت زهجان شديد وم كنت عايز الاقيك لانو م بتحكم في غضبي واعتقد انك شفتي الحاجة دي صح؟
انا. اصلا فالح تزهج فيني انا وتمش مكتبك تتونس مع البنات المخشلغات وتضحك معاهم وانا لا على بالك
هو. بنات؟دقيقة قصدك لمن جيتي المكتب وطلعتي طوالي؟ توته لا إله إلا الله
انا. محمد رسول الله
هو. انا والله م بتاع نسوان ولا في واحدات فاكات زيهم ممكن اعاين ليهم وأقسم بالله انتي ونور مالين عيوني ومكفني وبزيادة ماف سبب يخليني اعاين لي واحدة تاني.. ف متى الكوره واطة.. وحقك على انا صح غلطان فحقك بس انا بشر وبلغط وانا ح اعرف من وين لو م وريتني
قرب على ورفع راسي وانا وشي ملان دموع
هو. توته ربنا بشهد على غلاوتك في قلبي واقسم بالله م بتهوني على ولاح تهوني على في يوم وبعدين لو متذكرة نفس اليوم داك بالصباح انا اعترفت ليك و قلت ليك اني بحبك تفتكري اليوم التاني اغير رأي؟ انتي م لعبة
مسح دموعي وباسني في راسي وقال لي تاني في حاجة زعلتك فيها
أشرت ليهو بي لا قال لي طب بتبكي لي قلت ليهو م عارفة ضحك وقرب على حضني
هو. دموعك غالية على بطلي بكى
انا. كمال
هو. عيوني
انا. بجد بتحبني
هو. بعشقك مش بحبك
انا. نور م ح تزعل لو عرفت
هو. نور عارفة وهي الشجعتني عشان اوريك
انا. يعني م ح تزعل لو قلت ليك بحبك
زحا مني وعاين لي
هو. هو بجد ولا كلام ساي؟
انا وشي بقى احمر دنقرت راسي رفعو لي
هو. توته بتتكلمي بجد؟
زحيت منو وغطيت وشي بالمخدة وقلت ليهو اي
بقى بضحك وقال لي يعني كل البكي عشان كدا وحلاتي يناس
زحا المخد وحضني
هو. وانا بموت فحبك
انا. ح اموت كدا زح مني
ضحك وقال لي م بزح
انا. انا جعانة.
هو. اصلا م اتعشينا ف غسلي وشك وتعالى ناكل
اشرت ليهو بي أي وقمت دخلت الحمام حتى يداب قدرت اتنفس زي الناس غسلت وشي ونزلت اتعشيت معاهم وكانو عاملين لي إلاكل البحبو انبسطت شديد بعد خلصنا اكل عملنا قعدة حلو تاني طلعنا فوق أي زول مشي غرفتو النوم وقتها غلبني وكنت مبسوطة بجد
اليوم التاني بعد رجع من الصلاة طلع غرفتو وجا شايل اللاب حقوقعد في الكنبة في نصنا وفتح اللاب حقو
هو. عايز اي واحدة فكيم تختار من الصور الح اوريكم ليها دي فتح لينا صور بتاعت غرف واي واحد احلى من التاني في النهاية اي واحدة اختارت
هو. تمام
وقفل اللاب على كدا وكل م نسالو يغير الموضوع اليوم التاني جو ناس بتاعين ديكور ونفس الغرف الاختارناها اتركبت في نفس اليوم انا ونور كنا مبسوطين ومصدومين في نفس الوقت
   المساء بعد العشا قال لينا داير اتكلم معاكم ف قعدنا كلنا سوا وانا شايلة وجن وبلعب فيها
هو. اممم يا نور ويا توته انا قررت من اليوم ح يحصل تعديل بسيط كدا ودا بعد كلام نور ونقة نور فيني.. الأسبوع فيهو كم يوم
نحنا. ٧ يوم
هو. أي واحدة ح تاخد ٣ يوم ويوم الجمعة المسا ح نوم مع بعض التلاتة ك يوم ترفيهي فاهمني صح... المهم السبت والاتنين والاربع لمنو؟
نور. انا
هو. حلو توته انتي الأحد والتلات والخميس واي عارف وم عايز اعتراض
طبعا انا فاتحة خشمي وبتعاين ليهو ولي نور هم حتى م ادوني فرصة استوعب هم بقولو في شنو ونور بتضحك
هو. كلامي واضح
هزيت ليهو راسي
هو. أما بالنسبة للحاجات التانية انتو ادري وقبل كدا اتكلمنا فيها

اليوم التاني بعد رجعنا من الشغل نور نادتني غرفتها بعد العشا وخلينا كمال بحضر وشايل وجن
هي. طلبت ليك حاجة حلوة 😉
انا. لي انا؟شنو ؟
طلعت كيس من الدولاب وادتني ليهو وهي بتضحك
فتحتو كان فيهو ملابس طلعتها ويداب فهمت دا شنو
انا. جادة يا نور؟ 🙂
هي. كل الجد🙂
انا. لا طبعا شكرا على الهدية الجميلة
بقت بتضحك فيني وانا وشي حمر طبعا كانو اقمصة نوم استغفر الله بس
شالتهم وقالت لي عايني حلوين كيف
انا. القعدة مع كمال خربتك تصدقي🙂
من كلامي جا كمال داخل وشايل وجن ونور رافعة القميص
كمال لمن شافو صفر وقال دا حق منو انا شلتو كرفستو وقلت ليهو حق نور.
نور. دا حقها جبتو ليها هدية.. واسي خجلانه منك
انا. نووورر! 😑
هو. مالك اسي مفترض تشكريها😂
انا. انتو الاتنين تافهين
طلعت من الغرفة نور صاحت لي
هي. نسيتي الاقمصة
انا. خلي يلبسهم كمال
هو. نععععمممم انا م ربيتك اصبري اصلك والليلة كما لبستيهم يبقى اسمي م كمال
نور. كتمممتتت....

مسا الخير يشباب 💃
اتفاعلو ووروني رايكم🙃💃