راجل مرتين

~16~

#راجل_مرتين16
بقلم :#nano_Ibrahim

كمال شال التلفون وردا عليهو
كمال. الووو... وعليكم السلام... ايوة دا تلفونها... انا راجلها انت منو؟ ... م ح تجي... عشان انا قلت كدا .. يلا
قفل ورمي التلفون جنبو وكان زهجان ضحكت وقلت ليهو اسي دا شنو فوق م رديت ليهو شاكلتو واتزهحت فيهو وبعد دا كلو زهجان
هو. م يتصل ليك يااخخخ مش عارف عندك راجل؟ 😠
نور. في ناس بتغيير😂
انا. شوفي زعلان كيف عشان عزموني 😂
هو. ماف زول يعزمك😠
نور. اشي علي 😂اريتو حالي بغيرو على كدا
هو. انتي حتك م ناقصك
انا ونور بقينا بنصحك
هو. لو م سكتو بكسر روسيكم ديل
نحنا سكتنا وبقينا كاتمنها بعدها نور طلعت وجات مغيرة بي جلباب حلوو وكانت راسمة ومتدخنة ووزنها زاد وبقت كيوت الصراحة انا انبرشت فيها صغرت وغمزت ليها اما هي بقت تستعرض في القميص والحنه
هي. كيف وكيف
انا. قمرررر.. كمال الليلة ح يجن عايني فاتح خشمو كيف😂
جدع فيني المسند وقال لي م ربيتك زي الناس😒
انا. دي العقدة معاك بتخرب وبعدين كويس انك معترف انها تربية فاشلة 😂
نور.  الله يسترها وجن😂🤣
عدينا اليوم ضحك وفرفشة وطلبنا الاكل من برا
المسا بعد قفلت وانا عايزة انوم كمال جا داخل الغرفة وشايل وجن ومعاها شنطة صغيرة اداني وجن وختا الشنطة في السرير
هو. خليها معاك الليلة
انا. فشنو؟😕
هو. م هو م ممكن انا م قادر🙂
بقيت بعاين ليهو وبصدمة وفاتحة خشمي😳
هو. تمسكي وجن ولا تاخدي مكان نور؟🙂
انا. هات هات م تسمعها الكلام الفارغ دا 😳
شلتها منو باسني في خدي وقال لي شكرا وقفل الباب
كانت نايمة رقدتها جمبي ونمت والحمدالله م صحت بليل غير مرتين كانت جعانة وغيرت ليها البامبرز صحيت الصباح لقيت وجن صاحية شلتها ونزلنا تحت عملت ليها بزازة بعد أكلت بقيت بلعب فيها بس نامت قبل استمتع ف رجعنا فوق دخلت اتحممت ولبست بجامة ونزلت تحت مع وجن ختيتها في سريرها وعملت الشاي بعد شوية جا كمال نازل شرب معاي الشاي
وكان سارح على غير عادتو
انا. فشنو؟
هو.ااا ماف شي
انا. بجد؟
هو. صراحة في بس م اسي خليهو مرة تانية
انا. ماشي
هو. بالمناسبة تعالى اشتغلي معاي في الشركة
انا. لي؟ 😕
هو. عشان أسهل ليك معاي وبالي م بكون مشغول عليك يعني
انا. افكر
هو. م عرضت عليك عشان تفكري انا بس وريتك يعني😒
انا. كلو عشان محمد؟
هو. لالا من زمان عايز اقول ليك بس م وريتك لانو م كان في سبب مقنع واسي في سبب
انا. لكن.....
هو. م لكن بكرة تقدمي استقالتك فاهمة وخليك فالحة
انا. ماشي 😒
بعد مسافة جات نور ماشة وكانت م طبيعية وماسكة في السلم
انا. نور مالك؟ انتي كويسة؟
كمال قبل عليها ضحك ومشى شالها وجا ختاها في الكنبة
هو. م كنتي تنزلي
قال كدا وهو بضحك
انا. نور مالك؟... كمال نور مالها؟
الاتنين عاينو لي بعض نور وشها بقى احمررر وكمال كاتم الضحكة
ضربتو وقلت ليهو بتضحك لي
هو. ماف شي نور كويسة
انا. كويسة كيف انت م شايفها ؟
هو. توته م انصحك تعرفي مالها
نور. كلو بسببك
كمال ضحك بصوت عالي وقال ليها اعمل ليك شنو اكتر من شهرين مخلياني تتوقعي مني شنو؟ م هو لازم تدفعي التمن
هي. لكن م كدا..
طبعا انا قاعدة في نصهم زي الهبلة كمال انتبه لي وحرك يدو في راسي
هو. ح اوريك لكن كل شي في وقتو حلو 😂
انا. طب...
نور. توته حبيبي انا كويسة والله م تخافي على
انا. متأكدة؟
هي. من متين قاعدة اخبي عنك
انا. ماشي

