راجل مرتين

~9~

#راجل_مرتين9
بقلم :#nano_Ibrahim

بلسان توتة..
فتحت عيوني وبعد مسافة استوعبت اني في المستشفى وكانت بطني لسه بتوجعني بس الألم خفا شديد حسيت بزول قعد جمبي عاينت لقيتو كمال
انا . حصل شنو؟ اخخخخ
أهو. اسف...بس لي م قلتي لي انو عندك قرحة؟
ابتسمت وم رديت ليهو
هو. حاسه بحاجة انادي الدكتور؟
انا. لالا انا كويسة... عايزة اشرب
أداني موية شربت ورجعت غمضت
هو. هي م تموتي اسي انتظري اطلقك اول
ضربتو في يدو وقلت لي اهبل دا
ضحك وم ردا لي الصباح جا الدكتور كشف لي وطمنا وقال ممكن اطلع خلال اليوم
كمال. حمدلله على السلامه
عاينت ليهو وعاينت لي نور الكانت مقبلة وشها ف عرفت انهم متشاكلين وتقريبا بسببي
انا. الله يسلمك
م عارفة سبب وجود نور مع انو م بطيقني بس حسيت انو ماف سبب يخلينا متعادين كدا
بعد مسافة طلع كمال وفضلنا انا ونور وكنا ساكتين لمن طال السكوت نور اتكلمت
نور. علاقتك مع كمال شنو؟
عاينت ليها باستغراب كدا نظام دا شنو السؤال دا
نور. أي عارفة م وقتو و عارفة انو انتو متزوجين بس يعني م بينكم حاجة كدا ولا كدا
ضحكت
انا. لا ابدا ماف واحد عندو للتاني حاجة زواج على ورق
نور. يعني ولا حتى حصل بينكم هناي فاهمني صح
انا. لا م حصل.. بالمناسبة كلها كم شهر وترتاحي مني وصراحة انا اصلا م عندي اي نية سيئة أو مثلا انو اخد منك كمال أو كدا... اصلا عارفة. من زمان انو بحبك ومقتنعة
نور. اتزوجتيهو لي طيب؟
انا. دي قصة تانية... حاولي اتغيري عشانو لانو بحبك وبعدين انا م قاعدة للأبد ف اتعلم اطبخي
هي. كيف؟
انا. جربت اكلك قبل كدا اسفة يعني بس كان فظيع
هي. واسيني حبة
انا. 😂م بقدر اواسي في موضوع زي دا
هي. اسي كمال كان بستحمل كيف؟
انا. بس عشان بحبك لو دي انا كان رماهو لي في وشي 😂
شوية قبلت عليها وقلت ليها رايك شنو اعملك الطبخ بما انو خلاص ح امش
هي. عرض مغري الصراحة😂
انا. م ح تخسري شي
هي. خلاص موافقة
انا. راجياك متعة
بقينا بنتونس واتعرفنا على بعض
شوية جا كمال داخل ولمن لقانا الاتنين بنضحك ونور قاعدة جمبي هو زاتو اتخلع وبقي واقف في الباب مسافة تاني دخل ختا لينا الاكل أكلنا واتجهزنا للطلعة لمن نزلت كنت قادرة امش بس حاسة بي دوخة كدا
كمال. انتي كويسة؟
انا. أي... نور ممكن تسااعديني؟
هي. دا تمن تعليمي 😂
انا. ممكن نعتبرو كدا😂
فعلا كانت ماسكاني لمن ركبت العربية وحتى لمن نزلنا وكنا بنمش براحة
كمال. وبعدين معاكم انا ح انتظر لي متين خفو حبه ولا اقول ليكم
جا على وخماني رفعني في كتفو ومسك نور طلع بينا فوق رماني في سريري
انا. اااااههه م كدا كسرت ضهري
هو. اعمل ليكم شنو يعني
نور. تتقوم تكرني في السلم كدا
هو. خلاص يخخ.. وبعدين من متين متصالحين كدا
الانتين. م دخلك
عاينا لي بعض وضحكنا اما هو اتخلع فينا تاني قلب عيونو
هو. توته اتحممي وغيري عشان ترتاحي وتاخدي ادويتك وانتي يا نور ممكن تساعديها
طلع وخلانا
انا. راجلك دا منفسن كسر لي ضهري
نور. 😂انتي شفتي حاجة... يلا اساعدك
