راجل مرتين

~12~

#راجل_مرتين12
بقلم : #nano_Ibrahim

اليوم التاني كان جمعة قمت نضفت البيت طبعا اتبدلنا الأدوار لانو نور م بتقدر تنضف وكنت برضو بساعدها في الطبخ وكذلك كمال بعد خلصت طلعت الملابس المحتاجة غسيل غسلتها وكويت لي كمال جلابتو للصلاة
و زي م اتعودنا نحضر فلم التلاتة أو نعمل موضوع ف جبنا فلم رعب وجهزنا المسليات قعدنا انا ونور جمب بعض منتظرين كمال جا قعد في نصنا وخنقنا الاتنين
هو. م داير بكا وصورايخ😑
انا. اصبر لي الا اصرخ في اضانك😂
هو. عشان اقتلك😑
نور. خلاص خلاص الفلم ح يبدأ
كمال رجع لي ورا ونور رقدت في رجولو جراني ورقدني في كتفو
هو. عايز احس احساس الزول البكون نايمة وسط نسوان 😂ضحكت وضربتو في صدرو وعلى كدا الفلم بدأ كان مرعب شديد وكنت كل مرة يصرح في اضانو حتى لو م خايفة 😂😂😂لمن خلص نور كانت نامت وانا كنت نعسانة شديد رفعت راسي عاينت لي كمال ابتسم لي صراحة اول مرة اكون معاهو في وضعية زي دي وقدام نور كمان
نكش شعري وقال لي يلا النوم
انا. عايزة انوم مع نور🥺
هو. امممم 🤔عندي فكرة احسن قومي كدي
قمت منو وصلح نور في الكنبة  مشا و جا بعد مسافة شايل مرتبة
هو. ح نوم هنا التلاتة
زحا الكنب والتربيزة وختا المرتبة وماش جاب واحدة تانية لصقهم سوا رقد نور في النص ونحنا رقدنا جمبها ونمنا على كدا
صحيت الصباح على صوت الجرس م اشتغلت بيهو ومكنكشة في نور شوية صحيت على صوت كمال
كمال. توته نور قومو
صحيت وانا بفرك في عيوني وقلت ليهو في شنو؟ 😴
نور. مش م شغال الليلة؟ 😴
هو. احم احم امي هنا🙄
انا اتنفضت من مكاني
انا. كيف.؟😳
نور. سجمنا😳
انا. اسي ح تقول شنو؟ 😨
هو. م تخافو قاعدة بهناك ف قومو لمو المكان قبل تشوفو
فعلا قمنا لمسنا المكان سريع ورجعنا اي شي مكانو وغسلنا ونزلنا سلمنا عليها واحضان وبوس طبعا بتحبنا الاتنين وبتتكيف لينا بعد قعدنا كنا انا ونور جمب بعض كانت بتعاين لي ولي نور انا اتوترت ف قمت دخلت المطبخ عملت ليها عصير طبعا عارفاها بتحب اي عصير بعد الفطور نور طلعت فوق وكمال طلع البقالة يجيب حاجات
امو. توته انتي كويسة؟
انا. أي.. لي؟
هي. مالك م متحننه ولا مندخنة؟
انا. ساي م عندي زمن بس😅
هي. لازم يكون عندك زمن لي راجلك.. انا لاحظت ليك كل م اجيكم بتكوني كدا..
انا. صدفة بس يا خالتو
هي. صدقة ولا عندك مشكلة مع كمال؟
انا. لالا خالص م عندي اي مشكله معاهو..
هي. طب لي نور حملت وانتي لا؟
هنا م عرفت اقول شنو لساني اتربط حرفيا انا عارفة انها م قاصدة إهانة واتكلمت معاي كدا لأنها بتعتبرني بتها بس صراحة ماف زول عارف سبب غيرنا نحنا التلاته
كمال. يا أمي م تحكيها معاها 😂دي واحدة خوافة ساي
نور. وبعدين هي زاتها مع شغلها م بتقدر.. قالت دايرة جاهز 😂
امو. والله يا توته لسه شافعة م اتغيرتي 😂.. سمح م مشكلة.. لكن الليلة م بفوت كما حننتك ودخنتك
عاينت لي نور وكمال نظام طلعوني منها🥺
كمال. ماشي يا أمي ح تعمل الانتي عايزاهو ماف زول بسألك🤣😏
انا. بس...
