راجل مرتين

~15~

#راجل_مرتين15
بقلم : #nano_Ibrahim

جيت من الشغل اتحممت ولبست ترينق وفنيلة صغيرة مع الصرة نزلت عملت الغدا بعد خلصت مشيت فوق قكيت شعري وبقيت بسلك فيهو قبل المو جا كمال داخل قبلت عليهو عاين لي وكان فاتح خمشو
هو. توته!
انا.مالك؟ وجيت متين؟
كنت عايزة ألم شعري قال لي لااا بصوت عالي انا لمن اتخلعت
انا. فشنو؟😳
هو. خليهو كدا
انا. ماشي بس براحة😑
دخل ختا اللاب حقو في السرير وكان بحاول يفك الربطة حقت الكرفتا وشكلو مضايق منها مشيت فكيتها ليهو وفتحت لي الزراير
انا. شكلك. مسخن
هو. شديد
ضحكت وطلعت ليهو القميص
انا. يلا اتحمم وغير عشان نأكل
هو. اوك
دخل الحمام وانا علقت القميص وختيت تلفونو في الشحن وختيت اللاب في الدرج ونزلت جهزت الاكل على بال م نزل واكلنا سوا كان بعاين لي
انا. مالك؟
هو. ماف بس الليلة شكلك غير
انا. كيف🙁
هو. الملابس والشعر يعني م كنت فاكر انو شكلة ممكن يتغير كدا
ضحكت وقلت ليهو ياخي
هو. مستعد احلف انك بقميص النوم ح تكوني درعة 😂🤣😂🤣
انا. انت واحد تافه ح اقول لي نور م تخلي بتنا معاك 😂🤣
هو. جربي عشان المرة الجاية نكون منتظرك انا ونور
انا. كيف؟
هو. ألفي بالك
انا. انت بجد تافه 😂👊
هو. جربي قوليها تاني عشان اوريك التفاهة
انا. سكتت خلاص😶
هو. كلبوبة😂😂😂 بالمناسبة دي انت كل مرة بتعملي ألوان لي نور في وشها وانتي م بتعمليها
انا. بعمل لكن حسب النفسيات
هو. م حصل شفتك الافي عرسنا.. تقريبا ومرات قليلة
انا. ايييك عملتو كتير شديد بعد عرسنا وللان بعملو
هو. وين ومتين ولي م حصل شفتك؟
انا. لمن اكون زهجانة او اكون مع نور وم عندنا موضوع أو كدا
هو. لي م قاعد اشوفك؟
انا. لانو بمسحو بعد ازهج منو
هو. خلاص اعملي اسي
انا. اسي م عندي حيل عايزة انوووم
هو. م بعرف تعمليهو بس
قلبت عيوني وقلت ليهو اوك لانو عارفاهو م ح يخليني الا اعمل ليهو العايزو بعد خلصنا أكل لميت الصحون وخليتو يغسلهم لي😂 و طلعنا فوق صلينا سوا
انا. عايزو يكون كيف
هو س*س 😉
انا. كمال بتضارب معاك😂👊
هو. جادي انا م هو انت م ح تفضي لي تاني
انا.امممم ماشي نشوف
المهم بقيت بعمل فيهو وهو عذبني عذاب بهبش وبسال فيني دا شنو وبعنلو بيهو شنو ولي في النهاية طردتو وكان كل شوية بدق لي الباب وبقول لي خلصتي  زي الشافع بس بعد خلصت خليتو يدخل
عاين لي وعاين في الغرفة كانو بحاول يتأكد انو دي انا م زول تاني جا قريب مني وكان بعاين في عيوني
هو. عارفة نفسي فشنو اسي؟
انا. فشنو ؟
لفا يدينو في وسطي وقربني عليهو وبقيت متلصقة فيهو وختا جبينو في جبيني وكان انفو قصاد أنفي وغنض عيونو وانا نفسي كتم وحسيت روحي في حته ضيقة
هو. بحبك
انا وقتها حسيت الاوكجسن بتاع الدنيا كلو كمل وقلبي بقي بدق بسرعة وجسمي برد وممكن اكوون هبطت
هو. بحبك توته
لمن حسا بي م قادرة زحا مني وضحك وقال لي اتنفسي خلاص م تموتي زحيت منك ي خوافة كنت بهزر معاك
ضربتو في كتفو وقلت ليهو اهبل وهزارك بايخ زيك😑
ضحك وحضنب وقال لي معليش زحاني شوية واخد لما كم صورة تاني صورني برأي.. بعدها اتونسنا شوية هو نام وكان راقد في رجولي ولافي يدينو في وسطي وانا قاعدة وساندة ضهري على السرير وبحرك يدي فشعرو لمن حسيتو نام عدلتو براحة ونزلت مسحت الميك اب وغسلت وشي وعملت مرطب ونمت جمبو