فعلا ساعدتني والصراحة طلعت كيوت خالص شكلها كانت بتغار مني بس لمن دخلت الحمام غسلت وشي وعاينت في المراية اتذكرت لمن مرة صحيت من النوم بعد خليت كمال مقيل في الحمام غسلت وشي بي موية وعاينت في المراية قربت اصرخ طبعا كان وشي كلو شخابيط كانت متكوب في خد مرت والتاني كمال.. وكلام تافه كتير ولا غسلت وشي وكنت حالفة م اخليهو مشيت الغرفة لقيتو لابس لمن شافني ضحك وجا خنقني واخد لينا صورة وهو بضحك اليوم داك مشي بدون يشرب قهوة وم عملت ليهو غدا غير الضرب الإصلا م بعمل ليهو حاجة
وعيت من ذكرياتي وانتبهت لي انو دي م نفس البجامة الكنت لابساها لانو م حصل لبستها قبل كدا قبلت على البانيو عشان اتحمم لقيت ملابسي الكنت لابسها مرمية في الأرض وحزو في البانيو حتى الداخلية بلعت ريقي و بقيت منططة عيوني ووشي حمر دا منو العمل كدا يا رب م يكون ألفي بالي لملمتهم اتحممت وطلعت وانا لسه بفكر في الموضوع
نور. جبت ليك اكل
انا. اشهد ان لا اله الا الله 😂
هي. م تخافي دا سخنتو من الاكل ألفي التلاجة😂🤣
انا. الحمدلله 😂
قعدنا نأكل سوا وكنا بنتونس
انا. نور متين عرفتو بي حالتي دي؟
هي. صراحة انا عرفت الصباح.. كان صحيت بليل ولقيت كمال ماف افتكرتو مشي يشرب أو دخل الحمام م ركزت كتير صحيت الصباح لقيتو برضو ماف ف طلعت افتش عليو ولقيتو طالع من غرفتك المهم يعني قال لي انو انتي عيانة وكدا ونزل فعلا لمن دخلت لقيتك محمومة شديد نزتو لحقتو اتكلمت معاهو شوية بعد مسافة جا نازل شايلك ومشينا الدكتور
انا. ايوااا...
وشي اللحظة ديك بقى طماطم من كلامها فهمت انو كمال كان قاعد معاي طول الليل خلصنا أكلنا وادتني ادوتي ونزلت جات بعد ساعة لابسة بجامه قفلت الباب وجات رقدت جمبي
هي. ح انوم معاك لو م عندك مشكلة
انا. عادي بس في حاجة؟
طلعت ورقدت جمبي واتغطت
هي. صراحة...
الباب فتح وجا كمال داخل عاين لينا باستغراب كدا
هو. انتو كويسين.؟🤨 نور بتعملي شنو هنا؟🤨
هي. عايز انوم هنا عندك مشكلة😑
هو. افهم شنو يعني؟ زعلانة؟😒
هي. دايرني اصفق ليك يعني😑
هو. طب ارح وبنتفاهم
هي. م ماشة
هو. نووررر
انا. خليها براحتها فوق م مزعلها عايز تسوقها غصب عنها
هو. توته خليك برا الموضوع دا نقاش بيني وبينها😊
هي. انا ح اقعد مع توتة خلاص
انا. اطلع من غرفتي انا عايزة انوم
عاين لينا الاتنين بي تحميرة كدا وقفل الباب بي كل قوتو لمن حسيتو ح يقع
نور. اسفة
انا. على شنو
هي. انو كمال شاكلك بسببي
انا. م شغالة بيهو اصلا... دا حالنا طبيعي كدا
هي. لي اتزوجتيهو طيب
انا. لانو ابوهو. صاحب بابا وبابا فاجاني بانو قرو الفاتحة... وصراحة مع انو م كنت عايزاهو بس اولا ما كان في سبب ارفضو عشانو يعني ماف داعي احكي ليك عن كمال وأخلاقو انتي ادري... غير انو بابا اداهو كلمة ف شينه انا اجي اقول لا... وياهو اتدبست
هي. يعني زواج تقليدي
انا. ياااه.. أو بالاصح منظر بس.. قدام الناس متزوجين انا في البيت انتي شفتي براك المناقرة البينا اي واحد بغيط في التاني..
هي. بتحبيهو
انا. انا احب كمال؟🤣.. يا بت نحنا زيت ونار.. كديسة وفار... احبو كيف... وبعدين انا م بخت عيني علي واحد بحب واحدة تانية.. حتى لو كان راجلي
قضينا الليل كلو ونسه لغاية م نمنا وحرفيا كانت انسانة حلوة شديد وكيوت ومجنونه

اتفاعلو ووروني رايكم💃