نور. توتة ماف ليك طريقة الليلة 😂 اخير لقينا زول بقدر عليك 😂
فعلا بعد الفطور لمو فيني الاتنين نور وخالتو حنان... عندنا مظلة برا قعدنا فيها انا كنت عايزة ابكي لمن اتدخت لانو م حصل اتذخنت الا للعرس بس كاتماها ونور فاهماني وبتضحك بتحت تحت بعدها شلت جسمي و اتحننت ونور عملت نفس الشي بعد خلصنا الموال دا عملنا قهوة وقعدة ظريفة سرحو لي فيها طبعا شعري دايما بكون مرفوع ولمن انوم بفكو ولو سرحتو واحدة ولا اتنين ونحنا قاعدين كمال صاح لي وهو كان في المطبخ مشيت ليهو وكان بفتش
انا. فشنو بتكورك
كان مديني ضهرو قبل علي
هو. بكورك بي خش..
سكت مسافة وعاين لي من فوق لي تحت طبعا لابسه فستان تحت الركبة بشوية وربع كم وكان جاي معاي ضيق من فوق ومن خصري ولي تحت فاري بعد مسافة قال لي وين السكر
انا. فوق هناك.. تعال اشرب القهوة معانا برا
هو. عاملين قهوة ارح ارح
فعلا قعد معانا المسا امو مشت مع السواق ونحنا قاعدين سوا
نور. والله خالتو ظبطتك ظبطة😂
انا. دا عذاب دا م عارفين كنت بعاني كيف😭
كمال. 😂عجبني ليك
انا. م ناقصك انت كمان😑
ورميتو بالمسند الكنت راقدة فيهو
نور. ح تتعودي😂
انا. اتعود شنو اول واخر مرة
نور. بنشوف 😂
كمال. تعالو ناخد صورة لليوم دا
فعلا اتصورنا وقشرت ليهم بي حنتي في الصور 😂
انا ونور قعدنا نتفرج على الصور في تلفون كمال طبعا كان مصور لي ذلات كتيرة وفي واحدات اكتشفتهم اسي لانو م قاعدين نشيل تلفونو كتير
انا. كمماااللل
هو. مالك... عشان الصور 🤣😂🤣😂م هو لازم الزول يكون عندو ورقة رابحة يدافع بيها عن روحو
طبعا مصور نور صور حلوة وانا زي الشيطان 🤣😂🤣😂
كنت بفتش لي صورة بالغلط م فيها ذلة
لمن زهجت ختيت التلفون وكنت ماشة عليهو
نور. عايني دي
عاينت للصورة
انا. دي منو؟
ضربني في راسي وقال لي عشان انتي غبية م بصورك صور زي دي
طبعا كنت انا نايمة وحرفيا انا انبرشت في روحي قلبت الصورة البعديها ظهرت ليهو صورة ليهو هو ومها كانت مها الصورتها وكمال م منتبه نور م كانت جمبي قفلت التلفون ومشيت على كمال عشان م تحس بحاجة وبقيت بتضارب معاهو
المسا في غرفتي كنت بفكر في موضوع مها شلت تلفوني دخلت الواتس لقيت مها متصلة بعد مسافة كمال دخل الواتس
رسلت ليهو استيكر 😛ردا لي بي واحد تاني 😒
انا. نور صاحية؟ 🙃
هو. لا لي؟
انا. عايزاك في موضوع ضرورى 🙃
هو. دايرة تحملي؟ 😒
انا. كممااال بطل تفاهة وتعال 🙂
هو. والله يا تويته القاهو موضوع تافه الا اغتصبك 😑
انا. لالا انت بس تعال يخخخ
هو. اوك.