مرت الايام لغاية م جا الخميس وجبنا نور والبيبي وعملنا ليهم كيك واستقبال صغنن كدا وحرفيا عملنا سهرة حلوة شديد بعدها اي زول طلع غرفتو صراحة فقدت نومت كمال جمبي وحتى اخدت زمن عشان انوم
صحيت الصباح وانا بتمغي كدا حسيت بي يدين في وسطي قبلت لقيتو كمال نايم معاي وكان خاتي راسو في صدري ولافي يدينو في وسطي كان زي الطفل ابتسمت وحركت يدي في شعرو بجد وجودو راحة
انا. كمال.. يكمال.. كمال
هو. امممم
انا. عايزة انزل
هو. لا خليك يتوته انا نعسان
انا. لكن..
هو. توووته
انا. حاضر حاضر
فضلت راقدة وبحرك يدي في شعرو لمن شالتني نومة لمن صحيت لقيتو عدل رقدتو وبقي حاضني قمت براحة اتحممت ونزلت تحت لقيت نور صاحية وشايلة وجن وكان عيونها حمر
انا. فشنو؟
هي. أبت تنوم امبارح والليل كلو صاحية
ف عرفت لي كمال نايم معاي😂
انا. كنت تصحيني
هي. هو كمال طلع ينوم معاك من عمايلها خلي انتي 😂
انا. عان دي كمال دا قليدب ساي🙄
هي. خليهو يسمعك😂
ضحكت وشلت وجن منها وبقيت بشاغل فيها ونور على طول نامت في الكنبة بعد شوية وجن نامت رقدتها في السرير الكنا عاملنو ليها في الصاله وصلحت نور وغطيتها وعملت الشاي
وجهزت الفطور وكويت لي كمال جلابتو
طلعت غرفتي لقيتو لسه نايم
انا. كمال... ي كمال كمااال
هو. امممم
انا. قوم عشان تلحق الصلاة
هو. اااه خليني انوم شوية
انا. صلى ونوم اسي الساعة ١١ بعدا
ناص كدا تاني فتح عيونو
انا. صباح الخير
هو. صباح النور
انا. يلا عشان تلحق
هو. ماشي
قام من السرير ودخل الحمام
وانا شلت تلفوني وركبت سماعتي لانو م عندي موضوع وأثناء م بقلب لقيت نكته وبقيت بضحك
كمال. هي يا انتي
فكيت السماعة وعاينت ليهو
هو. بتتكلمي مع منو
انا. ولا زول لي؟
هو. ماف تعالى ساعديني
ختيت التلفون في التسريحة وبيقت بساعد فيهو بعد خلصت تلفوني اتصل وانا كنت لسه مركزة مع كمال
هو. ردي
عاينت ليهو تاني قبلت على التلفون لقيتو واحد زميلي في الشغل اسمو محمد رديت ليهو وكنت بقفل في الزراير حقت الجلابية
انا. الوو
هو. تالا كيفك.
انا. بخير الحمدلله..كيف انت؟
هو. بخير نحمدو... فاضية الليلة ؟
انا. لي في حاجة؟
هو. ماف بس كنت عامل عزومة لي الشباب وقلت اعزمك
انا. ايوااا.. م عارفة لكن بشوف وبرجع ليك
هو. خلاص ح ارسل ليك اللوكيشن لو حبيتي تجي
انا. اوك
هو. يلا مع السلامه
انا. الله يسلمك
بعد قفل الخط انتهدت ولقيت روحي بلعب بي الزراير حقت كمال عاينت ليهو وكان بعاين لي بي نظر غريبة
انا. فشنو؟🤨
هو. دا منو؟😒
انا. واحد معانا في الشغل
هو. وعايز منك شنو😒
انا. قال عامل عزومة واتصل عشان يعزمني بس 😅
هو. يعزمك!.. شكلو قريب منك🙂
انا. لالا م كدا القصة... وبعدين قريب منك دي شنو؟
هو. لو م كدا جاب رقمك من وين😑
انا. كان مرة اشتغلنا سوا في مشروع وبس يعني
هو. اممم كويس... يلا انا اتاخرت
باسني في راسي وطلع نزلت بعدو لقيت وجن صحت وكانت ساكته عملت ليها البزازة بتاعتها وبقيت باكل فيها بعد أكلت رجعت نامت تاني وم لحقت العبها زاتو
بعد الصلاة كمال شرب الشاي وقعد في التلفزيون بعد شكل معاي عشان قلت ليهو بتصحيهم في النهاية استسلمت وقعدت معاهو ونحنا بنحضر تلفوني اتصل وللمرة التانية كان محمد كمال شال التلفون وردا عليهو

كيفكم شباب 💃
اتفاعلو ووروني رايكم💃