اليوم التاني قدمت استقالتي وبعدها كمال شغلني معاهو وكان مديني مكتب جمب حقو ف كنا بنجي سوا وبنطلع سوا ووقت الاكل بجي بياكل معاي لغاية م اتعودت على المكان بس م كان عندي علاقات كتير غير انو الناس م كانت عارفة اني مرتو
في يوم جيت داخلة مكتبو وكنت شايلة ملف بعاين فيهو
رفعت راسي لقيت معاهو سكرتيرتو وواحدة كدا اول مرة اشوفها
هي. لو سمحتي دي م زريبة لمن تدخلي للمدير تدقي الباب اول وتدخلي باحترام انتي م داخلة زريبة في حاجة اسمها اتيكيت😒
كمال. على م اعتقد انا المدير هنا م انتي وتاني م يتعاد الكلام دا وتتكلم معاها بالأسلوب دا مفهوم؟... مفهوووم؟😊
هي. مفهوم
هو. يلا الاجتماع اتاجل واي اتاجل عشانها😊
انا بقيت بعاين بصدمة م عارفة اضحك ولا ابكي ولا أعمل شنو لانو كلو حصل فجأة
بعد طلعو عاينت ليهو وقلت ليهو دا شنو الحصل ودي منو جاني بي قدام وشلل مني الملف
هو. دي موظفة شايفة روحها بس وعايزة تلفت انتباه م اكتر
انا. موظفة قلت لي لكن شكلو نور م عارفة بس الأشكال دي😏
هو. ابقى مرة ووريها😒
انا. تهديداتك بتخرب على المتعة😂
هو. متعة في عينك.. خلينا في شغلنا
المهم خلصت شغلي معاهو وطلعت كان وقت الاكل جا وهو قال لي انزل قبليهو عشان قلنا نجرب ناكل من الكفتريا الليلة ف نزلت الكفتريا طلبت لينا اكل وقعدت في طاولة وبقيت شغالة بي تلفوني والخلق دا كلو بعاين لي وسامعة الكلام عني انا وكمال وعلاقاتي بيهو وانا ظهرت فجأة بس م شغالة بيهو
شوية الناس سكتت رفعت راسي لقيت كمال قعد قدامي وبدينا ناكل كانو ماف زول معانا
انا. عايزة عصير
هو. خلصي اول
بعد خلصت اداني منديل قشيت خشمي ويدي وهو مشي جاب لي عصير وجاب ليهو قهوة
كنت بشرب فيهو وهو بعاين لي
انا. مالك😕
هو. ماف م اعاين ليك يعني🙄
انا. م تعاين بتسحرني😂
هو. عان دي صدقت😒
انا. اصلا مصدقة😂
هو. خلصي عشان نتخارج
فعلا خلصت  وطلعنا على شغلنا
نهاية اليوم مشيت مكتبو لقيت ماف قعدت في كرسيهو لقيت نوت
هو. "مشيت اجتماع م ح اتاخر+م تكسري الكرسي يا سمينة" ضحكت وبقيت بلف بالكرسي
شوية فزول فتح الباب ودخل
... يا مان.. تونه؟
انا. اهلين نذار.. وم تقول ليك تونه😒
طبعا دا نذار صاحب كمال سلم على وقعد وبتاديني تونه 🤣
هو. بتعملي فشنو هنا يا تونه🤣😂
انا. مالك مع التونه انت
هو. جاي معاك.. سمكة التونه العنيده
انا. بقلب فيك المكتب دا 🙂
هو. 🤣😂🤣😂خلاص خلاص سكتت.. م وريتني
انا. شغالة هنا
هو. دي أمور كمال صح😂
انا. بالضبط كدا.. وقت عارف صحبك بتسال لي
شوية البت القبيل جات داخلة وعاينت م لقت كمال
هي. بتعملو فشنو هنا ؟ ودا منو السمح ليكم تدخلو. ؟
انا. بنتونس زي م شايفة.
نذار. نفس السبب الهلاك تدخلني دخلنا.. . دي منو يا تونه
انا. علمي علمك لكن تقريبا موظفة هنا... المهم تشرب شنو
هو. قهوة على بال م يجي كمال
اتصلت من التلفون بتاع المكتب
انا. انتين قهوة
عاينت لي البت قلتها لي تشربي حاجة
هي. اوك اعتبرني روحك اتفصلتي من اسي😠
قال كلامها وطلعت
نذار. دي مالها فايرة😂
انا. م عارفة حاكاها معاي كدا بس 😂
نذار. عارفاك مرتو ؟
انا. ماف زول عارف
عديناها ضحك لغاية م  جا كمال داخل واتونسنا شوية مع نذار وبعدها طلعنا
اليوم التاني وانا شغالة في مكتبي جاتني البت ديك دقت الباب ودخلت قفلت الملف الشغالة فيهو ورفعت راسي عاينت ليها ختت ظرف في المكتب
انا. دا شنو ؟
هي. افتحي وشوفي
فتحتو وعاينت فيهو ....

كيفكم يشباب ❤️
  اتفاعلو ووروني رايكم 💃