راجل مرتين

~23~

#راجل_مرتين23
بقلم #nano_Ibrahim

صحيت اليوم التاني متأخر وكنت حاسه براحة دخلت الحمام وانا بغسل في وشي عاينت لقيت في علامات في رقبتي نزلت الفنية ولسه كان في زيادة طلعتها وبقيت بعاين كان جسمي كلو ألوان وحتى يد كمال كانت مطبوعة بجد دا عمل فيني عمايل مليت البانيو وكبيت صابون وقعدت فيهو كانت الموية معتدلة بس باردة شوية وكانت حلوة شديد فضلت يمكن نص ساعة جات في بالي حاجة نفس العلامات دي شفتها قبل كدا يوم اتشاكلنا انا وكمال... معقولة يكون عمل حاجة وقتها.؟لالالالا م اعتقد... شلت الأفكار من راسي وخلصت حمامي وطلعت لبست بنطلون قطني وبلوزة هاي نيك حدها مع البنطلون بتغطي يدي ورقبتي وطلعت من الغرفة وكنت جعانة وانا في السلم وكان لسه النعاس مسيطرة لقيت كمال قدامي مع انو في السلمة التحت بس لسه في فرق طول بينا
هو. صباح الخير
انا. صباح النور
قلت كدا ولفيت يدي في وسطو وحضنتو
هو. مالك؟
انا.جعانة وتعبانة ونعسانة وكلو بسببك.
ضحك قال لي معليش بتتعودي.. يلا اسي اطلعي فوق
انا. بس عايزة اكل
هو. بجيب ليك اكل انت اسي قبلي وانا ح امش وراك لمن تصلي
انا. لي فشنو
هو. في ضيوف تحت وم عايز زول يشوف الجمال دا يلا قدامي
بقيت بعاين ليهو وفاتحة خشمي
هو. توته سرحتي وين ؟
لمن انتبهت قبلت ومشيت قدامو وهو فعلا عمل القال ووصلنا غرفتي
هو. عايزة تاكلي شنو ؟
انا. أي حاجة
هو. تمام ..انتظري جوا
فعلا دخلت ورقدت في السرير شوية جا داخل وشايل صينية صغيرة فيها صحنين وكباية عصير وختاها قدامي بقيت باكل زي اللي سنين م أكلت وهو بس بعاين لي
انا. في منو م قلت لي؟
هو. نسيت اوريك عمي ومرتو واولادو جا هنا عشان يتعالج ونسبة لانو امي وابوي سافرو زي م عارفة ف ح يقعدو معانا ومنها خليت محمود يجي هنا
انا. ايوااا سلامتو
هو. الله يسلمك... بعد شوية البسي عباية عشان تسلمي عليهم
انا. حاضر
فعلا بعد أكلت لبست عباية ونزلت معاهو كانو قاعدين في الصالة سمات عليهو ومستغربين وبعاينو لي بنظرات غربية قعدت جمب كمال
هو. دي تالا مرتي الأولى.. تالا دا عمي صابر ودي مرتو خديجة دا محمد ودي سحر.
انا. اتشرفت بيكم والبيت بيتكم
عمو. لينا الشرف يا بتي
محمود. اشمعني انا م عرفتني.. مشتاقين يا مرت أخوي
ضحكت وقلت ليهو بالاكتر
خديجة. بالله انت عندك مرتين
كمال. أي 😅
محمود. شفتي كيف يا عمتو هو يعرس مرتين وانا لسه م عرست
هي. 😂معليش يا ولدي... وعرست فوقها لي؟
عاين ليها باستغراب كدا وقال ليها لمن عمو يعرس اسألي من السبب بوريك
عمو. بس ابقى كويس الا اجيب التانية.. نان م عندك لي مره
ضحكت وقلت ليهو ابقى كويس وبرصهن ليك صف.
محمود. وانا يا توته دي حقارة اقسم بالله
كمال. كدي اتخرج الأول

