راجل مرتين

~13~

#راجل_مرتين13
بقلم :#nano_Ibrahim

مروت الشهور ونور في التاسع والليلة ماشة بيت ناس امها وانا بحنس فيها عشان تمش وحتى كمال بحاول يقنعها.... بالنسبة لي مها وقفنها في حدها انا وكمال ونور كانت برا الموضوع وكمال ساعدني كتير عشان أتجاوزها
نور. يا جماعة والله م مني امي قالت الا اجي واجلتها التاسع عشانكم
المهم اتناقشنا وفي النهاية مشت بعد عباطتنا انا وكمال ووصلها كمال كنت قاعدة برأي طلعت غرفتي وحاسة بالبيت فاضي شديد بعد ساعة كدا الباب فتح كنت عارفة انو كمال ف عملت نايمة لانو م كان عندي نفس عشان اتشاكل معاهو
هو. قومي ي هبلة عارفك م نايمة
قمت وقلت ليهو فشنو م عندي مزاج لي حاجة🙂
شالني في كتفو وقال لي لازم يكون عندك
انا. نزلني ماشي بي وين
هو. نحضر فلم وغصب عنك
نزلنا تحت ولقيتو مجهز المكان قعدني في الكنبة وقال لي عارفة غلاوتكم عندي وم بحب اشوف واحدة منكم زعلانة ف بطلي زعل وبعدين كلها فترة وترجع
حضنتو وبقيت ببكي مسح في راسي
هو. الفلم ح يبدأ
مسحت دموعي ورقدت في كتفو زي م اتعودت ونمت في نص الفلم لانو كنت تعبانة
صحيت الصباح لقيت روحي لسه في الكنبه رفعت راسي لقيت روحي نايمة فوقو وكان محاوطني بي يدينو فتح عيونو عاين لي
هو. صباح الخير
انا. صباح النور
كنت حاسه باحراج قمت منو
انا. لي م صحيتني
هو. لأني زاتي نمت ولمن صحيت كسلت اقوم😅
انا. الكسل يخلو ليك
طلعت اتحممت وغيرت ونزلت عملت الشاي ونضفت البيت وحهزت الفطور وكويت ليهو جلابتو بما انو يوم جمعة جيت داخلة لقيتو طالع من الحمام شال الجلابية لبسها طلعت ليهو باقي الحاجات من الدولاب لبسهم وطلع
هو. يلا انا اتاخرت
بعد مشي انا صليت ونزلت كان في فراغ حاصل بعد الصلاة جا كمال داخل ولقاني قاعدة وزهجانة
هو. مالك؟
انا. فررررااااغغغغ
هو. 😂خلاص احهزي نتفسح
انا. بجد 😍
هو. أي اسرعي قبل اغير رأي
فعلا اتجهزت لبست عباية وعملت ميك اب خفيف واتخارجنا
الصراحة استمتعت شديد م خلينا مكان م مشيناهو وجينا البيت نمنا بس
مرت الايام ونور ولدت ومشينا السماية واصلا كنا بنمش ليها كل فترة يا مع بعض او اي زول براهو وسميناها وجن وقعدنا معاها كم يوم حتى رجعنا البيت
يوم خميس كدا بعد اتعشينا انا وكمال وحضرنا فلم واي زول مشي ينوم شوية الباب دقا وكمال جا داخل
هو. نمتي
انا. لا في حاجة؟
هو. اممم اااا
انا. احكي
هو. ممكن انوم معاك
عاينت لي باستغراب وقلت ليهو لا طبعا بقرف كدا
هو. دا نهاية الزول يطلب حاجة بي زوق😒
قفل الباب وجا دفرني ورقد في السرير وجرا الغطا اتغطي
هو. قالت لا قالت ح اكلك انا
انا. انت لو م كسرت لي ضهري م بترتاح
زحيت ليهو ورقدنا
