راجل مرتين

~11~

#راجل_مرتين11
بقلم : #nano_Ibrahim

مرت الايام وانا ونور بقينا أصحاب شديد ويومنا م بكمل بدون نقعد مع بعض علمتها الطبخ وحاجات كتيرة وتعلمت منها انا كمان وكنا بنطلع سوا وبنحضر أفلام ومرات ينشغل موسيقى ونرقص سوا وكنا عايشين حياتنا على الآخر كأننا صحبات أو اخوات
اما بالنسبة لي كمال كنت بعتبرو راجلها م راجلنا سوا وحتى بقول ليها راجلك وطوالي بنتناقر انا وهو وكنا زي الأصحاب ومرات بنتفق عليهو انا ونور 😂
في الفترة دي مها زيارتها كترت لينا وممكن عادي اكون مافي ألقاها معاهم واتقربت من كمال بصورة م طبيعية
في يوم جيت داخل من الشغل لقيتها قاعدة ومعاها كمال سلمت عليها وكمال على غير عادتو كان متوتر وكانو قاعدين في كنبة واحدة ودي م من عوايد كمال خالص بتونس ويضحك لكن بعرف حدودو عاينت لي مها كانت بتضحك
انا. م قلتي لي جاية؟ 🤨
هي. اا اي كنت مارة وقلت اسلم
انا. ايواا.. ووين نور؟
كمال. نايمة فوق ماشي اشوفها
قال كدا ومشى ومها كانت وراهو بي عيونها
مها. انا ح امش لانو اتاخرت
انا. اشربي حاجة
هي. لالا كمال ضيفني زي م شايفة... واسي اتصلوا لي
انا. اوك
قدمتها لغاية الباب بعد مشت طلعت فوق دقيت الباب لي نور وكمال فتح لي كمال
قلت ليهو نور نايمة قال لي اي.مسكتو من يدو خليتو يطلع وقفلت الباب براحة عشان نور م تصحى نزلنا ودخلنا المطبخ
انا. كمال
هو. ايوة
انا. حاصل شنو
هو. بالنسبة؟
انا. مها قالت ليك شنو؟
هو. اااا ولا شي بس جات تسلم.
انا. كمال.. في حاجة تانية...
هو. توته ماف شي
عاينت ليهو في عيونو قبل مني شوية جات نور داخلة
هي. توته جيتي متين ؟
انا. يداب ملابسي م طلعتها
هي. طب انا جعانة غيري عشان ناكل
انا. حاااضضضرررر دقايق واكون معاكم
فعلا طلعت اتحمتت سريع وغيرت ونزلت أكلنا سوا وعلى غير العادة كمال كان ساكت نور أشرت لي نظام مالو أشرت ليها بي انو م عارفة
اليوم التاني مشيت الشغل وفي الاستراحة حقتي طلعت مطعم قريب اصلا كنت ماشة اقابل واحدة صحبتي وانا هناك لقيت مها وكمال.؟ ياجماعة الحاصل؛ شنو؟ كنت عايزة امش ليهم بس صحبتي جات المهم خليتهم وكنت طول الوقت بعاين ليهم دقيقة دي مسكت يدو؟مها؟ غمزت ليهو؟الحاصل شنو ي جماعة؟ مها صحبه طفولتي؟ م تتسرعي شوية كدا كمال زحا يدو منها وقام مسكتو بس فكاها وطلع وانا ركزت مع البت مع انو بالي معاهم بعد خلصنا ونستنا ادتني كيس وشكرتها واي زول مشي في طريق رجعت الشركة ومع الشغل نسيت الحصل نهاية الدوام رجعت وكنت مبسوطة وجارية
انا. نووررر يا نووررر
هي.فشنو جنيتي 😂
انا. تعالي شوفي جبت شنو
جات طالعة من المطبخ وقلت ليها تقعد في الكنبة وكنت شايلة كيس ورا ضهري
هي. اها
انا. ترررراااااا
طلعت ليها الكيس فتحتو
هي.رهبين جبتيهم من وين 🥺❤️❤️بحبك يوووخخ
انا. وصيت ليهم واحد صحبتي قبل فترة وجات الليلة جابتهم ليك
هي. كيووووت 🥺م يكونو كلفوك
انا. أي شي في سبيل البيبي حقنا
طبعا نور حامل في الشهر الرابع بي بنوتة
هي. حبيبي انتي وحضنتي
ونحنا كدا جا كمال داخل
هو. انتو متأكدين انكم طبيعين؟
ماف زول ردا ليهو
انا. ماشة اغير وجاية
شلت حاجاتي وطلعت فوق جيت نازلة بعد مسافة صادفني كمال في السلم كان بعاين لي بنظر غريبة كدا لكن م ركزت معاهو نزلت جهزت الاكل لقيت نور عملتو وأثناء م بناكل وبنونس تلفوني رنا وانا مشغولة مع اللاكل وبتخاتف مع كمال