  المسا كمال ناداني في غرفة نور مشيت ليهم لقيتهم قاعدين
هو. من الليلة لغاية م يمشو ح تغيرو لبسكم م عايز ملابس قصيرة ولا ضيقة ودايما يكون معاكم طرحة أو توب وجبت ليكم عبايات حقات بيت وماف زول يخش في نقاش أو ونسه مع الاسمو محمد دا 
كان زهجان كدا ونور شوية متوترة
انا. حاضر بس انتو كويسين
نور. بحكي ليك بعدين
هو. الاسمو محمد دا اتفه خلق الله وكلمة تافه بسيطة عليهو ف خلي بالك منو وحذرتك يا توته ابعدي منو انتي بالذات وم تخشى في نقاش معاهو لانك م بتعرفيهو
انا. حاضر
اداني كيس وقال لي اقفلي عليك الباب كويس وم تفتحي لزول
انا. حاضر
باسني في راسي وقالو لي تصبحي على خير طلعت من عرفة نور صادفني محمد برا عملت روحي م شايفاهو ودخلت غرفتي قفلت الباب اليوم التاني عملت الروتين حقي ونزلت عملت الشاي وعملت كيك جات مرت عمو صبحت على وقعدت برا بعدها جات سحر كانت لابسه بجامه بس شلت الشاي ومشيت قعدت برا معاهم شوية كمال جا نازل صبح عليهم
هو. الشاي جاهز؟
انا. ايوة دقيقة اجيبو ليك
فعلا مشيت جبتو وشالو مشي بيهو الغرفة الفيهو عمو ومحمد كانت تحت شوية جات نور شايلة وجن صبحت علينا وقعدت معانا شلت منها وجن وبقيت بلعب فيها.. جا كمال
هو. انا طالع عايزين حاجة
انا. في ورقة في المسطبة في المطبخ
نور. عايزة حفاضات لي وجن والحليب حقها خلص
هو. كويس... عمتو عايزة حاجة
هي. لالا سلامتك يا ولدي
سحرة. جيب لي معاك شوكلاته
قالتها بدلع وهو ردا ليها بكل برود في الدنيا
هو. تمام
وبعدها طلع بعد طلع انا ونور نضفنا وعملنا الفطور كنا قاعدين انا وهي في المطبخ وبتونس شوية جا محمد داخل ف عدلنا طرحنا بقى بعاين ساي تأتي قال لينا عايز موية كبيت موية وختيتها قدامو من سكات
هو. اها الأمور كيف
ردت ليهو نور بي كل مساخة وقالت ليهو الحمدلله
هو. م عرفتينا يا نور
كان قاصدني بي كلامو قبل ترد ليهو جات سحر داخلة فتحت التلاجة وقفلتها
هي. الفطور جهز
انا. أي جاهز
بعدها ختبنا الفطور لينا نحنا برا وليهم براهم أثناء م بناكل سحر قال لي بتسعملي؟ عاينت ليها ورفعت حاجبي
انا. بستعمل شنو؟
هي. لونك فاتح شديد باين عليهو م طبيعي وعاملة روج لانو ماف لون شفايف كدا ومركبه رموش ومتكحلة
نور. الله أكبر.. لا إله إلا الله(بصوت واطي)
م رديت عليها وواصلت اكل
هي. وريني الخلطة م ح تخسري حاجة
انا. موية الوضو
هي. هاهاهاها ظريفة
عمتو. غايتو الايام دي ماف زول على حقيقتو كل الناس بتستعمل الكريمات وشي فسخ وجلخ وتركيب شعر وكلو غش في غش.. بقينا م عارفين الحلب من الخدم
كانت بتقول في كلامها دا وبتعاين لي وعارفة انها قاصداني بس م رديت ليها غايتو كملنا فطورنا بالعافيه
بعدها عمتو وبتها مشو غرفتهم قلت لي نور ديل اصلا مخبولين كدا ضحكت وقالت لي انتي شفتي حاجة
انا. اخخخ انا طالعة فوق قومي ارح اوريك جبت ليك الماسك
هي. بجد لقبتيهو وين
انا. كان لقيتو معروض وطلبتو
فعلا طلعنا فوق فتحت باب الغرفة لقيت سحر جوا وكانت بتهبش في حاجاتي
انا. بتعملي فشنو هنا؟ 😠
قبلت على وكانت متوتر تاني قالت لي بفتش لي خلطتك
انا. انتي مخبوله خلطت شنو؟
نور. سحر الكلام دا غلط
هي. ح تعملو شنو ح تكلمو لي كمال يعني😏
انا. لو سمحتي اطلعي من غرفتي😊
هي. كما غرفة
طلعت وضربت الباب
نور. واااايييي يلا ماشة اقفل غرفتي واجيك
فعلا مشت قفلتها وجات
نور. معليش فترة وبتعدي
المهم ورينها الماسكات واتونسنا شوية بعدها شالت حقاتها ودتهم غرفتها ونزلنا تحت لقينا عم كمال قاعد سلمنا عليهو وقعدنا معاهو وبقي يونس فينا
هو. ماشاء الله كمال قادر جابكن اتنين ورا بعض... نحنا م كنا شايفين شغلنا
انا ونور بقينا بنضحك
هو. عندي النية بعد ابقى كويس اجيب التانية
نور. لكن ي عمو بعد اولادك كبرو 😂
هو. مالو كدا يداب بقيت خالي مسؤلية الأم نخليها مع الاولاد وانا اشوف لينا مرة تانية😂
محمد. مرة لي منو
جا قعد وخلف رجلو
عمو. لي انا
محمد. يا ابوي انا م عرست لسه خليني اعرس اول😂
عمو. انا ماسكك من زمان امك بتفتش ليك
محمد. كلهم م عجبوني
عمو. دايرها من الحور ولا كيف... الحور في الجنه يا ولدي دا  زاتو كان عملك بدخلك الجنة 😂
محمد. اسي هدا كمال عندو حور في الدينا😏
قال كلامو دا وعاين لي
عمو. استغفر الله يا ولد م تشوف ليك شغلة تقضاها🙂
محمد. فشنو انا أسى قلت حاجة غلط
عمو. ماشاء الله وبتسال... قوم قوم م تجلطني
هو. خلاص سكتت
طبعا انا بحمر ليهو ساي
عمو. تعالن يا بناتي ودني الحوش داير اشم لي هوا
ساعدناهو ووديناهو برا عملنا لينا قعدة قهوة ظريفة كدا معانا مرتو شوية جو بتو وولدو قعدو معانا بعدها هو دخل جو يرتاح
محمد. اسمك تالا صح
أشرت ليهو بي أي لانو كلهم كانو مركزين
محمد. اسمك حلو
سحر. معاك في دي
محمد. م عندك اخت
انا. لا
سحر. ولا اخو
انا. لا
محمد. خسارة... خلاص نعمل صفقة كدا بما انو كمال عندو اتنين واحدة يطلقها  واعرسها انا وبما انو نور عندها بت م بتقدر
سحر. يا خسارة م تكوني بعد السماحة دي م بتلدي
محمد. م مشكلة رضيان انا م داير شفع
سحر. جرب حظك لو م ولدت جيب فيها التانية زي م عمل كمال..
امو. اجيييي يعني انتي عرسو فوقك عشان م بتلدي🤨

اهلين شباب كيفك💃
اتفاعلو ووروني رايكم💃