انا. مالك؟
هو. نفس الميل ألفيك
انا. ااوووفف اشتقت ليها يخخخ بترجع متين
هو. مفترض تتم أربعين يوم وبعدين نشوف
انا. كتيرة يخخخخ
هو. بالنسبة لي كتيرة شديد ماسك نفسي بالعافية اسي
انا نططت عيوني زحيت من جمبو لمن وقعت في الأرض😳
انا. اااهععع
ضحك وقال لي انتي واحدة تافة م كنت عارفة النقطة دي 😂😂😂
انا. تافه انت.. 😑
هو. م كان قصدي شي براك فهمتي غلط 😂🤣😂🤣😂🤣
قمت من الأرض ضربتو ورقدت جمبو
انا. اهبل😒
ضحك وحضني أو هو خنقني وعلى كدا سكتنا صحيت الصباح لقيتو بتمغي وانا في يدو قمت منو ومشيت على الحمام قبل ادخل وقفني صوتو قبلت لقيتو جمب الباب
هو. بالمناسبة امبارح فعلا كنت قاصد ألفي بالك م بهزر 😂
نططت عيوني وهو طلع وقفل الباب وانا ودخلت الحمام وبقيت برمش لغاية م استوعبت
اتحممت ونزلت عملت الشاي ومعاهو كيكة ختيتو وقعدت جا كمال قعد جمبي
انا. ح نمش لي نور الليلة؟
هو. معزوم الليلة
انا. وين؟
هو. مش قبل فترة محمد(صحبو) عزمنا عرسو
انا. ايواا اتذكرت فاتها نور
هو. فعلا... شيلي قروش من الدولاب ظبطي امورك وبالنسبة للملابس في توبين فوق اختاري واحد
انا. ماشي.. بس كنت تجيب فستان
هو. عندك فساتين كتير جربي توب
انا. سمح نشوف
بعد شربنا الشاي انا جهزت ليهو ملابسو وجهزت حاجاتي وطلعنا سوا وصلني كوفير كنا متعودين نمشيهو انا ونور وقلت لي بتصل ليك لمن اخلص
المهم ظبط اموري ونادر م بلبس توب وهو. زاتو م قاعد يجيب لي تياب عبايات أو فساتين المهم بعد خلصت اتصلت ليهو وفعلا جا بعد ١٠ دقائق لمن طلعت لقيتو واقف برا وحرفيا كان ح ياكلني بي نظراتو ركبنا العربية وكان لسه بعاين لي
انا. مالك ؟
هو. متأكدة انك توته!
ضربتو في كتفو
هو. اخخخ لا كدا اتاكدت 😂
انا. اهبل
هو. م اهبل بس نادر اشوفك كدا يعني بي توب وبتاع.. شكلي م ح اجيب ليك تياب تاني
انا. اصلا م بحبهم
هو. لكن ظابطين فيك
انا. اصلا انا اي حاجة ظابطة فيني
هو. عان دي صدقت
المهم مشينا العرس وكان ظابط طبعا اصحابو كلهم سألو من نور لانو اتعودو يشوفونها في مناسباتهم سوا وكمال يعجبك طوالي بقشر بينا نظام معرسين مرتين ومتمكن مننا😂😂 بعد الحفلة خلصت رجعنا البيت كانت الساعة واحدة انا اول م ركبت العربية طلعت الهيلز وفكيت الدبابيس من التوب طبعا عربية كمال مظلله ف ماخدة راحتي وكمال بضحك فيني ساي ونمت ليهو في العربية صحيت لقيت كمال شايلني عاينت ليهو ولفيت يدي في رقبتو انتبه وقبل علي
انا. اسي لو لقيتك تشيلني كل يوم
هو. برميك اسي
انا. خلاص سكت😂
دخلني غرفتي وختاني في السرير وطلع وانا نمت حتى بدون اغير صحينا الضهر َ لقيتو راقد معاي...

اتفاعلو يشباب وروني رايكم💃