انا. والتلفرن جيبو معاك
هو. تمام 😒
بعد دقائق جا داخل الغرفة وقعد في السرير جمبي قعدت انا وأشارت ليهو يديني تلفونو  اداني ليهو فتحتو... نعم عارفين رمزو وعاملين بصماتنا فيهو😂 بس م قاعدين نفتشو... فتحت المعرض وفتشت الصورة وريتها ليهو
انا. كمال عارف نور لو شافت دي ح يحصل شنو.؟
شالها وبقي بعاين ليها باستغراب وقال لي بس انا م صورتها وأول مرة اشوفها
انا. كمال الله يرضى عليك وريني فشنو؟ مها عايزة منك شنو؟
هو. توته م تشغلي بالك بأمور زي دي
انا. م اشغلها كيف وانا شفتك قبيل معاها في المطعم وشفت العملتو... كمال م عشاني انا عشان نور... أي عارفة انك مخبي عني عشان م ازعل بس برضو مصيري في يوم اعرف وانا عايزة اعرف منك انت
اخد نفس وفع رجولو وربعهم
هو. اسف على الح اقولو.. بس يا توته صحبتك دي واحدة تافهة وعايز اني اعرسها ... كانت بتحاول تتقرب مني وأعتقد انك لاحظتي.. بس كنت ببعد عنها... لمحت لي بالعرس كتير وانا فاهم بس بطنشها... واسي حاليا عاملة بتحبني وعايزة توديني في حته ضيقة... لمن جيتي قبل كم يوم ولقيتيها معاي كانت بتحاول تغريني عشان اعمل معاها حاجة... المهم يعني... أما بالنسبة لي قبيل كنت بتزن فيني  وقالت لي حابة تعتذر ولمن زهجت وافقت اقابلها وطلعت لي بي قصة حب وبتاع... حتى أنها كانت عارفة انك طالبه تتطلقي وشكلو كانت فكرتها تكون مكانك لمن م أطلقتي برضو م وقفت
انا. بس لي كل دا؟ انا عمري م اذيتها؟ كمال انت عارف انو دي صحبه طفولتي؟ عارف انو كنا بنتشارك كل شي سوا؟لي لكن؟
هو. عارف يتوته عشان كدا كنت عايز احل الموضوع دا بعيد عنك وكنت بحاول اذكرها بيك وبي الحاجات دي بس البت دي بتغار منك شديد وبتحقد عليك... قالت انو انتي من قمتي قمتي في عز ولمن اتزوحيتي تتزوجي زول بتحلم بيهو اي بت كان في كمية من الحقد عجيبة فيها
بقيت بعاين لي كمال وبحاول اكتم دموعي اخد نفس وحضني وقال لي م تزعلي عليها اصلا دي م شبهك ولا بتستاهل دموعك
بقيت ماسكة في التيشيرت ويبكي م أتوقعت يوم من مها كدا بجد قلبي وجعني شديد لمن هديت شوية كمال زحا مني ومسح دموعي وباسني في راسي
هو. م تزعلي كل شي بتحلا
نور. توته بتبكي لي؟
انا وكمال عاينا لتوته كمال ضحك
كمال. دي واحدة عويرة ساي كنت فاكراك انتي الشافعة بس طلعت اصغر منك 🤣
نور جات حضنتني وقالت لي دا كمال المزعلك؟
أشرت ليها بي لا
نور. وريني ليهو عشان اقتلو ليك
انا. نور انتي بجد ح تمشي تولدي مع ناس امك 🥺
هي. بتبكي عشان كدا؟
أشرت ليها بي أي
كمال. عان العبيطة دي من قبيل بتهنقي عشان دا اسي قلت فزول مات 😂
نور. كمااالل
هو. سكتت
نور. والله يا توته م نفسي افارقكم بس انتي عارفة ماما مصرة كيف.. بس بحاول اقنعها انو امش ليها في آخر شهر
انا. بجد
هي. يب
انا. بحبك يووووووخخخ 😭
حضنتي شوية كمال جا حضنا الاتنين
نور. عايز انوم هنا
كمال. اهااا جينا للكلام الما ياهو؟
نور. كمال🥺
هو. اووف اوك اوك.
باستو في خذو وقال ليهو بحبك
هو.وانا كمان بحبك
انا. راعو لي حبة
هو. عان دي
بعد كمال طلع وجا مسافة قفل الباب والنور
هو. زحو كدا بتخلص الزول يعمل حاجات م متخيل يعملها زاتو
ضحكنا وزحينا ليهو جمبنا

كيفكم يشباب 💃