راجل مرتين

~20~

#راجل_مرتين20
بقلم :#nano_Ibrahim

صحيت اليوم التاني متأخر بسبب تلفون فتحت لقيت توته ماف جمبي رديت على المكالمة ولقيتها بخصوص الشركة ف قمت لبست ولقيت توته مجهزة اي شي طلعت من البيت بعد خلصت مشاويري مشيت الشركة زي اتنين ونص وكان عندي اجتماع مهم ف دخلت مكتبي والاجتماع بدأ كان مع واحد فردتي وبحب الضحك وفي نفس الوقت نسونجي وجايب معاهو بنات مخشلعات كدا م ركزت معاهم كتير واحدة فيهم جات وقفت جمبي نظام توريني وهي مصرة عشان اعاين ليها وفي الوقت داك صحبي قال نكته كدا وكلنا ضحكنا الباب دقا قلت اتفضل وانا لسه مع النكته لقيتها توته وكنت م شفتها من امبارح صراحة اشتقت ليها لمن شافتنا شكلو الوضع م عجبها وعاينت لي البت الجمبي وانا ناسيها ف عملت رايح
هي. اسفة
كانت ح تطلع بس وقفتها
انا. م مشكلة عايزة حاجة
قلت كدا عشان اخليها تدخل
عاينت للملفات الفي يدها وتاني جات ختتهم في المكتب من سكات وطلعت كانت ملامحها غريبة بعد طلعت انا كنت لسه بعاين في الباب وبفكر هي مالها دي م توته ألانا بعرفها متين بقت كدا في ليلة وضحاها وعيت على صوت صحبي وهو بقول لي دي منو ومن متين عندك حاجات سمحة زي دي
انا. دي مرتي
لمن قلت كدا بلع ريقو لانو عارفني م بحب اهزر في حاجات زي دي
هو. اسف
م رديت ليهو واصلنا اجتماع بعد خلصت جاني اتصال وبكدا كنت وصلت لي سبب المشاكل دي كلها وظبطت اموري معاهو بعدها جاني اتصال من نور اتونست وقلت ليها ح اجي اسوقك فعلا مشيت سقتها من بيت أهلها ورجعنا البيت سوا لمن دخلت البيت كان مضلم وهادي
نور. وين توته ؟
كمال. عملي علمك ح اشوفها فوق
فعلا طلعت فوق لقيت راقدة رقدة غريبة و م غيرت ملابسها حتى جزمتها م طلعتها ودا م من عوايدها أبدا طلعتها ليها وعدلتها ونزلت تحت بعد اطمنت انو هي نايمة وم فيها حاجة
نور. اها؟
انا. نايمة فوق شكلها تعبانه
نور. ي حليلها
انا. ننوم ولا نعمل شنو
نور. عايزة احضر
انا. اوك
فعلا فتحت التلفزيون وهي رقدت وجن في سريرها وغير ملابسها ووانا كذلك وقعدنا نحضر وهي فحضني
مرو يومين وتصرفات توته ح تجنني حرفيا انا م قادر ألم فيها بتطلع بدري بتمش الشغل وانا بمش الشركة متأخر عشان عندي شغل في الفرع الاتضرر وبمش الشركة يدوب الحق اجتماعاتي هي بتطلع وبتصل البيت بعديني ويتطلع تنوم بدون نحس بيها اصلا وتوته م بتتصرف كدا من فراغ في يومها رجعت بدري وقررت انتظرها وم اتحركت من مكاني جات داخلة براحة وكانت ح تطلع السلم
انا. توته
اتلفتت لقاني قاعد ننتظرها شكلها م أتوقعت تلقاني وحرفيا كنت زهجانة من تصرفاتها شديد وعايز اعرف مالها لي بتتصرف كدا.. كأنها بتحاول تتجنبني
انا. تعالي
جات وقفت قدامي اشرت ليها عشان تقعد وفعلا قعدت وم عاينت لي
انا. دي شنو التصرفات دي؟
هي. اي تصرفات
انا. م ملاحظة انو ليك ٣ ولا ٤ يوم م بنتلاقي بتطلعي بدري بترجعي متأخرة وطوالي بتطلعي فوق بدون تتكلمي مع زول
هي. ايوة ملاحظة بس مع الشغل
انا. دا شغل شنو البخليك تطلعي قبليني من الشركة وتصلي البيت بعديني؟
نور. توتتتااااا اقسم بالله مشتاقين😍🤭
لمن جات توته طنشتني وطوالي مشت عليها وانا زعلتني الحركة شديد سلمت عليها وحضنتها وبقت تلعب في وجن وكنت عارف انو هي عايزة طريقة تتفاداني بيها بس م سألتها لمن ختت وجن كانت عايزة تمش حرفيا م كنت قادر امسك نفسي اكتر
انا. يا زفتين انتي بتكلم معاك انا 😡
نور. كمال مالك 😳
مشيت عليها وقربت منها شديد 
انا. لمن اتكلم معاك م تطنشيني سامعة😡
مسكتها من اكتافها
انا. ردي انا بتكلم معاك
نور. كمال انت بتخوفها كدا زح منها
انا. نور زحي عشان م تسمعي كلام م برضيك
نور. زح انت منها لأنك كدا بتقتلها
انا. م بزح خلينا نشوف نهايتها وين.. عايزة تصلي لشنو بتصرفات دي فهميني؟
وقتها كنت في قمت الزهج وخلاص شوية حسيتها بقت تقيلة وغمضت عيونها في البداية كنت فاكرها بتهزر تاني بجد فقدت وعيها انا بقيت بعاين ليها وانا ماسكها عشان م تقع
نور. كمال تونه مالها يا كمال توته.. الحقها
رفعتها وبدون تفكير ركبت العربية ومعاي نور ووجن ومشينا على المستشفى... للمرة التانية توته تتاذي وبسبب منو بسببي انا؟ نزلت مني دمعة بس مسحتها قبل تشوفها نور لانو ح تفتح موال بتاع بكى لو شافتني كدا وصلت المستشفى واسعفوها بسرعة وعملو ليها فحوصاتها بعد خلص الدكتور نور كانت رافضة تزح من جمبها
الدكتور ناداني ومشيت معاهو وقال لي انو عبارة عن صدمة عصبية ف عرفت انها خافت مني شديد ودا كان السبب وقال لي انو لازم نهتم بالأكل بتاعها اداني روشتا طلعت منو جبت الأدوية ورجعت ليهم وجن كانت نايمة في السرير التاني ونور قاعدة جمب تالا في الكرسي ورفضت نزح منها ف فضلت قاعدة جمبها طوال الليل وانا كنت قاعد جمب وجن وبتعاين ليهم والنوم غلبني صلاة الصبح كنت صاحي مشيت صليت في المسجد وجيت معاي اكل وجيت لقيت نور خاته رأسها في السرير ونايمة وتوته كانت صحت بس م شايفاني اخدت نفس وصحيت نور ومساعدتها عشان ترقد جمب وجن
قعدت مكان نور ومسكت يدها وبستها عاينت لي
انا. كيف بقيتي
م كانت بترد على بس نظراتها كانت كافية جدا عشان تحسسني بالذنب... اتمنيت لو مت قبل أوصلها للمرحلة دي

كيفكم شباب 💃
اتفاعلو وروني رايكم 💃