نور كانت جمبي شالتو وعاينت ليهو وبقت بتعاين لي والدموع في عيونها قامت وخلت الاكل عاينت للتلفون وغلبني ابلع الاكل
كمال. فشنو؟ ومالها نور؟
انا. بكرة يوم 5/5
قمت من مكاني وطلعت لي نور دقيت الباب بس م كان في رد
فتحتو ولقيتها قاعد في السرير ودموعها بنزلو براهم
انا. بيبي
هي. بجد ح تمشي.. وح تخليني... طب والبيبي؟ والخطط العملناها؟ مش قلت انك ح تربيها وم ح تخلي كمال يقرب منها؟
انا. اسفة يا نور.. بس كدا احسن لي وليك..عشان مصلحتك
هي. يعني انتي م مبسوطة؟وبعدين وين مصلحتي هنا..
انا. لا مبسوطة شديد معاك وكل يوم بحمد ربنا إنك في حياتي
هي. طب لي؟ لي عايزة تطلقي وتخليني؟
انا. م كدا يا نور.. كل القصة انو انا قلت لي كمال يطلقني بعد سنه من زواجنا والكلام دا كان قبل نبقى أصحاب م كنت فاكرة انو في يوم ح اكون في موقف زي دا
هي.بس انا عايزاك معاي
انا. بس يا نور...
هي. بس شنو.
انا. يا نور دا احسن لينا والله انا م عايزة اخسرك انتي صحبتي واختي م عايزة كمال يكون السبب في انو نتفرق..
هي. كيف؟
انا. يا نور م معروف مع الزمن يحصل شنو حاليا انا وكمال م عندنا اي حاجة لي بعض بس م معروف في المستقبل يحصل شنو خايفة في يوم اكون في موقف محرج قدامك وانا م عايزة تحصل حاجة زي دي
هي. زي شنو
دموعي نزلت
انا. اتخيلي يا نور اجيك في يوم واقول ليك انا حامل ح تكون ردة فعلك كيف؟ انا م نفسي حاجة زي دي تحصل ولا ح تحصل ولا بفكر فيها اصلا بس مرات الناس بتلغط انتي فاهمني
هي. ويعني لو حملتي؟ توتة انا عايزاك انتي م عندي مشكله انو يحصل بينك وبين كمال حاجة بس المهم تفضلي معاي..م بقدر اتحمل انك تبعد مني
انا. م بقدر اعمل كدا يا نور اسفة.. صدقيني لو م بحبك م بعمل كدا... وبعدين انا بس ح اكون معاك على طول
قمت من جنبها وانا جمب الباب وقفني صوتها
هي. لو أطلقتي اعتبرني البينا انتهى
وقفت مسافة تاني طلعت مشيت صليت واستخرت وردت بفكر من جهة نور.. ومن جهة زواجي... دقيقة مها؟... عايزة من كمال شنو؟ طب انا لو اسي أطلقت نور ح يحصل ليها شنو لو كان ألفي بالي صح؟ يارب اجعل الفيها خير ونمت من كترت التفكير صحيت اليوم التاني بدري عملت الشاي لاقاني كمال في المطبخ كان هادي شديد عاين لي بنظرة غريبة كدا نفس النظرة بتاعت امبارح بس م اتكلم... وانا كذلك م كان عندي شي اقولو... كيف ح اقدر اتكلم وانا الطلبت منو يطلقني.. مشيت الشغل قبل نور تصحي وكان عندي شغل إضافي ف اتاخرت شوية
رجعت البيت م كان في زول طلعت اتحممت ونزلت بعد مسافة لقيتهم جهزو الاكل ومنتظرني عشان ياكلو قعدت معاهم وماف زول فينا اتكلم عكس العادة بعد خلصنا شلت الصحون غسلتها وعملت شاي ومشيت قعدت معاهم نور كان باين عليها الزعل
كمال. اها قررتي شنو
انا. بالنسبة؟
هو. الطلاق
انا. طلاق؟ منو الداير يطلق؟
نور وهي بتصرخ يعني م ح تمشي
انا. افوتك وين والح يربي بتي منو
هو. ااخخخ يا وجع راسي
انا. قاعد عشان اتشاكل معاك واجيب اخلاقك😂
هو. ربي يقدرني انا عرست لي اصلا.
نور. ياااااااييييي.. يسسسس
هو. يا بت م تصرخي،
ولا اشتغلت بيهو وبقت تحضن وتبوس فيني
اليوم دا نور نامت معاي من الفرحة وكانت طول الوقت بتضحك

رايكم في البارت💃