راجل مرتين

~14~

#راجل_مرتين14
بقلم : #nano_Ibrahim

صحينا الضهر َ لقيتو راقد معاي عاينت لي بنعاس كدا
هو. صباح الخير
انا. صباح النور... الحاصل شنو😕
هو. بالنسبة؟
انا. لي قصة انك تنوم معاي😕
هو. إلا يكون في سبب يعني؟ 😒
انا. اي🙂
هو. عارفة نور وجنون نور🙄
انا. هي الطلبت منك كدا؟
هو. ياااه
انا. دي جنت😳
هو. م هو لو وقفت على النوم معاك ممكن الزول يمشيها
انا. كيف؟
هو. طلبت مني انو هناي انتي فاهمة وقالت انو دي أفضل فرصة
انا. لا بجد جنت
هو. وح تجنني معاها
انا. وانت وافقت
هو. لا طبعا مستحيل اعمل معاك حاجة انتي م عايزاها أو انا م عايزها
انا. انا شخصيا م ح اعملها م زول م عندو ليهو مشاعر
هو. دقيقة دقيقة.. يعني لو حبيبي واحد من وراي ح تعمليها معاهو😑
ضربتو وقلت ليهو انت اهبل م قصدي كدا😒
هو. عارف بهزر... اها رايك شنو😏
انا. شيل الموضوع من راسك 😒
هو. شلتو 😂
دخلت اتحممت وهو رجع نام بعد خلصت صحيتو و نزلت عملت الشاي بي كيك جا نازل بعد مسافة شربنا الشاي سوا
هو. نعمل شنو الليلة؟
انا. امممم م عارفة
دخلت اجهز الفطور وهو قعد يحضر بعد مسافة جا داخل المطبخ وكنت اصلا خلصت ف أكلنا
مرت فترة وكمال طبيعي بكون نايم معاي حتى ملابسو بقت قاعدة في غرفتي والفراغ العندنا عملنا غرفة للبيبي وعملنا تعديلات في البيت عشان نستقبل نور والبيبي في يوم خميس كالعادة بنحصر في فلم كنا قاعدين في الكنبة وهو ساند ضهرو ورافع رجولو ومرقدني فيهو كان راسي في صدرو
بعد خلص الفلم عاينت ليهو
انا. كمال
هو. ايوة
انا. رايك شنو ننوم في السطوح
هو. فكرة حلوة.. يلا نشوف
فعلا طلعنا فوق وشالنا مراتب ختيناهم في الأرض وجبنا أغطية انا فرشت المكان وكمال قفل البيت وجا طالع فوق ورقدنا بقينا بعاين في السما الصراحة كان المنتظر حلو
هو. تعالي قريب
مدا لي يدو وأشر لي ارقد فيها مشيت رقدت جمبو فكا المشبك من راسي
انا. ماخد راحتك 😂
هو. عارفك متعودة تنومي كدا
انا. لازم ننوم هنا بعد نور تجي
هو.اصلا
انا. بتحب نور من متين؟
هو. من زمان شديد
انا. يا بختها بيك نفسي زول يحبني زي م بتحبها
ضحك وقال لي ماف طريقة ليك تاني😂
انا. خسارة... الزول عايش سنجل وهو متزوج م حصلت دي🙁
ضحك وقال لي انا م مالي عينك يعني؟
هو. لا م كدا بس فاهمني انت؟
استعدل وقبل على وختا يدو في خدي
هو. حصل فرقت بينك وبين نور أو فضلت نور عليك في حاجة؟
عزيت ليهو راسي بمعنى لا
هو. طب شيلي الأفكار دي من راسك انتي ونور عندي واحد وانا شخصيا م حصل فرقت بينكم ولا في نفسي ولو حصل بكون بدون قصد مني.. انتي عارفة انو انا م بقدر أقرب منك م عشان نور ولا عشان انا م عايز وبرضو م بقدر اطلقك م عشان نور برضو عشان انا م عايز اطلقك انتي فاهمني
ابتسمت ليهو وأشارت ليهو بي أي باسني في راسي وحضني وقال لي بطلي أفكار ونومي
ابتسمت ليهو وحضنتو وهو كذلك ونمنا على كدا
صحيت اليوم التاني وصراحة م بتذكر اني صحيت على أصوات عصافير قبل كدا رفعت راسي لقيت كمال صاحي وبحرك يدو في شعري
هو. شكلي ح اعمل يوم ثابت ننوم فيهو هنا
انا. حلو النوم هنا صج
هو. شديد.. بالمناسبة
انا. اممم
هو. شكلك حلو وانتي نايمة
انا بقيت بعاين ليهو وملامح عليها صدمة وغالبني ارد
هو. 😂😂😂😂عان وشك حمر كيف دا كلو خجل
ضربتو في صدرو وقلت ليهو اهبل
هو. يلا يلا قومي عشان انزل ليك الحاجات دي تحت
انا. يا حبذا لو نزلتني معاهم م عندي رغبة اتحرك
هو. اممم طب خلاص اليوم يومك ح اشتغل انا
انا. بجد
هو. جد والله 😂
انا. مع انو ح اتسمم لكن مبسوطة
هو. دايرني اغير رأي😒
انا. خلاص سكتت😂
قام من المرتبة وشالني وانا لفيت يدي في رقبتو
انا. شعرك زاد
قلت كدا وحرك يدي في شعرو وبعدها لحيتو
هو. أي طولت م حلقت... شكلي ح احلق الليلة
انا. لا بس ظبطو م تحلقو
هو. عاجبك يعني
انا. شديد
هو. حاضر ح اخليهو....وووصلنا
دخل بي الغرفة ونزلني وطلع قفل الباب عملت الروتين بتاعي ونزلت تحت لقيت كمال مجهز الشاي ومعاهو بسكويت
هو. صباح الخير
انا. صباح النور... الله يسترنا الليلة 😂
ضحك وقعدت معاهو كبا لي شاي واداني ليهو اما انا اشهدت قبل اشرب اول م شربت منو عاينت لي بصدمة هو ضحك
انا. متين عملو دليفري بتاع شاي؟
هو. انتي هبلة 😂
انا. دا عملتو انت بجد
هز لي راسو بمعنى اي
انا. كيف لكن انت م بتعرف تولع النار
هو. كنت ممثل دور الضحية😂
انا. يواتي😶
هو. م سمعتك
انا. م قلت شي🙊اصبر لي الا افتن فيك نور😂
هو. إياك بقطع لسانك..
انا. خلاص خلاص
فعلا اليوم كان حلو شديد وم عملت ولا حاجة هو عمل الاكل وغسل العدة ورتب البيت
العصر كدا شغل اغاني وبقي برقص وانا بعاين ليهو وبضحك جراني وقال لي خلي الكسل وفعلا بقيت برقص معاهو وكنت مستمتعة شديد في النهاية رقدت في الكنبة من التعب قعدت جمبي وقال لي ناقص نور بس
انا. حرفيا كانت ولعتها اكتر ما هي ولعانة😂😂😂
هو. نور وجنون نور
انا. ح تجيبها متين؟
هو. الخميس الجاي
انا. بجد؟
هو. اي والله 😂
انا. وأخيرا💃💃

كيفكم يشباب
اتفاعلو و روني رايكم 💃